Teri meri kahani

Episode 15

Hospital se finally muje azadi mil gayi, par sirf abhi k liye kiuke they said k muje ab check yo ke liye ana hoga.

Hassan bhai apni gari me the or me or Haider ek taraf, raasta khamoshi me guzra, kuch kehne ko hai hi nahi tha.

Hum dono sath hote hue bhi ek duje se dur hai. Jo rishta shohar or biwi ke darmiyan hota hai wo humare beech nahi tha.

¿Par kab tak esa chalega?

Baba or ammi ka khyal bar bar araha tha zehan me, kitne pareshan honge wo muje lekar, kis halat me honge wo... Or jab Meri ye halat dekhe ge to kitni takleef hogi un ko, wo beti  jis ko aj tak el kharach bhi nahi ane di aj tak aj wo zakhmon se bhari hui hai.

Hazal or Heera... Pata ni wo kesi hongi dono...

—¿Kin sochon me gum ho?—Haider ki awaz ayi muje, me apne khyalat se bahir agayi, or uski taraf dekha.

—Ami or baba ke bare me soch rahi thi...—mene madham awaz me kaha.

—Fikar na karo, wo theak hai, Hazal or Heera un k pas hi hai or baki sab bhi, or jo pareshani me thi wo ab nahi hai, kiuke ab tum sahi salamat mere sath ho—Haider ne muje hosla diya.

—Agar meri ap k sath shadi na hoti to aj ye nobat hi na ati, ap ki shadi Ayesha ke sath honi chaiye thi, kiuke na ap khush ho is rishte se, na wo....

—¿Or tum? ¿Tum khush ho is rishte se?

Mene gehri sans li or phir jawab diya.

—¿Mere khush hone ya na hone  se kea fark parta hai? Ye rishta dono ko nibhana hota hai, or agar ek khush nahi hai, uski marzi nahi hai to dusre se kea fark parta hai.

—Me is rishte ko nibha raha hun isliye aj yahan hun.

—Par ap khush to nahi ho na andar se, aj kal to har koi nibha raha hai rishta duniya walon ko dikhane ke liye kiuke un ki majboori hoti hai, par andar se boht kam log khush hote hai  apne relation ko le kar.

Kuch der khamosh reh kar kaha:

—Is bat ka jawab me abhi nahi dunga, kiuke abhi sahi time nahi hai, par tumare andar jo bhi sawalat hai tume jawab khud hi miljaye ha.

Muje sach me in ki samjh nahi ati, ab is bat ka kea matlab hai ¿esa kea hoga kuch time bad jo muje mere jwab mil jayega?

Kuch de bad me finally apne ghar k bahir thi, chalne me boht dard hota tha par bardash karna para, Haider ne sahara diya hua tha ek hath se.

Jab ghar ka darwaza khula, to samne baba the, ji no ne muje dekh kar hi gale laga liya or ro rahe the. Mere ansuon en bhi dair nahi lagayi ane me.

Ammi or baba se kabhi dur rahi ni, itne din kese guzar liye pata nahi kese.

—Mera bacha, kaha tha tu—baba ne rote hue kaha.

—Baba please roye mat, ab me agayi hun, please baba na roye—mene rote hue kaha, apne hathon se baba ke ansun saaf  kiye or un ke hathon ko chuma.

—Mera bacha, kea halat hogayi hai teri—baba ne muje dekhte hue kaha or phir meri madad ki andar ane me.

Ghar ke jab andar aye, to ammi ayi uno ne muje gale laga liya or boht pyar diye. Ammi or baba koshish karte the ke na roye par ansun nikalte rahe.

Baghti baghti dono ahí mere pas ese dono n gale lagaya Meri to sans gutne lagi.

—Kidnapers ne to ni mara muje par tum dono mera dam ghoont k zaroor maro gi—mene haste hue kaha ye dono bhi has pari.
Hazal or Heera mere pass bethi bed pe.

Samne baba, ammi or Haider dekh rahe the,or teeno ke chehre pe madham si muskurahat thi.

—Pagal tune humari jaan suli pe charhai hui thi, kuch din or na ati to pata ni kea hota—Heera ne kaha udaasi wale chere k sath.