بسَم الله الرحمَن الرحِيم
#إحرقتني_نار_أنتقامهم
#بِقّـڵــمـي : ـمـحبِة ـمـحـمـدّ
/////////////////////////////
ملاك:" كلنه نصدمنه بلحجي الحجته ملك صوت احمد رج بأذاني وهوه يصيح محمددد درت وجهي على محمد لكيته واكعه من ايده صينيه العصير وعيونه صارت حمر ومدمعه "
محمد: "حبيت اول حب بحياتي اول مره اعرف شنو شعور الحب اتمنيت اعيش هل شعور وياهه ويه الأنسانه الختارهه كلبي بدون ما احس على نفسي جنت كلش حاب اتقرب منهه بس بنفس الوقت خايف من صدهه النه بقيت حاير لحد ما سمعت الخبر الي كسر كلبي واني بعدني ما بادي قصه الحب الي تمنيتهه والي تخيلتهه بخيالي نصدمت نخطبت حسيت رجفه صارت بأيدي لا اراديهِ وكلبي عصرني حيل عيوني كوه مفتحهن واباوع بيهن لان غرغرن بلدمع اخذت نفس عميق بعد ما الكل وجهو نضراتهم اليه وابتسمت وتقدمت تجاهِ ملك "
الف مبروك بنت عمي شايفه كل الخير الله يهنيج ويا الشخص الصح .
احمد:" عيني على اخويه الي حسيته شي نطفه منه فجئه هاذ روحي من دنيه انقهر اذا اشوفه ضايج من شي رحت وكفت يمه بسرعه وسئلته بخوف"
محمد بيك شي؟؟
عافني وراح على ملك باركلهه وطلع .
ملاك: اوف يا قهرتي على محمد من صدك انصدم بملك هاذ اخويه الله شاهد انقهر اذا اشوفه هيج بس شنو بيدي عليه من جهه محمد ومن جهه اختي الي لتقيت وياهه من بعد سنين .
ملك: ههههههه شبيكم كلكم نصعقتو هيج خبر خطوبتي يغثكم بس محمد بيكم زين واجه يباركلي أما انتوو ما اعرف شنو اكول عنكم يله اني قابل بعازتكم الحمد الله حبيبي صهيب موجود الله يخليك الي حبيبي .
ملاك: هه الف مبروك يا اختي الف مبروك يا بنت امي وابوي طول عمري جنت اتمنى اشوفج وألتقي وياج بس مع الأسف من بعد هاذ الموقف اتمنيتج لا انتي اختي ولا اعرفج .
ملك: ههههههه لا حبيبتي ملاك اترجاج اعتبريني اختج اني اموت اضيع اختنك من دونج ، يابه دطيررري شلون ميته عليج هسه اني انتي كلج ملاك قابل منو طلعتيلي من تالي .
ملاك: راح تتندمين على هاذ حجيج صدكيني ، بس بذاك الوكت راح تلكيني موجوده وانتضرج واسندج اذا الوكت مال بيج ، وإذا أحد قهرج لو زعلج هم لا تنسين اني اختج وموجوده ومستعده ابقى انتظرج العمر كله
يله احمد ترجعني للبيت؟؟
احمد: أي يله اني هم اريد ارجع وهم خل نشوف محمد وين راح؟؟
ملاك: اي يله بيباي.
ملك: رحت للقاعه كعدت وبقيت افكر همممم هاي ملاك عبالهه بهاذ حجيهه راح يلين كلبي عليهه وابقى احبهه ما تدري اني شنو ضامتلهه، هممم بس هسه شنووو اسوي بيهه اني شنوو ؟؟
أنت تقرأ
إحرقتني نار أنتقامهم
Misterio / Suspenso"يا سَاكِنًا فِي فُؤَادِي وَهُوَ يُحرِقني وَلَيْسَ قَلْبِي بِراضٍ غَيرِهُ سَكَنا يَا قَاتِلي عامِدًا لَوْ قِيلَ هَلْ أَحَدٌ يُحِبُّ قَاتِلَهُ عَمداً لَقُلتُ أَنَا"
