دربٍ ما يعز ممشاك إقصر خطاك عنّه

الحادي عشر

(أستغفر الله العظيم واتوب اليه )
-
( في المستشفى عند سلطان الساعه 4:00 الفجر بتوقيت السعوديه )
—————
سلطان دخل وحط الورد قدام السرير وجلس على الكرسي وابتسم : عساك بخير ؟
ريم مسكت بطنها بتعب والتقت له : لا موب بخير ماني مرتاحه بالمستشفى طلعني مافيني شي
سلطان ناظرها بحزن وقف وقرب وحب جبينها وهمس : معوضه خير يـ ريم الطفل مات
ريم ناظرته بستغراب : شفيك من قالك هالكلام الطفل بخير مافيه الا العافيه !!
سلطان نزل نظره للارض بضيقه : بس ذي الحقيقه يـ ريم ، انا اسف على قسوتي قلتلك بدون مقدمات بس لازم تعرفين
ريم بدت تنزل دموعها مسكت بطنها وناظرته بغضب وبدت تضربه : كله منكككك !!!! الطفل ماتتتتت ليشششش كذا انتم
سلطان مسك يدها وحاول يهديها : انا اسفَ
ريم بصراخ : اطلععع برا مابي اشوفك
سلطان بتعب : انا بطلع اخليك بالحالك
ريم مسكت يده بوحده وحضنته ببكاء : سلطان لاتخليني الوحده اكلتني تعبت
سلطان بستغراب : شفيك ؟ ليش هالكلام
ريم ناظرته ببكاء: سلطان انا خايفه تخليني بعد كل هالايام وحيده انا من يداريني بعد وفات طفلي ، سلطان ناظرني !! انا لقيت نفسي معك
سلطان : الله بيعوضك بالأجمل انشاء الله
ريم ابتعدت عنه وتسندت : رح خلاص
سلطان ابتعد عنها : الي تبين بيصير
——( بعد مده وصل للبيت )——
الجوهره استقبلته وابتسمت ؛ الزواج بعد اسبوع استعد يـ سلطان
سلطان ناظرها بتعب : يمه ولد زوجتي مات !
الجوهره ابتسمت : ياغبي ذا ولد خويك لاتنسى مفروض تفرح خلاص
( في بيت سالم )
—————
سلطان ناظرها بغضب : ليش افرح تراه طفل ماله ذنب بغلط هو ما اذنبه
الجوهره مسكت يد ولدها : ماعليك انت بس استعد خلاص رح تتزوج
سلطان : انشاء الله يامي بس بروح لاني تعبان
الجوهره ابتسمت : نوم العافيه
-
(في بيت ضيدان الساعه 12 الظهر )
نجلاء ابتسمت: ليش مستعجلين بزواج ؟
ضيدان : والله مادري بس الافضل خلاص انتي خلصتي اشغالك كلها موب صح ؟
نجلاء: الا يبه خلصت كل شي بس اسأل
وصايف بحب :بفقدك صدق
نجلاء بحزن : حتنا الصدق
ميثاء التفت لـ نجلاء بضحك : لاتكذبين تراك فرحانه انك بتروحين
نجلاء بخجل: لا خير
غمور : الا يبه شخبار جده
ضيدان : اي من حقك تسالين ماتروحين لها
غمور بضحك : يبه تعرف انشغالات وكذا ظروف
-
( في بيت بدر)
عبدالاله طلع من غرفته بتعب والتفت وشاف طالعه من الغرفه ايلار : شخبارك ؟
ايلار بضيقه : وكيف تبيني اكون ؟
عبدالاله: انا عارف وحاس فيك
ايلار بحزن : عبدالاله انت عارف خلاص احنا صرنا اخوان صدد خلاص مابينا بيكون نصيب استحاله انسى المشاعر وكل شي
عبدالاله نزل راسه : أكيد بنسى يا... اختي
ايلار ناظرته بحزن : الكلمه توجع مع انها احن كلمه بس هالمره توجع بالحيل
تاليا بمقاطعه : ايش واقفين ؟ تعالي ايلار معي
ايلار هزت راسها وراحت : يلا
عبدالاله ناظر اخته : شتبين فيها ؟
تاليا ناظرته بحده : تراهي اختك استوعب
عبدالاله بصدمه: خير ؟ انا ادري ترا
تاليا بصرامه : لا بس اذكرك عشان ماتنسى
( بعد مرور اسبوع في الشقه عند ريم الساعه 4:11 العصر )
——————
ريم بستغراب :ليش مستعجل
سلطان التفت لها بستغراب : ماقلت لك؟ عرسي بكرا خلاص
ريم انصدمت وحاولت ماتبين صدمتها عضت شفايفها بغيره وناظرت له : انت قلت بعد شهر !
سلطان : اي كان بس الحين امي طلبت يستعجلون بالعرس ووافقو
ريم عقدت حاجبها: وانت مستعجل بعد ؟
سلطان رجع يناظرها بستغراب : شفيك ؟
ريم صدت بوجها بوجع : مافيني شي الله يوفقك
سلطان جلس جنبها بضيقه : احسني اظلم نجلاء ماتدري عن شي ( صوت رنين جوال )
ريم ناظرت للجوال وقرت اسم المتصل : الله ياخذه يارب !!! للحين ذا
سلطان بتافف رفع جواله ورد : الوه ؟
يوسف بتعب : حبيت ابارك لك مبروك على الزواج وعقبال الرابعه يارب
سلطان باستهزاء: وليش الرابعه منك بتكون بعد؟
يوسف ضحك بحزن : لا انشاء الله ، سلطان آنا بالمستشفى الدكتور قالي خلاص ماباقي لك شي
سلطان وقف بصدمه : كيف ؟؟!
يوسف بضحك : بتفتك مني مبروك
سلطان : اي مستشفى موجود فيها
يوسف : ماله داعي !
سلطان بتافف: خلاص قفل مع السلامة
-
ريم بانتقاد: شفيك خير ؟
سلطان : يوسف بالمستشفى
ريم ضحكت بحزن : دعوة المظلوم ماتروح
سلطان ناظرها بغضب : ذا صديق عمري ذكريات طفولتي موب بس صديق اخوي هاذا تعرفين شمعنى الموت !!!
ريم ببكاء: حتى لو الي عايش معها وتكلمها الحين!! استغفرالله مقدر اقول شي حتى
سلطان بحزن تسند على الجدار :ياليت الدنيا وقفت بذيك الليله يارب ارزقني الثباتتت يارب
ريم ارتمت بحضنه ببكاء : اسف اسف مره اسف
سلطان حط يده على راسها : ليش الاعتذار ؟
ريم ابتعدت ونزلت نظرها بحزن : اسف اني خربت حياتك كل لليله ابكي بسبب هاذا الشي مالك ذنب انت مجرد ضحيه بعد
سلطان ناظرها بحده : قلت لك انسي الموضوع