دربٍ ما يعز ممشاك إقصر خطاك عنّه

الثاني عشر

-(استغفرالله العضيم واتوب اليه)-
-
( صباح جديد على الابطال في بيت ضيدان الساعه 7:12 الصبح )
__________
نجلاء بتوتر: وين فستاني ؟ مامااا
وصايف باستعجال : دخلت كل شي قلت لكم اخلصو خن نروح القاعه عشان يمدينا نخلص
غمور بعصبيه : جماننن وين الكميرا حقتي !!
جمان سحبت شنطتها لين نص الدرج : شدخلني انا اخر مره معك
غمور بقهر ؛ لاتقهريني وينها
نجلاء التفت بتذكر : اذكرها بغرفة فهودي يوم تشحنينها عنده
غمور هزت راسها بتذكر : اي اي
ميثاء دخلت عليهم باستعجال: هي ابوي معصب يقول اخلصو عشان اوديكم واروح الحق الى الحلاق والخياط اجيب ثوبي وبشتي
وصايف لبست عبايتها وطلعت : دقيقه بس ننتظركم فهمتو يلا اشوف
- ( في بيت سالم الساعه 12 الظهر) -
شماء طلعت تركض لبرا : عِناننن وقف !!
عِنان وقف والتفت لها بعصبيه : شتبين بتاخره على الخياط
شماء بترجي : تكفى فستاني عند الخياط الهندي الي عندنا جبه معك
عِنان هز راسه : طيب طيب خلني اخلص واروح له
الجوهره بستغراب: عِنان وين سلطان ماشفته ؟
عِنان عقد حواجبه : لا ! غريب وينه في
الجوهره : والله مدري
-
-( في بيت الجد حمد ) -
ام ضيدان : يلا تجهز اخلص
ابو ضيدان : يلا بخلص دوري بشتي
ام ضيدان : طيب خلاص
( بعد مرور الوقت الساعه 7:22 المغرب بالقاعه )
——————
ميثاء بتوتر : خلاص بدو يجون الناس تعالي استقبليهم معي
تاليا هزت راسها ؛ لا تكفين بروح اضبط شكلي نادي الامهات مفروض هم الي يستقبلون
وصايف بتدخل : خلاص روحو يلا ، اميره تعالي معي
اميره هزت راسها بـ طيب : يلا انشاء الله
- عند العروس فوق -
نجلاء ابتسمت : يعطيك العافيه المكياج يجنن
الميكب ارتس ابتسمت : انتي الي محليه المكياج صدقيني مشاءالله حصني نفسك ياقلبي
نجلاء بخجل ابتسمت التفت من شافت غمور :شفيك مكشره ؟
غمور ابتسمت : اللههه وشذا الزين ، مافيه شي
نجلاء ناظرت لها : ماتوقعت الفستان كذا يموت دمار صدق حتى المكياج
غمور ناظرت للمرايه بعدم اقتناع : مدري احس
شماء دخلت عليهم وعطتهم ظهرها : مابي اشوفك ابيها سبرايز
نجلاء ضحكت : من حقه الي معك ؟
شماء : البشت تقصدين حق اخوي بحطه بالغرفة الي جنبها عشانه بيجي ياخذه
نجلاء هزت راسها : تمام
-
( عند الرجال )
ايهم : وين وديت بشتي
سالم التفت عليه : من اختك عطيته توديه فوق اذا بغيته رح خذه
ايهم ابتسم وهز راسه : خلاص طيب
سلطان وقف سيارته ونزل : جو كلهم ؟
فيصل ابتسم : مبروكككك ياولد العم اي جو
سلطان ابتسم : الله يبارك فيك
نواف بمزح : مشاءالله ابطيت مره المعازيم كلهم جو
سلطان بابتسامه : يلا ماعليه الحلاق سحب علي
قاسم مسك : يلا تعال اخلص بيسون عرضه ويبونك يلا
عبدالاله من بعيد بصراخ : يلااااا ياعيال اخلصو
قاسم التفت له : سمعت يلا
سلطان راح معهم : يلا

( في العرس عند الحريم )
—————
دخلت بنت والكل انظاره عليها مستغرب والكل يتسال من هي ياترا سلمت عليها الجوهره ناظرتها وشدت على يدها : وش جابك ؟
ريم ابتسمت : عرس زوجي كيف ماجيه
وصايف بمقاطعه : ياهلا وغلا من بنته انتي ؟
الجوهره ابتسمت : صديقت شماء جت تعالي اجلسي هناك
ريم راحت وجلست اقتربت من اذنهاا الجوهره بحده : تتحركين اذبحك وشغلي معك فاهمه !!
ريم ابتسمت : شدعوه ياخالتي
- بعد مده نزلت الزفه نجلا-
الكل ناظرها وفرحانين اما عند نجلاء الي كانت متوتره نزلت ووصلت بس مده عند الكرسي جلست بعد مده دخلو الرجال يوم طلبو منهم يتغطون
سلطان دخل مع ابو نجلاء وبدر وسالم التفت وهو مبتسم ويوم راحو وتركوه جلس والتفت لجهت امه واخته يوم شافهم جاين ركز وراهم وشاف وحده فاتشه غض بصره بعدين استوعب انها ريم رجع والتفت بصدمه وعصبيه فقد عقله وقف وراح لها بعصبيه مسكته امه
الجوهره بعصبيه : وقف وارجع لعند زوجتك
سلطان بعصبيه : يايمه كيف تجييي!!!
شماء بستغراب : من شفيكم !!
الجوهره بعصبيه : روحي لنجلاء ، وانت ارجع اخلص
سلطان رجع للكرسي بعصبيه : يارب صبرك
نجلاء عقدت حواجبها والتفت له : شفيك ؟
سلطان ابتسم ابتسامه تمثيلها وفكر انه يقهرها دامها جت وعاندته قرب اها وهمس : لا مافيني شي ياقلبي
نجلاء التفت له وابتسمت : تغيرت
سلطان ابتسم: كيف عجبتك ؟
نجلاء هزت راسها وابتسمت : اكيد
ريم ناظرته بقهر مسكت نفسها عشان ماتبكي التفت وشافت الجوهره كيف مبتسمه وفرحانه وشماء والكل فرحان مسحت دموعها بضيقه
-
- ( عند غمور فوق )-
غمور ابتسمت وهي تضبط مكياجها وتكلم صديقتها : الصراحه شكل نجوله خيال ماتوقعت يجنن ( سمعت صوت رجال وشخص يفتح الباب )
ايهم دخل وهو مستعجل انصدم من شافها بقق عيونه باعجاب بفستانها صد نظره وجا بيطلع سمع صوت بنات برا ورجع يدخل : مقدر اطلع فيه بنات برا خاف اطلع ويسوون الظن
غمور بخوف غطت صدرها بخوف : كيف نقعد هنا شف حللل
ايهم بتفكير : خلاص بطلع عند البنات بس بتنحنح ويروحون وبروح
غمور بتفكير : لا لا كيف تطلع عند البنات !!
ايهم بستغراب : اجل شنسوي ؟ عندك حل
غمور عضت شفايفها بتفكير : بيدخلون ادري نجلاء وسلطان بعد شوي لازم نطلع ، اصلاً وش كنت تبي !!
ايهم : بشتي هنا بيبدون العرضه ابي البسه