غلاك فقلبي غير

٤٩

بسم الله الرحمن الرحيم

رحبت فيهم روين : حيالله من جانا
الحريم : يحيك
ما شاء الله
نركز بجمال البيت ولا بجمال راعيته
بيت اخوي يحلوه
تكفى ولد ولا بنت
ضحكت روين على تنوع الاجابات : حياكم المجلس من هنا
و دخلوا يشوفون رقي و بكر البيت كان بالفعل بيت جميل و راقي
جلسوا يسولفون و يضحكون و يحلون و يلعبون كان وناسه و الرجال نفس الشي
تعشوا و جا وقت الكيك كانت ساكته و ماسكه ابتسامتها قطعوا الكيكه و بدأوا ياكلون
سولى : ياخي منو بتقولين
ابتسمت روين : وش جالسه تاكلون
نوف باستغراب : كيك
روين ابتسمت : اي كيك بس شوفو الكيك
صرخوا كلهم بنفس الوقت : بنتتت !!!!!!!!!!
روين ضحكت تهز رأسها ب : "اي"
ام عساف قامت تركض تبوسها و تجلسها
ضحكوا البنات
تولين : حبيبت خالتها
سولى لفت : قلت لك حبيبت عمتها

( مجلس الرجال )
سمعوا صرختهم و استغربوا
ابو اصيل : اقول يا عساف قم شف مرتك وش بلاها
قام عساف يتوجه للممر الفاصل و صرخ : ياولد
سكتوا البنات من صوته المرعب سمعت صوته ابتسمت انه يبيها
ام عساف تاشر لروين : قومي شوفيه
قامت روين تمشي له طلعت تشوفه واقف
رفعت من منضره المنزعج : هلا
عساف و مطنقر : وش ذا الصوت
روين تضايقت من اسلوبه : ولا شي بس تحمسوا البنات
عساف جاه فضول حاول يكتمه لاكن ماقدر : وليه تحمسوا
روين عرفت ان فضوله قاتله : لاانه.... قاطعها الم ببطنها و دوخه مفاجئة
مسكت بطنها تتاوه
مسكها مسرع خايف عليها : فيك شي شفيك
روين : لا بس جاني الم فجأة معليك خفيفه
تراجع عساف بثقل بعد ما استوعب على نفسه : طيب شفيهم يصرخون
روين ماحب تقوله و هو زعلان : عساف جالسين نسولف سالفه و تحمسوا بس يعني لا اكثر ولا اقل
عساف تنهد : طيب و مشى
روين تضايقت من الاسلوب و دخلت بداخل يسولفون و يضحكون

( المطار نورة و عمر )
كانوا جالسين بجمب بعض و عمر ماسك لابتوبه يحاول يلحق على شغله اللي اهمله بسببها
نوره جاها اتصال من البنات : هلا
تولين صرخت : بصير خاله آسياااا
نوره صرخت : احلفيي
لف عمر من على صوتها بغيره : بنت صوتس
نوره شمقت له : احلفوا بنات روين حامل ببنت
سولى : اي حبيبت عمتها يا قلبي عليها نذر علي اذبح لها ذبيحه اول ما تجي
تولين غارت : و انا نذر علي جهازها كله علي
ضحكت نوره من غيرتهم
لف عليها عمر يتأمل ضحكتها و جمالها انتبه على الوقت و كان فاتح البوردنق
لف عليها يأشر لها
نورة : طيب بنات اوصل و اكلمكم
تولين : اوكي باي
سكرت الخط و توجهت معه لطياره يركبون درجة رجال الاعمال و ينتضرون الاقلاع

( نرجع لبيت عساف )
بعد ما مشى الكلً توجه لبيته دخل عساف للبيت يشوفها واقفه مع الخدم تناضرهم و هم ينضفون
شافته يناضرها خجلت من نضراته اللي تاكلها
صد عساف بضيق و توجه لغرفته مو حاب وضعهم لاكن يبي يعلمها درس ما تخبي عنه شي ممكن يعرضها للخطر اتصل على سعد
عساف : سعد سويت اللي قلت بك عليه
سعد : طبعاً حددنا موقعه بس منتضرين الوقت المناسب ارسلت سيارتين تراقبه من بعيد و تراقب تحركاته و ست سيارات حوالين بيتك حمايتن لك
عساف براحه : يعطيك العافيه يا سعد لك مني الواجب بس نقبض عليه اول ما تشوفون الوقت المناسب القو القبض ماابي حر شوفو حل ما تقصر
و سكر المكالمه انتبه لدخولها ناضرته وهي متضايقه تشوف صده ملت من صده اشتاقت له و لحضنه اللي يحسسها بالأمان و كلامه المعسول
اول ما دلحته و شافها ماكان وده يقوم و يتركها لاكن داس على قلبه و قام يخرج لبرا و هو طالع حس بيدها تمسك ذراعه : عساف اسفه والله كنت خايفه و مااعرف ايش اتصرف والله
عساف وقف بمكانه ارتخت ملامح وجهه لف عليها و بدون ما يحس اشتاق لثغرها و كلامها ما قدر يقاوم اكثر من كذا تقدم يقبلها بعمق و اندفاع يستلذ فيها يروي عطشه من ريقها اشتاق لها و لحركاتها الطفوليه معه
ابتسمت روين من قبلها و حست اهه رضى ضمته من عنقه
ابتعد عساف من حس بيدها على عنقه : اشتقت لك يا روينتي
نزلت وجهها بخجل ملامح وجهها توردت
اقترب عساف يخطب قبله من خده
روين رفعت راسها : طيب ما ودك تعرف وش بيجيك
عساف و الحماس ماكله : تكلمي
روين باست خده : آسيا
صرخ عساف : احلفي
روين و هي تضحك من ردت فعله : والله
عساف ضمها بقوه و دمعت عينه من قوه المشاعر اللي واجهته
روين ابتعد تمسح دموعه : ليه يا قلبي ليه
عساف ضمها : حمدالله يارب حمدالله
ابتسمت روين : توقعتك تزعل انه مو عزام
عساف ضحك : بنجيبه
روين شهقت : انا بعد التعب ذا انسى اكتفي بآسيه
عساف و هو يهوجس : اخخ يا قلبي عليس يا آسيا ان ما دلعتها اخر دلع ما اطلع ابو آسيا
روين رفعت حاجبها بغيره : و انا
عساف ضحك من غيرتها :  انتي كليي ملكك
ضحكت روين