بسم الله الرحمن الرحيم
عمر : طيب يالله جهزي بطلب لنا عشى وش تبين
نورة و هي ترتب أشياءها: احس ابي بيتزا
عمر : تم
و طلب لها بيتزا و ببسي و فرنش فرايز و هو طلب كبسة
و هم ياكلون كانت نورة تبي تطلب منه شي بس خايفه يرفض
عمر حس : وش عندك تكلمي
نورة : طيب عمر دام لسا مغرب ابي اروح للبنات بليز
عمر ضحك باستهزاء : مستحيل
نورة بترجي : بليز
عمر : انسي انسي بكرا بس
نورة : يووه خلاص شبعت بروح انام
عمر بحده : اجلسي كملي اكلك
نورة : شبعت ماابي
عمر شد بنبرته : اجلسي ولا مافي روحه للحفلتكم
جلست نورة بس تناضر الاكل و صاده عنه بعد ما انتهوا راحت غسلت و توجهت للفراش تنسدح
جا عمر جمبها ينسدح فزت نورة : قوم
عمر لف و هو يفصخ تيشيرته : وش
نورة : قوم اقولك وش نايم جمبي
عمر : نامي بس تراني دايخ
نورة ماعندها حل غير ذا و نامت و تعطيه ضهرها
عمر : اقربي
نورة سوت نفسها نايمه
عمر سحبها من خصرها يقربها له
فتحت عينها نورة بصدمه من حركته و انه مو لابس تيشيرت
عمر سحبها لحضنه العاري
نورة : عمر وش حتى ذي غصب
عمر يشد اكثر يقربها اكثر: ايه غصب
نورة سكرت عيونها تنام بعد تأمل عمر لنورة نام
( صباح ملكة سولى خالد عزام ال براق & سلمان فيصل عزام ال براق )
صحوا البنات يتجهزون و يسوون شعورهم و مكياجهم و الحاله حاله و حوسه
تولين نزلت و هي حاطه لفافات على شعرها و تتمايل مع الاغنيه اللي صوتها واصل لاخر الحي
و نازل من الدرج وقف تركي اما الدرج يشوفها و هي مو منتبها له بسبب جوالها
تركي و هو متخصر : لا والله
تولين فزت من سمعت صوته : صد يالطيب
صد تركي : و الملفات من يخلصهم
تولين : تركي يعني ملكة اختك شسوي انا
تركي و هو يسترق النضر لها : طيب كان قلتي لي باخذ اجازه
تولين بتنهد : طيب ابي اجازه بس اليوم
تركي : تجين معي الحين للشركة و تطلبين الاجازه و ترجعين هنا
تولين شهقت : وشش يعني اروح بذي اللي بشعري
لف تركي يشوف شعرها : مجبوره
تولين : صد صد بس خلاص مشيها تركي
تركي : قلت لك اخلصي عبايتك و جلالك
تولين : ياليل طيب
و صعدت لفوق و هي تتذمر
اريام : شفيك
سولى : اي صدق شفيك منفسه
تولين : من اخوك السفله
سولى رفعت حاجبها : تركي ؟
تولين : ايه تركي يقولي تلبسين جلالك و عباتك و تجين الشركة تاخذين اجازه اليوم
سولى ضحكت بقوه : شيلي اللي بشعرك
تولين و هي تشيل اللفافات : اي بشيلها بس ماراح اربط شعري بخليه مفتوح عشان لا يخترب
سولى : ايه اخلصي
لبست تولين عبايتها و حطت جلالها تون تربط شعرها او تلف الجلال و نزلت لتحت تشوفه ينتضرها
تركي : عليك تاخير ساعتين
تولين : ياليل طيب بسرعه
تركي وقف يشوف شعرها : بتطلعين كذا
تولين : ايه بطلع كذا ولا تبي شعري يخترب وراي ملكة اخلص
تركي بحده : غطي شعرك بسرعه
افت تولين الجلال : طيب امش
مشوا لسياره يركبون و يتوجهون للشركة
تولين تمشي بسرعه : تركي بسرعه باخذ اجازه و رجعني ما يمدي اسوي ميك اب و اضافري ف بسرعه
تركي يضحك على شكلها
