غلاك فقلبي غير

٣١

بسم الله الرحمن الرحيم

جود : اليوم بليل بنروح انا و صالح اوديه يلعب و يشتري العاب و نتعشى و نرجع
بهاج : ايه عادي انا اوديكم
جود ابتسمت : اي ماعندي مانع بس دامك جيت ترا بروح سيفورا
بهاج ضحك : تامرين
جود ابتسمت : ما يامر عليك عدو بس بشغل اغنيه
بهاج ضحك : كأنك ارتحتي
جود تضحك : وش قصدك خلاص ماابغا
بهاج : اضحك معاك شغلي شغلي ولا انا بشغل
جود : ورينا ذوقك انا بليل
بهاج مسك الجوال و شغل اغنيه عبد المجيد
" يا ابن الاوادم ترا مليت المح لك انا اعزك "
" و احبك و اعشق ترابك لا ضقت اضيق "
" و متى ما تفرح افرح لك ولا غبت اموت "
" و ان شفتك احيابك ان كان ودك ترسسيني "
و يغني معهم و يناضر لها كيف خجلت
جود خجلت من حست انه يقصدها و لفت وجهها للجهة الثانيه و بدأت تلعب بشعرها

<< بيت عساف >>
روين كانت تنقز على السرير
عساف بعصبيه : بنت اقعدي ولدي عزام ببطنس
روين : اي عادي تو الناس جتني طاقه مفاجأة
عساف مسكها من رجلها و شالها و نزلها على الارض : تراك مب بزره عشان تناقزين بتصيرين ام و بتتحملين مسؤليه
روين بزعل : ترا ازعل عليك
عساف : شقلت انا !!!
روين : تحبني ؟
عساف مسكها من خصرها : اموت فيس
روين : طيب شرايك نروح للبر
عساف و هو ماسك على خصرها : تم بس عندي شرط
روين تنهدت : ليه تتشرط علي و انا حامل
عساف : عن الدلع ابيك تبوسيني
روين فتحت عيونها من الصدمه : عيب
عساف : وشهو عيبه تراك زوجتي بتبوسيني ولا ترا ...
روين قاطعته باسته على خده و مشت بسرعه
عساف ضحك بخفه على خجلها الزايد و مشى وراها : اجهز العزبه على ما تجهزين
روين : طيب

<< بيت ال براق >>
كانت نوف حاطه ماسك قهوة على وجهه هي و البنات و متجمعين بالغرفه
اريام: بنات شرايكم وحده منكم تجيب لنا مشاريب و خرابيط ناكل و نسولف
تولين : انا عن نفسي والله ما اتحرك سانتي من مكاني نضفت لين قلت امين
سولى : و انا بعد ماراح اتحرك انا غسلت الصحون اليوم بس
نورة : لا تنسون من نضم الغرفه اليوم
ريما : مافي غير نوف اللي ما سوت شي قومي
نوف : لا انا عروسه
سولى : عروسه الزمن انقلعي جيبي لنا سناكات
نوف تندهت و نزلت و هي تتحلطم : الحين انا عروس و يقولون لي جيبي و سوي وش ذا اوف
و توجهت للمطبخ و دخلت و بدأت تاخذ سناكات و تحطهم بالصينيه

( مجلس الرجال )
كانوا متجمعين صالح و تركي و مهند وهادي و الجد عزام و الجد هزاع
الجد هزاع : صالح قم قهوينا
صالح : تم
و قام اخذ الدله و توجه لهم يقهويهم إلى ان وصل لهادي
هادي بستعباظ : ايه صب
صالح : اقول اسكت لا اكبها على وجهك
هادي : يصير خير
و قدم له صالح الفنجان و هادي ما مسكة و انكب على صالح و انحرق
صالح بعصبيه : شفيك ما تمسكه عدل مجنون امسكه مره ثانيه لاحول
و طلع توجه للمطبخ لجل يغسل ثوبه و دخل و شافها بروبها للسباحه و شعرها مبال و حاطه ماسك على وجهها و تتحلطم
صالح راح لها من ورا و فتح الرف اللي فوق يبي ياخذ له منشفه
نوف فزت من حست بجسم ضخم خلفها بضبط و لفته عليه بسرعه وشافته واقف خلفها بالضبط
شهقت نوف و غطت وجهها : صالح ابعد
صالح ضحك : وليه
نوف بخجل و هي مخطيه وجهها : ابعد لحد يجي و يشوفنا بعدين انا حاطه ماسك ماابيك تشوفني
صالح : عادي ابعدي طدك خليني اشوفك
نوف بخجل : صالح والله ازعل عليك ابعد
بعد صالح و هو يضحك
اما نوف ركضت بسرعه لفوق و توجهت للبنات
سولى : الحين ساعه كامله تحت بالنهايه ماجبتي شي
نوف بخجل : بنات صالحش الني كذا
ضحكوا البنات بشده
اريام و هي تضحك : خوفي يكنسل الملكة
نوف مسكت المخده و ضربتها : فالك ما قبلناه اسكتوا مافي شي يضحك

