دربٍ ما يعز ممشاك إقصر خطاك عنّه

الجزء الاول

ابدأ بكتابة قصتك ( في بيت ضيدان الساعه 3:29 العصر )
-
نجلاء بالغرفه اقتربت من ولدها وقبلته على جبنيه وابتسمت بحزن : لاتخاف انا معك مرح اتركك
فهد ابتسم لها : ماما ابي بقالة
نجلاء ناظرت للوقت ورجعت تناظره : عادي تنتظر جدك لين يرجع وتروح
فهد بزعل : ابي الحين !!
قاطع كلامهم دخول غمور الغرفه : بنت سمعتي شصار
نجلاء تعدلت وانصت لها : شصار ؟
غمور ابتسمت بانتصار: شفتي طليقك تخيلي انه خطب
نجلاء وخرت نظرها بتعدم اهتمام : زين الله يوفقه
غمور ضحكت : ركزي معي موب بس خطب اهل العروسه فركشو الخطبه ويقولون انه مبهذل وحالته حاله وكانه مدمن
نجلاء بحزن : ابغى اعرف كيف وافقت عليه
غمور جلست جنبها وحطت يدها فوق كتفها وتكلمت بمعاتبة: انتي السبب الحب ماهو كل شي شوفي شصار معك
نجلاء ابتسمت: ماعليه قفلي الموضوع وامشي نسوي شاهي ونطلع فالحوش الجو حلو
غمور ابتسمت: يلا مشينا تعال انت ياكتكوت معي وههه بس
———( في بيت سالم )——
ايهم :اسمعوني زين ماحبيت فكرة الدوريات العائلية
الجوهره بتسليك : اي وش حاب تحط بدالها
ايهم : شوفو فكرتي حلوه تصيرون تجتمعون بشاليه والله
شماء بانبهار: فكره حلوه والله تغير عن البيوت الي ختمناها
الجوهره ————
(في بيت سالم الساعه 3:40)
-
عِنان بحماس : يمه صدق ارسلي بعد بكره الجمعه وجمعتهم مانبي ننحشر بمجلس الرجال
سلطان : والله انتم فاضين وش يفرق يعني
شماء بمحاوله : ياخي تغيرررر والله بتحسون بحماس
الجوهره فتحت جوالها وارسلت لهم : خلاص لاتزعجوني ارسلت لهم
سالم دخل البيت وناظرهم باستغراب : شفيكم؟
ايهم راح يشرح السالفه لبوه بحماس : وبس والله هاذي هي السالفه
سالم ابتسم : خلاص ماعندي مشكله الجمعه هاذي علينا فا خلاص احجز شاليه
شماء بفرح : اول مره يرضون الطرفين بسرعه
ميثاق بصدمه مسك راسه بطقطقه: انتم موب اهلي مستحيل
الجوهره مسكت المخده وشاتتها عليه : اي محنا اهلك ناسين نقولك
ميثاق : اصلاً ادري ويلا رايح اجهز شنطتي أنا أصلًا فيني عرق ملكي
سلطان باستهزاء: اووو صادق ملك مشاءالله عليك
عِنان : يبه انصحك توديه لمستشفى المجانين هناك يحصل اهله
الجوهره بشهقه : قصدك احنا مجانين
عِنان بضحك : لا لا محشومين اهله الثانين
———-( بيت عبدالله )——-
اصيل مسكت جوالها وابتسمت : شوفو وش راسله مرت عمكم
نواف بانتباه : ايش
اصيل : تقول جمعتكم إنشاء الله يوم الجمعه بشاليه وان الافضل تكون جماعتنا كلها بمزرعة خالي يكون افضل وكبيره وفيها كل شي) الصدق فكرتها حلوه
ايلار بفرح : وأخيرا بشوف خيلي وحشني
فيصل ابتسم : حلو والله عادي انا معكم بس موب كل جمعه الصدق لاني اصير اضطر اتغيب كل سبت من التعب
اصيل ابتسمت : ماعليه اهم شي تجي معنا وعادي لو ماتقدر تجي اهم شي شغلك
بتفكير : بس مدري يمكن ماتعجبهم
ميثاق : والله صدقيني بتعجبهم

