غلاك فقلبي غير

٤٦

بسم الله الرحمن الرحيم

نزلت نورة تمشي لداخل دخلت تفصخ عبايتها و شافت تولين نازلها
تولين بصرخه خافته : نورةةةةةة
نورة لفت شافتها اتجهوا يضمون بعض
تولين : كيفك
نورة : بخييير انتي كيفك امانه اشتقت لكم وينكم وين البنات
تولين مسكت يدها تلفها : شذا الزين كلهه حليانه يبنت
نورة : وين الحلا امشي نروح نسلم
مشت اول ما شافوها البنات ضموها و امها على وشك تبكي و الكل سلم عليها
روين : وش صار فهميني
نورة فهمتها كل شي تعرفون روين خبره بهالأمور : يويلي كل ذا صار فيك
نورة : امه امه ذابحتني
روين بحسب خبرتها 😉 : شوفي انتي عشميه فيك خليه ذايب فيك ما يقدر يعيش بدون تدلعي تدلعي شفيك انتي جافه
نورة : مدري بشوف بس معرف وش اسوي
روين : يعني رجلي تعورني يعني شيلني يعني مااقدر امشي تدلعي اخ رجلي راسي يوجعني احس دايخه كذا شفيك انتي
نورة : بسويها فيه
جتهم جود تمشي : شعندك انتي وياها قاعدين بالزاويه تتساسرون
روين تاشر على جود : شوفي كانت زي حالتك صار زوجها ما يقدر بدونها
جود فهمت الموضوع : ايه ايه اسمعي كلام روين
نورة و هي تضحك : شعرفك بالسالفه
جود رفعت حاجبه : افهم انا شفيك
جتهم ام سلمان : يبنات وينها اريام
جود : خاله اعتقد انها عند سولى تخليها توقع
ام سلمان : طيب بلغوها تنزل سولى بسرعه سلمان بيدخل
نورة : ماراح يروحون للمجلس
ام سلمان : لا بس تصوير و بس
روين : ياخاله حرام خليه يتهنى بحلاله شوي
ام سلمان : لا يكفي التصوير
ضحكوا البنات
صعدت تولين لفوق تشوف اريام و سولى
تولين : اريام امك تقولك نزلي سولى الحين سلمان بيدخل
سولى : بسم الله يمه
اريام : زي ما قلت لك امشي بهدوء و ابتسمي ابتسامه خفيفه و اجلسي بهدوء
تولين : ترا نورة جت
سولى نست كل شي و ابتسمت بحماس : احلفي امانه بسولف معهااا
تولين : اقول انزلي بعدين سولفي معها يالله زي نا قالت اريام
نزلوا البنات و بدأت الاغنيه
و بدأت تنزل سولى شوي شوي
و الانضار عليه و يسمي من شدة جمالها

( عند الرجال )
كانوا جالسين يعرضون و سلمان كل شوي يروح لابوه يسئله متى يدخل
ابو سلمان : يولد ابك علامك اثقل قلت لك اول ما تتصل امك بخليك تروح
ابو عساف يضحك : وراك ايام بتكره عيشتك فيها انتضر
اصيل كان قاعد و وده يشوفها و يشوف شكلها لاكن مو قادر يلمحها
عساف توجه له وسط الرجال : اسمع يا سلمان انت خذيت اختي وحيدتي ان سمعت انك مزعلها او مئذيها او مضايقه ترا قبرك محفور فاهم
ضحكوا الكل بصدمه
سلمان : لا ماعليك بحطها بعيوني
تركي ضحك : اعتقد ماله داعي اتكلم
سلمان : يا جماعه والله بحطها بعيوني
ابو سلمان جاه اتصال : روح ادخل اجل
وجه سلمان على وشك الانشقاق من الفرحه

