Teri meri kahani

Episode 20

Mayoon ke ek din bad Mehndi ka function tha, or sab larkiyon ne mil kar sazish ki Mehndi ek sath honi chaiye take zeda kharcha na ho. Wese bat ye bhi sahi hai alag alag function karne se boht zeda paise lag jate hai wohi hum gareeebon me bant de to wo behtar ni?

Pehle me nervous ho rahi thi ke mehndi ek sath hogi and all par phir sab ne muje relax kiya k beta kuch nahi hota shadi kar ke bhi tune us ke pas hi rehna hai to ab kea masla hai.

Allah ke karam se us ke bad koi new syapa nahi aya life me but baat pareshani wali hai, koi chote mote syape hote rahe to tasali rehti hai k koi bara wala syapa nahi hoga.

—Tu kiyun itni negative hoti hai, problems nahi arahi to allah ka shukar ada kar ye kea tu ilogical baten kar rahi hai. Or koi ''bare wala syapa'' ni ayega yakeen kar—Nida ne samjhaya jab mene use ye bat share ki.

—Chal man leti hun teri bat—mene gehri sans lete hue kaha.

—Ye mehndi wali kab ayegy yaar?—Mahi ne awazargi se kaha sofe pe bethe hue.

—Tuje bari jaldi hai mehndi lagwane ki?—Nida ne kaha haste hue.

—Yara jaldi ki bat to hai na, jab mehndi wali ayegy pehle Layla ko mehndi lage hi hathon par, paon par or phir jaa ke humari bari ayegy, tab tak to late hojayega na—Mahi ne besabri ka izhar kiya.

—Beta fikar na karo ap logon ki alag mehndi wali bulayi hai mene bas woa ti hogi—mama ne a kar kaha or sath nhi door ki ring bell ki.

—Lo agayi—Nida ne kaha.

Kuch der ke bad dono agayi mehndi lagani, mere to hath or paun so horahe the movement ka karne ki waha se.

Ya allah kab hoga ye khatam? 2 ghante musalsil wo larky muje mehndi laga rhai thi, me lagwane wali thak gayi thi to ye kese laga leti hai nonstop? Himmat hai bhai is laky ki.

Lagwate lagwate meri kis time ankh lag gayi muje pata hi nahi chala itne maze ki neend thi.

—Layla...

—Hmm..?

—Layla!—koi jani pehchani awaz mere pas akar chillai.

Mene ek dam se ankhein kholi dar se.

Samne mere Hazal thi—Dafaaa ho ja tu Hazal, is tarah jagate hai?—mene gusse me kaha or is madam ka hassa ni tha control ho raha.

—Kis ke sapne dekh rahi thi tu?-
—Hazal ne haste haste pucha.

—Jis ka tu soch rahi hai uske to bilkul bhi ni, meri bas ankh lag gayi—mene idar udar dekha mehndi wali nahi thi, or apne hathon ko dekha full mehndi ke sath or peron par bhi.

—Mehndi hogayi?—mene pucha.

—Han g tabhi mene jagaya tume, wo larky bhi kea kehti hogi kesi sust dulhan hai mehndi lagwate lagwate so gayi—Hazal phir se kehkaha laga kar has pari.

—To? Sochti hai soche meri bala se, dulhan me hun to meri marzi jo marzi karun me.

—Haan meri maa, chal abhhi salon me kuch cheezen dikhani hai.

Me zombie ki tarah chalte hue ( mehndi na kharab hojayen) salon tak gayi wahi kuch jewelry sdekhni thi.

—Yar wo Hassan ni aya usne songs ki playlist dene ke liye ana tha—Heera ne kaha

Door ki bell phir se ring ki Amna gayi darwaza open karne to Hassan sahab tashreef le kar aye.

—Lo shytan ko yad kiya, shytan hazir—Hazal ne kaha madham awaz me par hum sab ko samjh agayi or me hassi ko control kar rahi thi.

—Kea kaha tumne?—Hassan ne pucha.

—Mera matlab bari lambi zindagi hai apki abhi ap ko hi yad kar rahe the