غلاك فقلبي غير

بارت ٣

بسم الله الرحمن الرحيم ✨🤍

راحوا يتعشون بعد مدة راحوا جميع الحريم و بدأت فقرة الاستعباط عند البنات
و راحت روين شغلت ( انا زعلت انا انا بكيت انا انا زعلته انا بكيته )
و كان كل اللي بمجلس الرجال يسمعون
اللي بمجلس الرجال هم عساف و ابو عساف و تركي و اصيل و سلمان و هادي و مهند و صالح
و الجد هزاع و الجد عزام و دخلوا عليهم الجدة عنود و عهد و ام روين و سلمان و ام عساف و ام مهند
الجد هزاع : يا حريم وش ذي الاصوات اللي بمجلسكم
ام روين : يبه يعني ما تعرف روين و حركاتها دايماً تحب الاستعباط اخر شي
اصيل : توقعتتت
ضحكوا الكل على الاغنيه الا عساف ماسك جواله
الجد عزام : نادتهم يجون
ام روين : يالله الحين
و راحت ام روين لمجلس الحريم و شافتهم يرقصون و يستعبطون درعمت عليهم
ام روين : ما شاء الله على بنتي وش ذي الحركات
روين بخوف : ماما خرعتينيييي
ام روين : يالله جدكم عزام يبيكم
البنات : نتغطى و نجي
تغطوا البنات و لبست روين عبايتها و حطت الطرحه على راسها دون تلفها و دخلوا المجلس
روين : سلام جدو
ضحكوا كل اللي بالمجلس ماعدا عساف
الجد هزاع : وش جدو ناديني جدي
روين : جدو اضحك معاك
و قعدوا البنات كلهم مقابل الشباب
و عيون صالح ما انشالت من نوف عينه عليها
الجد عزام : اسمعوا انا و اخوي هزاع قررنا قرار و بيتم بيتم
سلمان : ان شاء الله خير
الجد عزام : خير خير
الجد عزام : قررنا نزوج عساف لروين
هنا شهقت روين شالت المجلس : خير لو انه احلام العصر ما خذيته
اما عساف اللي انكر الموضع : نعم وش انا اتزوج ذي البزر اللي للحين مو متخرجه
روين بصراخ : يع يالنرجسي يعني انا ميته عليك
و قاموا الشباب بسرعة مسكوا عساف لاانه كان بيفرشها و نفس الشي مع البنات ماسكين روين و طاحت طرحة روين و كشفت عن شعرها البني مايل للشقار
عساف : ان ما ربيتك ما اطلع عساف
روين بتقليد لكلامه : ما اطلع عساف ننن اقول اعلى ما بخيلك .......
قاطعها الجد هزاع : بس انت وياها و قدامنا بعد ما احترمتو اهلكم
عساف بعصبيه : وش تزوجوني بزر خير ان شاء الله
الجد هزاع : جدك طلب مني ازوجك وحده من حفيداتي و انا اخترت روين
روين : ماابي اخذ ذا الشايب
عساف بعصبيه : شيل يدك انت وياها خليني افرشها
سلمان : هد عساف تفرش بنت
الجد عزام : زواجكم بيتم اعناداً فيكم
هنا روين ما تحملت و طلعت و هي تبكي
و طلع عساف لسيارته و اخذ بكيت الزقاير و بدأ يدخن و يسوق بسرعه جنونيه و يفكر وش بيسوي مع بنت دلوعه و بكايه و صغيره و عنيده جداً و هو كل ذي الصفات يكرهها
اما روين اللي ذبحت نفسها بكي و البنات يهدونها بعد فتره دخل ابو روين و طلعوا البنات
ابو روين : يا بنتي لا تقطعيني قلبي والله مو بيدي
روين بصوت باكي : يبه تكفى مااقدر عساف يخوف و عصبي كثير تكفى
ابو روين : جدك مهددني اذا ما تم الزواج لاني ولده ولاهو ابوي شسوي يا عيوني
روين حضنت ابوها بعد مدة طلع ابوها و دخلت عليها سولى و نوف و تولين
نوف : روين عساف ولد اخوي و اعرفه زين اذا ما عانتيه ماهو مسوي لك شي
تولين : انتي شفيك تبكين اقهريه يا غبيه سوي نفسك مو هامك الموضوع و هو بينقهر
سولى : روين ترا والله اخوي فيه جانب حلو
هنا روين سكتت و تقبلت الامر الواقع و انها راح تتزوجه ببكي ولا بدون و انه الافضل انها تقهره بنسبه لها