غلاك فقلبي غير

بارت ١٦

بسم الله الرحمن الرحيم✨🤍✨

سولى توترت : سلمان ابعد
سلمان صد و لبس ثوبه و مشت سولى و هي متوتره
سلمان لبس ثوبه و راح للمجلس و هو يهوجس فيها
و بدأوا الناس بعد فتره يمشون و فضى البيت و كل واحد مشى لغرفته يجهز للمخيم و اللي نام و اللي ماسك جواله الى ان نام الكل

( الصباح بيت عساف )
صحت روين و توردت ملامحها من ذكرت الاحداث لاكن صحت و سبحت و تجهزت و جهزت ملابسها هي و عساف و راحت صحت عساف
روين : عساف قوم اخلص تجهز
عساف بنوم : هااا
روين : عساف قوم اخلص اخذ لك شاور و تجهز على ما اسوي الفطور
عساف : خمس دقايق
روين : عسااف تعبتني اخلص قوم
عساف صحى : طيب طيب جهزتي قشي
روين : خلصت كل شي بس قوم
صحى عساف و دخل اخذ شاور
و راحت روين جهزت له الفطور

( بيت ال براق الساعه ٩ )
الكل جاهز بيروح المخيم ما عدا جود جالسه تتمكيج لجل تروح لحفلة صالح
ام سلمان : جود
جود و هي مروقه و حاطه عبد المجيد : هلا يمه
ام سلمان : ليه ما بتجين معنا
جود : يمه صالح ولد بهاج عنده حفلة تخرج و امه ماراح تحضر و يبيني احضر له
ام سلمان فرحت بسبب اعتناء بنتها بولد بهاج : يالله الله معاك ترا احنا ماشين
جود : باي
و مشوا كل اللي بالبيت و علت جود صوت الاغاني على التلفزيون و بدأت تسوي شعرها

( بهاج بالسياره )
يتصل على جود و ماردت اتصل على ابو سلمان
ابو سلمان : هلا بهاج كيفك
بهاج : هلا يا عم والله تمام انت اخبارك كيف
ابو سلمان : بأحسن حال امر شتبي
بهاج : يا عم انا ساعه انتضر جود برا لحفلة صالح و اتصل ما ترد وينها
ابو سلمان : انزل لها ترا مافي احد بالبيت احنا مشينه للمخيم
بهاج ابتسم : يا عم الله يهداك ماله داعي بس اتصل تطلع
ابو سلمان : وش ماله داعي انزل انزل بنتي و اعرفها ماراح ترد تلاقيها تتجهز
بهاج : اللي تامر
ابو سلمان : سلم سلم
سكر بهاج من ابو سلمان
و التفت على صالح : صالح خلك هنا خمس دقايق و اجيك اجيب جود و اجي
صالح : اوكي
نزل بهاج و دخل البيت تنحنح لاكن سمع صوت اغنيه عبد المجيد
( لا ضقت اضيق و متى ما تفرح افرح لك )
( ولا غبت اموت و متى ماشفتك احيابك )
( ان كان ودك ترسيني على كحلك )
و يسمع صوت غنائها العالي و راح لغرفتها و هويضحك على اندماجها بالاغنيه دخل ولا يشوفها تتمكيج و هي تتمايل بخصرها النحيل اللي بارزة اللقنز اللي لابسته
وقفت جود و هي تحدد شفايفها تصنمت من شافته
بهاج صد بسرعه و تكلم بصوته الرجولي: كم مره اتصل ما تردين
جود تركت قلم التحديد و شافت جوالها تحت نضرات بهاج اللي تاكلها من شدة جمالها
جود : ما شفت كان ميوت
بهاج : و ليه ميوت لا اشوفه مرا ثانيه ميوت
جود : طيب سوري حاطته من امس ميوت لااني نمت
بهاج : طيب اخلصي بسرعة صالح بالسيارة
جود طيب روح جيبه لا يموت من الحر و عشان اعطره و ابخره
راح بهاج و نزل صالح و راح لها و جلسوا ينتضرونها
صالح بملل : اوووف جودي خلصي يالله
جود بتوتر من نضرات بهاج : طيب بس ابخر شعري يا عيون جودي
و بدأت بتعطير و تبخير شعرها و حطت مسك على اماكن النبض
جود : صلوح تعال ابخرك
جاها صالح و بخرته و عطرته و وقف بهاج و جا لها : و ابو صلوح ماله نصيب و نزل شماغة و من لفته و مد راسه لها
مدت يدها لها و مست شماغة تبخره و هي متوتره تحت نضراته
جود بتوتر : بهاج امسك المبخر بلبس عبايتي
بهاج مسك المبخر و حطه على المكتب : هوب هوب على وين انتي و اللقنز ذا
جود شافت شكلها: وش فيها
بهاج : ضيق و راض على خصرك مافيه طلع من باب غرفتك بذا
جود : لا ماراح اغيره عاجبني
بهاج بدأ يعصب : اقول لا تجننيني اخلصي غيريه
جود تنهدت : طيب اطلع اغير لبسي
طلع بهاج و سحب صالح معاه
و لبست جود و هي تتذمر جينز ابيض مع توب ازرق مفتوح من جهت الصدر و عبايه زرقاء مع اساور الماس و عقد ناعم جداً الماس و ساعة و جنطة ديور ليدي و نعال هيرميز بالون الابيض
و طلعت و هي ماسكة جوالها تكلم صديقاتها : يالله امشوا
بهاج حس بغيرة من شدة جمالها : ليه كل ذي الكشخه
جود رفعت حاجبها بأستغراب : بعدها بنروح المخيم اكيد بكشخ
بهاج : طيب امشي وينهي جنطتك اجيبها
جود : بالغرفة
راحت جابتها و جت عطته لجل يحطها بدبت السياره
و ركبوا السيارة و ركبت صالح مقعدة المخصص
و دخل بهاج السيارة و مشى
جود : اهلك من بيوصلهم
بهاج : راحوا مع ابوي
جود : تمام
صالح : جودي تعرفي ولا مره ماما جت حفلتي
جود انصدمت لدرجة دمعت عيونها و لفت عليه مسكت يده : طيب وعد مني اجي حفلتك كل سنه لين تتخرج من الجامعة
صالح فرح : صدق وعد
جود نزلت دمعتها : وعد
بهاج يشوفها ضحك بخفه : ام دميعة
لفت عليه جود و هي تمسح دموعها : لا تقول كذا

