غلاك فقلبي غير

بارت ١

بسم الله الرحمن الرحيم ✨🤍

( الليل الرياض بيت عزام ال براق مجلس الرجال )
الجد عزام لف على خالد : خالد وينه ولدك اليوم كله ما شفته
ابو عساف : والله يا يبه عساف قاتل نفسه شغل مدري ليه
الجد عزام بعصبيه : اتصل عليه و قول له الحين يجي فاهم ؟
ابو عساف : يالله الحين اتصل عليه و اتصل ابو عساف على عساف
ابو عساف : الو وينك انت ها من الصبح ما شفتك
عساف بتنهيدة صبر : يبه انا بالمركز اليوم الشغل كثير
ابو عساف : اترك عنك ذا الشغل و تعال البيت الحين جدك معصب و يبينه كلنا
عساف : يالله الحين
و طلع عساف من المركز و هو يمشي مشيه ثقة و الظباط يطقون له التحيه و هو مكمل و مشى لسيارته و وصل البيت و نزل
و دخل مجلس الرجال و بصوته الرجولي المبحوح العالي : السلام عليكم
الكل : و عليكم السلام
الجد عزام : سلمان
سلمان : هلا
الجد عزام : قم لعمتك و قول لها جدي يقول تعالو كلكم المجلس مع البنات و قول لهم يتغطون زين
سلمان : ان شاء الله
و طلع سلمان و دخل مجلس النساء و تنحنح و قال : نوف
نوف بأستغراب : جايه جايه
جت نوف لسلمان : شعندك اخلص فلوس مفلسه
سلمان ضرب راسها بخفه : انا اخذ منك فلوس ليه
نوف : يعع سلمان ما توقعتك نرجسي
سلمان جا بيشيل نعاله لاكن قالت نوف : نسيت اني عمتك و اعلم ابوك هههههههه
سلمان بصبر : روحي قولي لكل اللي داخل يتغطون زين و يجون المجلس جدي يبينا
نوف : شعنده الوالد
سلمان : اخلصي
و رجع سلمان لمجلس الرجال
الجد عزام : ليه تاخرت وينهم
سلمان : يا جد سولفت مع عمتي نوف و الحين جايين
و جو البنات اللي هم سولى اريام و جود و نوف و و ام عساف و ام سلمان
و سلموا و دخلوا و قال الجد عزام : انا جمعتكم اليوم لجل ابلغكم و ما اخذ رايكم انا قررت قراري و ماراح اغيره احنا بكرا باذن الله بنرجع نسكن بالديرة انا اشتقت لاخوي و اخاف اموت و انا ما شفته و انا بلغتكم
الكل بصدمه :
الله يطول بعمرك
الله يحفضك
لا تقول كذا
عساف : الله يهداك يا جد كيف تبينا نرجع و شغلنا و دنيتنا و دراستنا هنا
الجد عزام : كل شي خلصته و نقلت الجميع انت يا عساف نقلتك لمركز الديرة و انتي يا سولى و اريام نقلتهكم لمدرسه روين و انت يا سلمان و تركي الديرة تبعد ساعتين عن الرياض اطلعو من الصبح و روحوا لشركاتكم
ابو عساف : كيف يا يبه نخلي حياتنا اللي هنا
الجد عزام بعصبيه : ماابي اسمع اعتراضات انا جيت ابلغكم بكرا الساعه ١٢ بنروح و خلص كلامي
و راح و قام الكل لجل يروحون يجهزون للنقلة و البنات يجمعون قشهم بحماس
سولى : بنات متحمسه اشوف روين
اريام : مره حماس و بنكون بنفس المدرسة بعد
نوف : كملت اجل الله يعين عساف و اصيل و سلمان كل يوم بالمدرسه
جود: اتفققق
دخلت عليهم ام عساف : يا مال مانيب قايله قوموا اخمدو جننتوني باصواتكم
سولى : مامي ليه زعولي
ام عساف بعصبيه : ترا انادي لك عساف يأدبك
سولى : لا لا الا عساف لا
ام عساف : يالله ناموا
و ناموا البنات و العيال و الاباء و الامهات و الجدة و الجد