دخلت تولين بسرعه تون تضرب الباب على سامي
فز سامي من دخلتها
تركي ضحك لاانه يدري ان سامي ماراح يسكت لها و بيخصم عليها و ما راح يسمح لها تاخذ اجازه
سامي بغضب : وش ذي الدخله اللي دخلتيها
تولين مسكت راسها : يووه نسيت اضرب الباب بس مستعجله ملكة بنت عمي و للحين ما جهزت ف ابي اجازه
سامي بغضب : ماراح اسمح لك بسبب عدم احترامك للمدير
تولين شهقت : ايش اقولك مبكة بنت عمي اخت تركي
دخل تركي يغمز لسامي بمعنى مشيها : سامي ماعليه اتركها اليوم
سامي : طيب لاكن اخر مره تاخذين اجازه ذا الشهر
تولين : طيب بسرعه
سامي ما حب الاسلوب لاكن سمح لها تمشي
لفت على تركي : يالله
طلع تركى و وراه تولين يتوجهون للبيت بالطريق : يعني كذا زين ما عرفت تبلغه انت و تخليني اتجهز
تركي بعناد : لا
تولين : اوففف تقهر
تركي قلدها بنفس النبره و ضحك
تولين لفت عليه : تراك مستفز خلاص
تركي ضحك : طيب طيب
بعد مدة وصلوا للبيت و نزلت مسرعه تطلع فوق شافت البنات مسوين شعورهم و اضافرهم و بادين بالميك اب
تولين : يويليييي بسرعه بنات بسوي اضافري ابعدوا
بعدوا البنات يخلونها على راحتها لاانها صدق متاخره بدات تسوي اضافرها و تبدا بالميك اب
( بيت عساف )
صحت روين و خذت شاور و سوت شعرها سلك ذيل حصان و بخرت شعرها و تسوي اضافرها
دخل عساف الغرفه و شافها تتجهز و تصبغ اضافرها : وش تسوين
روين : اصبغ اضافري
عساف جلس جمبها : فستانك وسيع
لفت روين و هي تناضره بثقه : اي
عساف : طيب بدون كعب
روين : بحاول
عساف : لا وش تحاولين مافيه كعب
روين : طيب شعري حلو
عساف : انتي وش تسوين حلوه
روين : يعني مو حلو
عساف : مو بس حلو الا نار
روين استحت : طيب قوم
عساف رفع حاجبه بمعنى استحيتي : فديتها الي تستحي بقوم اخذ شاور سريع طيب
روين : يالله
( بيت بهاج )
كانت جود تحت و كان بهاج مو بالبيت
جود كانت خالصه من شعرها و اضافرها و نص مكياجها و جالسه عند آن تفهمها كل شي عشان ثاني يوم بيسافرون
جود : آن اسمعي اي شي يصير تكلميني و اذا احتجدتي ملابس حق صالح خلي احد يوديك بس ماتاخذين صالح تتركينه مع احد كبير اوكي
آن : اوكي مدام
جود : و لا تخلينه بروحه حتى بغرفته لا تتركينه و ....
دخل بهاج يسمعها : بس ارحمي المره اوامر
جود لفت عليه تشوفه و لفت على آن : خلاص روحي جهزي لبسك و لبس صالح و لبسي صالح دشداشه
مشت آن و مشت جود لبهاج تلف يدها حولين عنقه و لف بهاج يده على خصرها : وش ذا الزين و الجمال كله
جود و هي تتميلح و تتدلع عليه : شرايك بس
بهاج شد على خصرها : شوفي تدلعين علي والله ما اخليك تروحين سليمه
ضحكت جود بقوه : شدعوه
بهاج اقترب اكثر و هو يضحك : والله ياخي مجننتني
جود ابتعدت تضرب كتفه بخفه و هي تضحك : بس عادي بروح اتجهز
اعتذرررررر على التأخير بس احس الشغف راح 🤧
أنت تقرأ
غلاك فقلبي غير
عاطفيةتتكلم قصتنا عن عساف العصبي و الشديد و محد يقدر يعانده ينجبر من جده عزام انه يتزوج بنت عمه روين الدلوعه و العنيده و البكايه و نبدأ✨🤍
