بسَم الله الرحمَن الرحِيم
مشاهد قصه "احرقتني نار أنتقامهم "
انا الضائع بين اغصان الكذبُِ
انا الذي استغفلوني وحطَمو مشاعَريِ
هل تتقبلي اعتذاري ورجائي وقله حيلتي؟؟
هل لي بقلبك الذي إحرقته لكِ؟؟
...........................................
انا القويه التي لا يمكنك كسرها
انا النار التي حرقتوني بها بخداعكم وخيانتكم
انا التي انتظرت وحاربت وعانيت فبماذا جزيتيني؟
بخداعك؟بكذبك؟بخيانتك؟
مشهد أول
///////////////////////
_خاله ابويِ شو تأخر اليوم !؟
_هسه يجي هوه دومه يتأخر ويضل بالنه عليه .
_خاله احس گلبي يوجعني اليوم وتحلمت حلم مو زين .
_يا اسم الله خاله ان شاء الله ماكو شي حبيبتي .
_اني طالعه بلحديقه اكعد شويه واشوف بلابل مالاتي من لبارحه ما شفتهن.
_روحي حبيبتي كملت طبخ اني رايحه اصلي بين ما يرجعون ابوج وعمج ولولد
"احجي بگلبي "
ليوم شو كلهم تأخرو دخيلك يا ربِ ان شاء الله ماكو شي صاير وياهم .
_اخذت شهيق طويل واني اشُم بريحه الورد الله احلى ريحه بلعالم ريحه الطبيعه
هلاااووو بلابلي شلونجن فتحت عيوني بصدمه واني اشوف ألبلبل الأحبه واكع ميت شهكت وگلبي فز واني اشوفه مديت ايدي طلعته واني حزينه على عصفوري .
بديت ارفع عيوني شويه شويه واني اشوف باب البيت ينفتح عبالي ابويه رجع رحت اركض للباب واني مبرطمه واصيح بابا بابا شوف عصفوري الاحبه ميت نصدمت
واني اشوف عمي لازمينه ولده منا واحد ومنا واحد خليت عصفوري بلكاع وركضت عليه عمووو شبيك؟؟ بقيت اباع بعيونهم واحد واحد وهمه يبجون
نغزني كلبي واني اشوف ابويه ماكو بينهم صحت بصوت رج البيت رج شبيككمم ليشش كاعد تبجون شبيككم ابويه وين ولكم وينه
_ ابوج مات
////////////////////////////////////////////////
"مشهد الثاني "
_ احس كلبي بي فراشات يطيرين من الفرحه يا ربي ما مصدكه معقوله بعد كل هاي السنين راح اشوفه وجه بوجه اخخخ ممصدكه .
_اي عيني مبستمه وصافنه للهوه اللهم صل على محمد وآل محمد أو مره اعرف الهوه يضحك هيج هههههههه .
_اهوو لازم تگطع عليه كُل لحضه جميله جنك بومه وين ما اروح تطلعلي .
_ اه هاي عليمن ولج اني بومه دصبريلي اذا ما افضحج ليوم كدام الاستاذ من يجي هههههههااايييي .
أنت تقرأ
إحرقتني نار أنتقامهم
Mystery / Thriller"يا سَاكِنًا فِي فُؤَادِي وَهُوَ يُحرِقني وَلَيْسَ قَلْبِي بِراضٍ غَيرِهُ سَكَنا يَا قَاتِلي عامِدًا لَوْ قِيلَ هَلْ أَحَدٌ يُحِبُّ قَاتِلَهُ عَمداً لَقُلتُ أَنَا"