( عند الحريم )
جا وقت دخول سلمان و الكل تغطى و سولى وقفت و كانت متوتره بشكل كبير جداً و شلون تعرفوا على بعض و شلون صاروا زوجين اليوم
رجفت و حست بجسمها برد من سمعت صوت اللولشه و التبريكات
دخل سلمان و شافها واقفه بطلتها الانيقه و جمالها مو مصدق خلاص صارت ملكة صارت حُرم سلمان
مشى سلمان يقترب اكثر و اكثر إلى ان وصل لها يقترب لها يمسك يدها و حس بخوفها و بروده جسمها و رجفتها تقدمت ام سلمات تعطيهم الخواتم
لبسها سلمان لاكن هي ما قدرت تلبسه من رجفتها و للحين ما رفعت راسها من خوفها و خجلها
البنات لاحضوا كيف خايفه توجهت مشت اريام تتوجه للعرسان تحط يدهم على بعض و ترفع راس سولى
اريام وهي تضحك : يبي يشوفك ارفعي راسك
سلمان مسك يدها يدفيها و يناضر بعيونها
لبسها الشبكة و توجهوا لتصوير و كانت المصوره تحرجهم بالوضعيات كل ما قالت لسلمان امسك خصرها يمسكه و شده و يسحبها له فكانت تنحرج من المصوره
بعد ما طلعت المصوره
لفت سولى و الخجل مكتسحها : سلمان عيب مو وقته قدام المصوره
سلمان كان سرحان فيها : احبك
سولى ابتسمت بخجل
تنزل وجهها
مسك دقنها سلمان يرفع راسها : انتي حرم سلمان راسك ما ينزل
دخلت ام سلمان تقطع اللحضه : مو قلت لك بس تصوير
سلمان بوهقه : يمه شفيك تراها حرمي
امه رفعت النعال تبي تضربه مسك سلمان غترته يركض ضحكت سولى
ابتسم و هو يركض يسمع ضحكاتها و صراخ امه

( الساعه ١٠ عند باب البيت )
واقف عمر خارج المنزل جالس جمب باب السياره
اتصل عليها : الو
نورة تنهدت بتبكي لاانها تعرف انه بياخذها : ها
عمر : الناس تقول هلا
نورة : اخلص شتبي عمر مشغوله
عمر : عبايتك يالله انا برا
نورة : لا تكفى بسهر عندهم نبي نحش و نسولف بليز
عمر ضحك باستهزاء : تسهرين بعد لا يروح امك يالله انا برا الساعه عشر
روين فهمت انه بياخذها اشرت لها تدلع عشان يخليها
نورة بدلع و هي تلعب بشعرها : عمور بليز
عمر فتح عيونه من صدمته استانس من دلعها عليه : عيديها و بخليك لبكرا
نورة استحت : عمور 
عمر باستعجال : الحين تطلعين ولا بدخل بسرعه
نورة : طيب انا كررت اللي قلته مفروض بكرا تجي تاخذني
عمر : الحين !!!
نورة : اوفففف طيب
قامت نورة التفت الكل بحزن : بتروحين
نورة : ايه وع
طلعت بعد ما لبست جلالها و ودعت الكل و هي طالعه صدمت بشخص
رفعت راسها بصدمه من شافت اخوها مهند اللي محرومه منه فتره
صوخت : مهندد
مهند ما صدق اللي شافته عينه ضمها بكل قوته
خارج البيت سمع عمر صرختها و دخل بخوف و سرعه و انصدم من المنضر شافها ضامه رجال معطيه ضهره
من شده صدمته توقع انها تخونه صرخ بعلوا صوته : نورة
نورة ابتعدت عن اخوها مهند مهند لف بسرعه من الصرخه
نورة بخوف : عمر اخوي مهند
صرخ عمره بصدمه اكثر : مو قلت لك ماتقابلينهم مو قلت ؟؟؟؟؟؟
مهند رفع يده ياشر لمهند : اقصر صوتك ماله داعي الصراخ اختي و شفتها وين الغلط
عمر سحب نورة بسرعه يتوجه فيها لسياره يركبها و يركب و ينطلق باسرع سرعه
نورة لفت عليه : عمر والله .....
عمر بصراخ : ولا كلمه بلغتك و قلت لك ما تشوفينه بس انتي عنديه و بتتحملين نتيجه سواياك

اتمنى عجبكم البارت بارت سريع توني كاتبته 💗💗💗