دربٍ ما يعز ممشاك إقصر خطاك عنّه

السابع

( في بيت سالم الساعه 4:19 الفجر )
——————
شماء بخوف : طول مره انا خايفه عليه
ايهم حط يده على الجدار بتعب : انا بنوم وانتظريه اذا فيك حيل تمام ؟
شماء هزت راسها بـ نعم : نوم العوافي
، ناظرت شماء لساعه وكل مالها تشيل هم اكثر
-( عند سلطان )-
وقف عند مزرعه وجلس دقايق ورجع لسياره عند بابها تحديدا : يلا انزلي
ريم ناظرت له بخوف وفتحت الباب : وين احنا فيه بضبط ؟
سلطان ناظر للارض بتعب : بمزرعة جدي
ريم عقدت حواجبها بستغراب : لا وين خلاص
سلطان بحده : لوسمحتي انزلي ولاتخافين من ناحية اهلي مايجون هنا الا بشتاء
ريم نزلت وراحت معه لين دخلو جوا البيت الي موجود داخل المزرعه : يوه مره مغبر البيت
سلطان ناظر للمكان : بثلاجه فيه مويات ومعلبات صبري نفسك فيها على ماجي واجيب لك الاغراض
ريم هزت راسها بهدوء وهمست : بنظف المكان
اجل
- ( في بيت ضيدان) -
نجلاء ناظرت لجوالها بستغراب : اقولك اول يوم خطوبه اتصل علي وجلس اربع ساعات متواصله والحين لا حس ولا خبر اختفى لا سلام ولاشي مدري هو حي ميت بخير موب بخير
ميثاء بتفكير : والله علمي علمك بس احسني الظن دايم يمكن فيه شي
نجلاء بتفكير هزت راسها بـ لا : فيه شي مستحيل
جمان بتفكير : انا واخته صديقات اكلمها عساس اسال عنه وبتقولي اكيد
نجلاء هزت راسها : اي اي يلا
جمان اتصلت على شماء وفتحت سبيكر : الوه هلا شخبارك لايكون قومتك ؟
شماء: لا لا انا صاحيه اصلاً
( في بيت ضيدان )
—————
جمان ناظرت لاختها بتوتر : الا ابسالك
شماء: اي ؟
جمان بتلعثم : اختي تسال عن اخوك معد صار يرسلها ولا يكلمها اختفى قلقانة وتبي تتطمن ؟!
شماء : اقولك شي الصدق انا وخواني شايلين همهم تو ايهم داخل بنوم من التعب ننتظره متغير مره الولد
جمان بطقطقه : لا يكون تزوج؟
شماء: لا لا وين اخوي طاير ببنتكم كيف يتزوج الفكره ذي مستبعدينها مرههه
جمان ابتسمت : لا انشاءالله بخير مافيه شي
شماء :اي انشاءالله يلا استاذن
-
ميثاء: غريب اجل شسالفه
نجلاء بتوتر : شلت هم اكثر فهوودي حبه مره
غمور : لا ماعليك ماصار شي بيرجع انشاءالله كويس ونفس اول وبتعرفين السالفه منه
- ( في بيت عبدالله )-
دانه ابتسمت : كيف كذا منجد
ايلار بضحك : اقولك والله العضيم ارتبك والحين راسلي واتس يبرر موقفه
دانه بحزن ؛ واضح يحبك مسكين خلاص
ايلار عضت على شفايفها بتفكير : لا لا حب بدقيقتين سوالف
دانه ؛ ايوه تصير والله
ايلار بتذكر : الا شصار على عِنان
دانه بتطنيش : ماعرف ولا تجيبين طاريه
ايلار اقتربت من اختها وابتسمت : ماعليه عادي حصل خير ماصار شي
نواف دخل عليهم بمقاطعه : هييي يلا انا بسياره نروح نجيب لكم قهوه على حسابي
دانه بستغراب : فيك حراره ؟ ضغط ؟ زهايمر ؟
نواف بغضب : وجع وش شايفيني يلا انا تحت اخلصو البسو عبايتكم وانزلو يمكن اعشيكم بعد
ايلار بضحك قامت تركض : فرصه ماتتفوت اركضي يا دانهههه الحق ماتلحق
-بعد. مرور مده عند ايلار ودانه -
دانه بغدر : شفتي هاذا اخوك عشان كذا استغربت موب عادته
ايلار بحزن : حرام عليه تحمست والله
دانه فتحت جوالها بقهر وقرت الرساله بقهر ويغضب بصوت عالي : ها شوفي وش كاتب تاخرتو مره عشان كذا رحت الجايات اكثر ، بالله هاذا عذر
ايلار بقهر دخلت لداخل ؛ اخر مره اصدقه