Teri meri kahani

Episode 25

Walima ceremony shuru ho chuki thi, sab rishtedar wahan majood the jab hum aye wahan, me bettab thi kab ammi abbu se milungi or Ali ko bhi, boht miss kar rahi thi sabko. Apne to apne hi hai.

-Bhabhi g aslamualeikum-Hassan bhai pas aye or stage pe akar bethe jahan sab couzins or dost the.

-Waleikum salam-mene jwab diya.

-Ye le apki salami,-mere hath me ek lafafa rakha-or wada kare ke isse shar bilkul ni karna-Haider ka keh raha tha.

-Kiyun be? Teri mujse dushmani hogayi shadi ke bad-Haider ne mazakh me jwab diya.

-Tu ab paraya hogaya hai humare liye-Hassan ne fake ansun saaf karte hue kaha, meri hassi nikal gayi-acha bhabhi batayen is gadhe ne zeda nakhre wakhre tang to ni kiya?.

-Underpressure me kya hi bolun ab-mene ishara kiya Haider ki taraf, or ye meri taraf hi dekh rahe the-Acha sorry-me halka sa hassi.

-Ek bar iski shadi hojaye phir me bhi babhi g se puchun ga, bas sabar kar tu zara-Haider ne mazhakhiya andaz me kaha.

-Teri tarah kharoos to nahi hun me-Hassan ne jwab diya. Dam to hai Hassan bhai ki bat me.

Par me chup hi rahi, Hiader ne muje ni chorna bad me.

-Han kharoos to ni par idiot zaroor hai-Hazal a kar boli.

-Hazal ko  aj ek drame me role offer hua tha jalti me tel dalne ka par isne mana kardiya kiuke ye yahan busy thi.

-Battamez!-Hassan bagha stage se or Hazal gusse me uske piche gayi or hum dono has rahe the.

-Shart lagao  next in dono ki shadi hogi-Haider ne kaha.

-Lag to esa hi raha hai.

Haider apne kuch doston ke pas chale gaye or me ammi abbu ek pas gayi, pata ni chehre se aj wo pareshan nazar arahe the, shayd mera veham ho.

-Baba, mama ap theek hai? Koi pareshani ki bat?-mene inse pucha.

-Nai bete, sab theek hai, tum batao, tum khush ho na?-baba ne pucha mujse.

-G baba me boht khush hun, lekin ap bataye sach sach koi bat hai, ap pareshan lag rahe.-mene insist kiya.

-Nahi, tum parsakoon raho koi pareshani nahi hai, tume wese hi vehm horaha hai-mama ne is bar kaha, par pata ni kiyun mera dil nahi tha man raha.

Allah khair kare.

Kuch der bad sab larkiyon ne muje gher liya. 

-To phir batao Haider bhai ne muh dikhai me kea dikhaya, suhaag raat kesi hoti? Sari details batao.

Or phir inke hazar sawal shuru.

Kuch der bad, Hassan or baki couzin cake le kar agaye cut karwane ke liye, cake boht lazeez dikh raha tha or decoration bhi boht achi ki hui thi, floral and white.

Haider ne meri taraf dekha, mene aghe hath rakha in ke hath ke upar or cake cut kiya, or aj bhi meri skin jab inki skin touch karti hai to kuch kuch hota. 

Filmy lagega par sach me kuch mehsoos hota hai, or boht acha lagta hai jab esa hota hai. 

Walima ceremony is ke bad khatam ho chuki thi sab mil kar apne ghar rawana hogaye the. Bas apny close family reh gayi thi.

-Chalo beta hum bhi chalte hai, sham boht hogayi hai-ammi ne a kar kaha.

-Api tumare bina ghar suna suna hogaya hai, ab me kisko yad karwaunga ke assignment bhul gayi, kisko tang karunga me?-Ali ne kaha, wo rona chahta tha par control kar raha hai, par meri ankhen nam hogayi. Mene gale laga liya apne chote bhai ko or nakhein bad karli.

-Tum bhi boht yad aoge muje shehzade- meri ankhon se ek ansun nikal hi gaya.

Ammi or baba se mili or pata nahi kiyun dil nahi dil nahi kar raha tha ke in ko kahin jane dun, dil mera boht bhari hogaya tha, ghabra raha tha mera man boht zeda par mene ignore kiya.

Un ko me jate hue dekh rahi thi, dil kar raha tha rok lun inko...dekhti rahi jab tak wo meri nazar se gaib nahi hogaye.

-¿Are u okay?-Haider ne pucha.

-G theek hun... bas dil ghabra raha hai boht-mene apny kaifiyat batayi.

-Allah behtar karega, ghar chalte rest karne ki zaroorat hai, thak gayi ho bohot.

(...)

Ghar aye, aunty ne madad ki dress wagera utnarne or saki sab cheezen sambhalne me, namaz e isha pari mene or  finally wo sab kuch kar ke me bed pe lait gayi thi, wese to muje aj thakawat se neend aani chaiye lekin pata ni kiyun muje bilkul bhi neend nahi arahi thi.

Hiader bhi change karke bed pe the, mobile dekh rahe the.

-Apko neend ni arahi kiya?-mene curiosity me pucha.

-Nai, ajeeb bat hai wese aj to itna thak gaya,par neend ni arahi, tum kiyun ni so rahi?-ino ne pucucha mujse,dheeme awaz me.

-Mera bhi ap wala jesa hi scene hai, neend hi ni arahi, or dil hai ke ghabraye ja raha hai, Haider kuch hone wala hai.

-Vehm hai tumara, kuch ni hoga, koshish karo sone ki suba tak behtar feel karogi-insist kiya, keh to theek rahe the, shayd mera hi veham ho...

 ( Pov.Haider)

Meri ankh lagne hi wali thi ke achanak mere mobile ki ring bajhi, is waqt kon call kar sakta hai? Allah kahir kare. Mene mobile uthaya time dekha, adhi raat ko? 00: 15.

Me uth kar beth gaya, call unknow number se thi.

-Aslamualeikum.

-Waleikum salam, kea ap Haider bol rahe hain?-koi anjaan si awaz boli jo ke kisi mard ki thi.

-G, bilkul ap kon?-Layla ki ankh bhi khul gayi, or wo heraani se muje dekh rahi thi, uski ankhon se dar chalak raha tha.

-Raste me ek car accident hua hai motorway pe or usme 3 dead bodies mili hain, apka number ek mobile me save tha to ap ko humne call ki-mere dil ki dharkan tez hogayi-afsos se koi family lag rahi thi, ek chota bacha bhi hai...-me nahi samjhna chahraha tha jo me samjh chuka tha.

-naam kea hai unke?-mene daarte hue pucha, Layla muje betaab dekhi ja rahi thi. 

-Ek mint sahab, me wallet me check karta hun id card me likha ho...-uno ne kaha.

Or jab uno ne naam bataya, pehle dharkan tez thi ab to jese ruk si gayi...Nai ye nahi ho sakta...Uncl, aunty, Ali...Nai...

Inna lillahi wa inna ilayhi raji'un...

-Ap sun rahe?

-G-G  g sun s-sun raha-muje jawab dena para, mere muh se bol nahi thi nikal rahe.

Wo shaqs hospital adreess bata raha tha, lekin...Me Layla ko kese bataun...ke uske maa, baap...bhai duniya me nahi rahe?. Kese?...