دربٍ ما يعز ممشاك إقصر خطاك عنّه

التاسع عشر

-(استغفرالله العضيم واتوب اليه )-
-
( بعد مرور عدة ساعات عند سلطان )
———
وصل للبيت بتعب نزل نجلاء ورسل لاخته تستقبلها : باقي شي؟
نجلاء: لا مافيه وين رايح ؟
سلطان ببرود : كم شغله وراجع
نجلاء التفت لجهة الباب عشان تمشي ماتبي تكثر اسئلة عشان مايعصب عليها ولا براسها مئة سؤال وتبي له جواب
-
وقف سيارته سلطان بعد ماوصل لمخطط شبهه خالي من السكان ومن البيوت ناظر لسياره الي جايته ووقفت على جنب ونزلت البنت المحجبه وصوت الكعب المتتالي وريحه الي تسبق صاحبتها انصدم من ان البنت تتجه اتجاه سلطان
بصوت معروف ريم بهدوء : اخبارك سلطان ؟
سلطان انصدم من عرف صاحبة السياره والابتسامه: ريم ؟؟ كيف عرفتي اني هنا
ريم بابتسامه:موقعك مفتوح عرفت انك وصلت وكنت قريبه من موقعك وقررت اجيك ابي اشكرك على كل شي
سلطان عقد حواجبه: على وش ؟
ريم بهدوء : انا بفضلك وبفضل صدك لي اعتمدت على نفسي غيرت حياتي غيرت كامل شخصيتي عدلت علاقتي مع عمي بعد محاولات كثيره ادت للفشل كل شي بسببك
سلطان ابتسم وبفضول: زين فرحتيني كثير ، الا بسالك انتي وافقني على عبدالعزيز ؟
ريم هزت راسها بضحك : خطوبتي منه تفركشت حرفيًا بشكل فضيع اكتشفت انه بخيل بشكل يخليني ادفع كل شي ماقدرت اتقبل زواجي منه
سلطان ابتسم: خيره ياريم 
ريم ابتسمت : كيف شهر العسل ؟
سلطان تنفس بضيقه : كويس
ريم هزت راسها : تمام كويس
سلطان ابتسم: ريم اخبارك
ريم هزت راسها بضحك : بخير بخير فيك شي سلطانوه مانت بخير واضح
سلطان هز راسه : ريم بسالك انتي تثقين فيني ؟
ريم ضحكت : وش هالسؤال اكيد عشرة عمر صرنا ياسلطان
سلطان ابتسم: عادي اقولها
ريم بضحكه : تقول وش ؟
سلطان التفت بإحراج: كلمه تعرفينها زين
ريم هزت راسها بخجل : لا مايصير
سلطان ابتسم: احبك طيب 
ريم هزت راسها برفض : مايصلح ياسلطان حب اخوه اوكي خلاص الي بينا انتهى
سلطان : متاكده الي بينا انتهى !
ريم ابتسمت بتصريف : يلا انا بمشي مستعجله
سلطان ابتسم : وقفي طيب انتبهي على نفسك
—
( بعد مرور يومين عند سلطان ونجلاء)
————
سلطان اقترب منها بهدوء: شفيك تعبانه ؟
نجلاء رفعت كتفها بعدم فهم : مادري والله بس حومت كبد وبطني مدري شفيه
سلطان ابتعد وتسند : اذا تبين اوديك المستشفى تراني موجود
نجلاء هزت راسها : الا شصار عليك ؟
سلطان ببرود : على ايش ؟
نجلاء تسندت بضيقه : للان صامل على مكابرتك وصدك !
سلطان هز راسه : لاتلوميني بحق ترا
نجلاء وخرت نظرها منه ونطقت بصعوبه وغصه : بتطلقني ؟
سلطان ناظرها بهدوء : تدرين اكتشفت اذا وضحت لشخص حبك يخذلك كثير والي تصده وتهجره مايخذلك ابدا
نجلاء عدلت جلستها بتعب : قصدك ريم !!
سلطان أبتسم لاشعوريا من سمع اسمها : اخخخ فيه غيرها يستحق هالقلب ظلمتها كثير
نجلاء وخرت نظرها بضيقه ومسكت شي جنبها وشاتت عليه فحص الحمل : انا حامل ياسلطان !! غلط اكبر غلطه اني حملت
سلطان مسكه بصدمه ونطق بصدمه : ايش !
نجلاء: اجهضه ! شتبي مني !
فهد دخل عليهم بمقاطعه : ماما ابي العب برا
نجلاء بعصبيه : فهد كم مره قلت لك لاتدخل قبل تدق الباب ؟
سلطان بعصبيه : عصبي على نفسك كم مره قلت لك لاتتركين الحبوب لاتطلعين حرتك فالولد ماله علاقه بكل شي يصير ،تعال معي
فهد وخر وهو خايف : ماما شفيك ؟ اسف
سلطان شاله بضيقه : تعال معي ماعليك مافيها شي امك بس تعبانه
نجلاء وقفت بعصبيه : لا تعلق الولد فيك وانت بتتركه خلاص ابعد
سلطان نزله بعصبيه وراح : خذيه
- ( عند روفان بشغل ) -
روفان حطت يدها على راسها بصدمه : كيف كذا