"تسريع خفيف ''
بالحفلة كان وقت دخول الاطفال للحفل اصطفوا اولياء الامور بأنتضارهم يمشون و كانوا يصفقون و يصورون و كانت جود مستانسه و تتمايل بخفه مع الاغنيه لاحض عساف ان التوب حقها نازل و انقهر من نضرات اولياء الامور
قرب منها و جرها له من خصرها
انصدمت جود و حاولت تبعد لاكن همس لها بنبرة معصبه : عيونهم عليك غطي صدرك بشعرك و اثبتي و لا تتحركين فاهمة عيونهم ما نزلت من عليك
جود : شيل يدك
بهاج شد على خصرها زيادة و كانوا قراب جداً من بعض
جود كانت متوتره من قربه لها
و جلسوا اولياء الامور
و بدأ تكريم الطلاب
بعد فترة انتهى الحفل و طلعوا بهاج و صالح و جود
و صالح كان يناقز من فرحته
صالح : جودي الحين ابي اشتري هدية
جود : طبعاً بشتري لك ثلاث العاب
بهاج بهدوء عكس الغيرة و النار اللي داخله : ماله داعي بعد المخيم
جود تبي تعانده و تنرفزه : لا انا قلت للولد بشتري له يعني الحين اوديني اشتري له
بهاج بدون نفس : قلت لك بعد المخيم كلمتي ماراح تتغير
جود : يعني بهاج كيف بعدها عرسنا و بعدها بنسافر حرام اليوم حفلته خليه يستانس
بهاج تعب من كثر الحنة : طيب طيب
و دخلوا السياره و راحوا لمحل العاب و اشتروا لصالح العاب و مشوا
بالسيارة كانوا جالسين لفت عليه جود
جود : بهاج عادي توقف تفتح جنطتي تجيب جنطة صغيرة لونها ازرق
بهاج لف عليها : وليه
جود : يعني ليه ابي مكياجي
بهاج ناضره و رجع يناضر الطريق : وجهك مافيه شي
جود : بهاج تكفى
بهاج وقف على جنب و نزل يجيب جنطتها بوسط نوم صالح لاانه مانام ليلة امس بسبب حماسه
و ركب السيارة و عطاها الجنطة و مشى بسارته
و نزلت المراية و بدأت تتمكيج
و جت بتحط روج مسك يدها بهاج و اخذ الروج
جود بأستغراب : خير
بهاج : ما تحطين روج على شفايفك مشيتها الصباح الحين لا و امسحي اللي على شفايفك

اتمنى عجبكم البارت و اسفة على الاغلاط الاملائية 🤍✨🤍✨✨