<< بيت عساف >>
جهزوا العزبه و ركبوا السياره و مشوا للبر
عساف : الحين بفهم وش جا ببالك تبين البر
روين : مدري احس احب الكشتات بس مااحب ننام بالبر نفس ما جدي مان يسوي
عساف : جدي الله يهدا ماتعرفين قبل لا نكشت شيسوي روحو للبر و نضفوا الخيم و رتبوا و طلعوا العامل و جهزوا المطبخ و اوامر ماتخلص
روين ضحكت : و احنا نجهز لبسنا و نجيكم
عساف : مدلعين والله

<< بيت بهاج >>
بهاج بنتضرهم بالمجلس
بهاج بغضب : اخلصوا ماصارت لو انه عرس
جود : دقيقه بالبس
بهاج : للحينك مالبستي لاحول
جود دخلت غرفتها و لبست جينز ازرق غامجو و توب رمادي فاتح و عبايه رمادي شوي اغمج من التوب و لبست جنطه ديور ليدي و سلبر ديور بيج و اكسووارات من ديور و كارتير و حطت كونسيلر و بلشر و مسكرا و اضاءة و روج و تعطرت و كان شكلها 👌🏻👌🏻👌🏻
طلعت جود بسرعه من غرفتها و توجهت لغرفت صالح
جود : ها خلصت صلوح
صالح : ايه خلصت
جود : آن غيري له الشورت مو لايق مع القميص عطيه الشورت البيج
صالح بزعل : هذا حلو
جود : ياعمري والله مو حلو البيج احلا
صالح : طيب
جود : يالله آن بسرعه
ونزلت جود مسرعه لبهاج
بهاج التفت على صوت خطواتها : ماشاء الله كان نمتي افضل
جود و هي امام المرايه تعدل شكلها : يعني شسوي على ما سبحت و تجهزت انت بسرعه تخلص
و لفت عليه و جت بتمشي امام الكرسي اللي جالس عليه لجل تجلس جمبه لاكن ما انتبهت على العاب صالح و كانت بتطيح لاكن مسكها بهاج بسرعه من خصرها و طاحت عينها بعينه لثواني
جود بتوتر : ا..اسفه ماركزت
بهاج و هو تايه بعيونها : لا عادي انتبهي مره ثانيه
قاطعهم نزول صالح : جودي كيف شكلي الحين
جود مشت له : يجنن بس آن عطيني المشط
و مشط شعره و عطرته وسط نضرات بهاج اللي مغرم فيها لاكن يكابر
جود لفت عليه : يالله خلصنا
مشوا و ركبوا السياره
جود مسكت جوال الاغاني : يالله الحين انا بحط اغنيه
بهاج و هو يتأملها : حطي
جود توترت من نضراته و حطت عبد المجيد
" ماله حل و غيره ما ابغا ولا ارضى له بدايل"
" مابي غيره و غيره يبيني اعشقه  جيت و "
" فالخاطر كلام  و رجعت و ماني قايل "
و كانت تغني و تصور
وسط ابتسامات بهاج و نضراته إلى ان وصلوا للمجمع و نزلوا
صالح بحماس : متى نروح العاب
جود : يا عمري ماتبي تتعشى اول
صالح : اي انا جوعان ابي اكل بطاط و كاتشب
جود : بس تم
بهاج : وين تبني نتعشى
جود : عادي على ذوقك
بهاج : يالله تمام
و وداهم بهاج لمطعم راقي و دخلوه و كان صالح بيجلس قدام بهاج لاكن استوقفه بهاج : صالح تعال اجلس جمبي و خلي جود تجلس قدامي
صالح ابتسم : اوكي
جود توترت : لا خليه جمبي عشان اوكله
بهاج : وش توكلينه هذا صالح رجال ياكل بروحه
صالح ابتسم : اي اي انا رجال اكل بروحي كبير
ضحكت جود بتوتر و خفه و جلست قدامه

اتمنى عجبكم البارت البارت الجاي 😉😉👌🏻👌🏻👌🏻 انطروني اسفه على الاغلاط الأملائيه 🫶🏻