" ဘာလို့ငါ့ကိုကြည့်နေတာလဲ စာကိုကြည့်လေ "
စာသင်ပေးနေရင်း ဇွဲတစ်ယောက်စာအုပ်ကိုမကြည့်ပါဘဲ မေးထောက်ကာ မိုးရိပ်၏မျက်နှာကိုသာတစ်စိမ့်စိမ့်ကြည့်နေတာကြောင့် မျက်စောင်းထိုးရင်းပြောလိုက်တော့ ပြုံးလေသည်။
" အကိုကဒီလောက်ချစ်ဖို့ကောင်းနေမှတော့ ကျွန်တော်ကဘယ်လိုလုပ် စာထဲစိတ်ရောက်မှာလဲဗျ "
" အပိုတွေပြောမနေနဲ့ စာမလုပ်ချင်ရင် ငါပြန်မယ် "
" မဟုတ်ဘူးလေ စာလုပ်မယ်ဟုတ်ပြီလား မပြန်ပါနဲ့ဦး "
" ဒါဖြင့်စာကိုအာရုံစိုက် နောက်အပတ်ဆိုစာမေးပွဲဖြေရတော့မယ် "
" စာမေးပွဲကအကို့လောက်အရေးမကြီးပါဘူးဗျာ "
" တော်စမ်းပါ မင်းစာမေးပွဲမှာ အဆင့်၃ထဲဝင်ရင် မင်းကိုအဖြေပြန်ပေးမယ် "
" ဗျာ အကိုတကယ်ပြောတာလား "
" တကယ် မင်းသာရရင် မင်းလိုချင်တဲ့အဖြေပေးမယ် "
" ဟားးး ကြိုက်ပြီဗျာ အဖြေပေးဖို့သာပြင်ထားလိုက်တော့ "
ထိုနေ့မှစ၍ ဇွဲတစ်ယောက်သူငယ်ချင်းတွေနဲ့လည်းသိပ်မလည်တော့ဘဲ စာဘဲလုပ်နေတော့သည်။ အန်ကယ်ကပင် မိုးရိပ်ကိုအံ့အားသင့်ကာ မေးရလောက်တဲ့ထိ ဇွဲကစာတွေကြိုးစားလာသည်။
" ဘာနဲ့များချုပ်လိုက်တာလဲ သားရယ် အန်ကယ့်သားခမျာ နေ့နေ့ညညစာတွေဘဲလုပ်နေတာ "
" ဟုတ် အဲ့လောက်လည်းမဟုတ်ပါဘူး သူ့မှာကြိုးစားချင်စိတ်လေးရှိနေလို့နေမှာပါ "
" ဘာဘဲဖြစ်ဖြစ် သားကိုကျေးဇူးတင်ပါတယ် အန်ကယ်တော့လူရွေးမှန်ခဲ့ပြီ သားရဲ့စေ့စပ်ပွဲကိစ္စလည်းအဆင်ပြေတော့မယ်ထင်တယ် "
" ဗျာ စေ့စပ်ပွဲလား "
" ဟုတ်တယ်လေ အန်ကယ့်သူငယ်ချင်းသမီးနဲ့အန်ကယ့်သားကိုစေ့စပ်ပေးဖို့ လွန်ခဲ့တဲ့၁၀နှစ်လောက်ထဲက လူကြီးချင်းကတိပေးထားကြတာလေ သားကအရမ်းဆိုးတော့ တစ်ဖက်မိန်းကလေးသဘောမကျမှာစိုးရိမ်နေတာ အခုတော့အဆင်ပြေလောက်မယ်ထင်တယ် သားကျေးဇူးကြောင့်ပေါ့ "
YOU ARE READING
A bad boy's love
Roman d'amour" ငါမင်းထက်ကြီးတယ်နော် ဇွဲခန့်မောင် " " အဲ့တော့ ထိုင်ကန်တော့ပေးရမှာလား "
