غلاك فقلبي غير

بارت ٢

بسم الله الرحمن الرحيم 🤍✨✨

سكتوا الكل من سمعوا الجد هزاع يتكلم
الجد هزاع : والله نورتوا داركم و بكرا بأذن الله عشى لرجوعكم بالسلامه
الكل :
ما تقصر
اجودي
ماله داعي
مشكور
الجد عزام : ما تقصر يا اخوي
الجد هزاع : صالح قم قل لمك

( مجلس الحريم )
الجدة عنود : يا مرحبا حي الله من جانا
الجدة عهد : الله يحيك
الجدة عنود : ان شاء الله مطولين
الجدة عهد : بنعيش عندكم
الجدة عنود بفرح : صدق والله فرحتيني
و دخلت نوف سلمت على الجده عنود
الجدة عنود : ما شاء الله من ذي
نوف بفرح : انا نوف
الجدة عنود : ما شاء الله شذا الجمال يا نوف
الجدة عهد : ما تقصرين الا نوف البنات وينهم
و جو البنات و سلموا على بعض
الجدة عهد : ما شاء الله ذي روين شذا الزين و الجمال كله
روين : ما تقصرين يا جدتي
صالح تنحنح
الجدة عهد : يويلي ذا صالح
الجدة عنود : ايه
الجدة عهد : للحين ما تزوج
الجدة عنود : ذبحني ذبحني كل ماابي اخطب له يرفض روين قومي لعمك
روين : ان شاء الله تيته
الجدة عهد : ههههه تيته
الجدة عنود : جننتني ذي الروين تيته تيته
روين : تفضل عمو
صالح : شتبين جايه
روين : عمو عندنا حريم و تيته مشغوله
ضحك صالح : روحي نادي لي امي
روين : طيب
و دخلت روين : تيته صالح يبيك انتي
قامت الجدة عنود
الجدة عنود : هلا شتبي
صالح : يمه يبا يقول بلغو اللي عندكم بكرا عشى عزام ال براق
الجدة عنود: صدق خلاص الحين ابلغهم
و دخلت و قالت الجدة عنود : بكرا عشاكم يا ال عزام
الجدة عهد : ما تقصرون
روين : بنات وناسه بنكشخ و نسوي ميك اب حماس
جود : مره حماس من زمان عن العشى و كذا
نوف : بنات شوق للحين عايشه
روين : يع لا تذكريني
سولى : ليه
روين : تخيلي تعرفين ام محمد سوت عشى و رحنا كلنا و كاشخين و انا ما ضل احد ما سأل عني و هي مسحوب عليها قامت لجل تقهوي ولا تحرقني بيدي الله ياخذها
اريام : كذابه و انتي سكتي
روين : طبعاً لا ضربتها
نوف : ايه كفو
و قاموا الكل و جهزوا لعشى بكرا و رتبوا ملابسهم و نضفوا البيت و ناموا
قاموا الصبح على صراخ الجدة عنود : قوموا الساعه ٢ قوموا وش ذا النوم
و قاموا البنات خايفين انه ما يمديهم يتجهزون و قاموا البنات و نوف ركضت تتسبح و اللي راحت غرفت امها و اللي راحت غرفه الجده بقت روين ما تعرف وين تاخذ شاور خذت بجامتها و روب السباحه و عطرها و سكن كير و العود و راحت للحمام الموجود بالممر بين غرف البنات و غرف العيال
روين بنفسها : بتسبح بسرعه قبل احد يجي
و خذت لها شاور و سوت السكن كير حقها و العود على اماكن النبض و مشطت شعرها و طلعت ولا تتفاجى بعساف بالمكسر ( الصروال و الفانيله اللي نحت الدشداشه 😭) و شعرها نازل على وجهه
تصنمت روين و قالت بتوتر : صد
عساف عرفها من صوتها و دفها على جنمب و دخل الحمام
روين بصوت عالي : وجع غذيذ
عساف : والله ماراح اعديها
و راحت روين للغرفه
عساف اخذ شاور و لبس ملابس الدوام و طلع راح للمركز يتعرف على طبيعة العمل بالمركز
اما روين دخلت شافت البنات اللي تحط ميك اب و اللي تسوي شعرها و اللي تطلع اكسسواراتها و
روين : بنات من شافت جهاز الويفي حقي
سولى : خذي توني خلصت
و بدأت روين تسوي شعرها ويفي
روين : بنات ودي اقص شعري
نوف : يا ويلك
سولى و جود : ايهه احنه معاك قصيه كذا لرقبتك
نورة : يا زفت انتي وياها لا روين شعرك يجنن
روين : مدري
تولين : والله اعلم ماما اذا فكرتي
روين : جب
و كملوا البنات و حطوا ميكب و جا وقت اللبس
روين لبست فستان بنفسجي قصير عاري الاكتاف مع قفازات و سوت شعرها ويفي و ميكب خفيف و شكلها كان نار