إحرقتني نار أنتقامهم

البارت الرابع

بسَم الله الرحمَن الرحِيم

#إحرقتني نار أنتقامهم

#بِقّـڵــمـي : ـمـحبِه ـمـحـمـدّ

///////////////////////////////////////////

"الحاضر"

ملاك: زين خاله ما عرفتي شنو صار ولا حاولتي تتواصلين وياهه بعد؟؟

_ لا والله يا يمه ما عرفت .

_ ابوي ليش يكول على امي خاينه؟؟

_ هاذ لغز جبير يا يمه اني أختي واعرفهه كلش زين من المستحيل تخون ابوج لو تسوي شي من وره ضهره بس اكو شي صار بينهة وبين عمتج وشي جبير .

_ هسه امي وين؟؟شنو اخبارهه؟؟

_ من وره هاي السالفه ما شفتهه بعد بس من مات ابوي رحت للفاتحه وبقيت يمهم بس هيه ولا طلعت لان ابوي قبل لا يموت موصي ما يريدها بفاتحته.

_ يااا صدك خاله ليش .

_مو السالفه الصارت محد يدري بيهه بس ابوج وابوي الله يرحمه حتى عمج ابو فارس شكد حجه ويه ابوج وحاول يعرف بس ما كدر يعرف لان ابوج قفل على شغلتين الأوله ما يحجي لشي الصار والثانيه ما يتزوج بعد .

_ هفففف هاذ لغز لازم ينحل خاله.

_ هواي حاولت اعرف بس ما كدرت .

_ واختي ليش هيج بعيده علينه وما شايفينه؟؟

_ مو اختج جانت تموت على امج ما تكدر تفاركهه من بقت هنا ضلت بس تبجي وكعت مريضه وديناهه يم امج نوب جبناهه هم وكعت ونركض بيهه مستشفيات لحد ما اخر شي ملينه وبقت يم امج حتى احنه ما رادتنه ولا قبلت تجي هنا ،، عكسج انتي بقيتي مجلبه بأبوج ولا عفتي وامج نسيتيهه.

_ والله قهر ليش اني من دون لبنات هيج بعيده عن امي واختي حتى اخ ما عندي .

_ نجبي ولج لعد اني مو يمج اني هنا خالتج وامج ولدي كلهم اخوتج بس من عده واحد لشالع كلبي هههههه .

_ هههههه بس كلبج خاله حتى كلبي .

_ ههههه هسه يمه رضيتي يله كومي نزلي وياي.

_ احمم خاله حبييتي اخر سؤال والله ؟؟.

_ عمي أمري الله كولي.

_عمتي شلون تطلكت؟

_ وره ما تطلكت امج ما طولت اسبوع ورجلهه جاب الشيخ واجانه كال ما اريدهه لا هيه ولا بناتهه .

_ يمه صدك خاله .

_ اي يمه بوكتهه كلت هاي اكيد حوبت امج ما تعدت اسبوع وطلكت وراهه ومن وره سوالفهه محد اجه خطبهه بعد كلهه شردت من يمهه ههههههه .

_ ههههههه والله خاله حقهم يشردون ،،زين هيه شكو ودت بتهه يم فارس لو هم تفتر ورا تريده .