( الساعه 12:09 ظهراً)
(بعد مرور يومين تحديدًا يوم الجمعه )
—
عبدالله ابتسم وحضن اخوه : اخر مره شفتك متى الجمعه الي قبل الي راحت
سالم بعتاب : والله بحق ترا نزعل
ضيدان بتدخل : يلا اخلصو ادخلو راح الوقت
افنان دخلتهم قسم الرجال وشافت عيال اخوانها وولدها وكيف كثار وكبرو ابتسمت : والله كبرتو خلاص معدكم الصغار الي اعرفهم
قاسم بضحك : اي يمه خلاص عاد بعمر الزهور ينفع يعني افهميها
افنان بضحك : شف الكلب يبي يخليني اقول بعمر الطفوله توك
قاسم بضحك : بطق العشرين وتقولين توك صغير
عبدالله : اي توك صغير صادقه
ايهم بتدخل : بعيد عن السوالف ذي الزواج وخرابيط متى تروحون المزرعه اشتقت لها
افنان ابتسمت : اي يوم تبون عادي لو بكرا
بدر بصمله : واذا صاملين انا وولدي بنروح نجهز المكان بما لنا مده مارحنا له اكيد غبر
عبدالاله بضحك : لا تبرا مني خلاص
بدر بضحك : لا بتجي بتجي غصب
نواف ابتسم : خذني معك اجل نروح معكم بشوف المكان بدري
عبدالاله بطقطقه : والله ماهقيت انك رايح خيرً فيك عشان تصور وتوضح لابوي انك افضل مني مافيه مافيه انا افضل واحد في العايله
نواف بضحك وصدمه : انا لا لا مستحيل
سلطان بضحك : شف الثاني افضل واحد بالعايله على وش
الجد ابو ضيدان : كلكم نفس المحبه
عبدالاله بضحك : تراه مايبي يزعلكم ولا هو قايل لي اني افضل واحد
سالم بضحك : اي اي يشيخ افضل شخص بالعالم
عِنان نزل وجلس فوق الفرشه : ثلاثه بلوت امشو
نزل سلطان ونواف وقاسم وبدو يلعبون
( في الشاليه قسم النساء الساعه 1:56)
—
افنان دخلت وهي تضحك وجلست جنب امها  :ضحكني الحيوان
ام ضيدان : من ضحك ؟
افنان : ولدي قاسم اقولهم كبرتو يقولي بعمر الزهور زوجيني
اميره بضحك : صادق كبر صار عمره 19 خلاص كبر
افنان باصرار: ولدي توه بزر وتخيلي وش يبي يدخل كلية الملك فهد الامنيه عشان اموت خوف يستعبط
اصيل بضحك : والله انك خوافه خليه يدخل حلمه مرح يصير له شي بحفظ الرحمان بيصير
اميره قامت ومسكت الجوال تشوف الوقت : شرايكم نروح نتمشى رياضه قبل لاتغيب الشمس
الجوهره ابتسمت : فكره حلوه انا معك
افنان قامت وراحت تاخذ مويات : يلا حتنا معكم
( راحو الامهات كلهم وبقى البنات والجده )
ام ضيدان : اسمعوني خذو الي تبون وطفو النور وروحو مكان ثاني بنوم شوي وبقوم
جمان ابتسمت : ابشري يلا بنات
ميثا خذت جوالاتهم وطلعو : بنات خن نروح المجلس الي برا ونقفل الباب علينا مو احسن
غمور ابتسمت: فكره حلوه يلا
فهد تقدم لامه بعناد : ماما قلت ابي بقاله !!
نجلاء باستسلام: خلاص تعال نطلع
فهد : ماما هاذي جزمتي لبستها يلا خن نروح
نجلاء دقايق اروح اجيب عبايتي واجي لاتروح اوقف عند الباب ، بعد مده نزلت وماحصلته دخلت عند البنات تدوره
غمور بخوف : يمكنه راح مع احد من اهلي
نجلاء بخوف وبكاء :لا مستحيل هو يسمع كلامي ومايروح انا خايفه عليه
روفان مسكتها وحاولت تهدئها: ماعليه اصبري اكيد بيجي
نجلاء ببكاء : انا السببب تركته عند الباب
طلعت من عندهم ووقفت بدون عبايه وهي موب حاسه بنفسها تنتظره بخوف وبكاء مستمر
—————
سلطان همس بضحك : امك بتعصب يلا اخلص
فهد ابتسم بحب  : عادي تصير بابا
سلطان ناظره وسكت لمدة دقيقه وهمس وهو مبتسم : انا منزمان زي بابا كلنا زي بابا اوكي
فهد ابتسم: اصلاً بابا دايم يزعل ماما بعدها ماما خذتني وودتني بيت بابا ضيدان عشان ماتبيه خلاص
سلطان حضنه وشاله : ماعليه بابًا يمزح معكم عادي يلا نروح لماما اوكي
فهد ابتسم: اوكي فكلي العسكريم
سلطان خذ من العسكريم بس يوم ناظر الباب مفتوح دخل مستغرب جلس على رجله وحاول يفك له العسكريم مابين نجلاء الي بدون وعي شافت ولدها وجت تركض له
نجلا ببكاء: ليش رحت وخليتيني وانا قلت لك انتظر خوف عليك اعرف اني اموت عليك صح؟
سلطان ناظرها وعجز يزيل نظره لها ومنصدم كيف كذا ملاك لهدرجه ويحسب الملاك بس اخلاق طلع حتى الوجه وتعابيره ملاك استوعب على نفسه من اول ماسمع صوت غمور تنادي
غمور بصوت عالي : نجلاء وينك
سلطان عطاها ظهره وهمس : ولدك شفته طالع بشارع وقال انه يبي البقاله ووديته اعذريني اذا خوفتك عليه
نجلاء شالت سلطان وهمست بصوت مبحوح :يعطيك العافيه ، للحظه استوعب انها طالعه كاشفه وبفستان كش جسمها بخوف وفشله وراحت تركض لداخل