دربٍ ما يعز ممشاك إقصر خطاك عنّه

واحد وعشرون

-(استغفر الله العظيم واتوب اليه)-
-
( عند نجلاء والشرطه الساعه 5 الفجر )
—————
نجلاء ابتعدت عنه بخوف : هاذا هاذا بيقولك اني قتلتها
جمان بخوف وبكاء: نجلاء كفايه خلاص
سلطان بحده : اخوي انا اعتذر ذي تعبانه وقالت كذا تقدر تمشي
الشرطي بصرامه : معليش بس هالمره بمشيها بس المره الثانيه بضطر اقدم بلاغ باسمها
جمان ببكاء وعدم تصديق جلست تنتظر بستغراب لسلطان راح الشرطي وهمست : ليش قلت كذا ؟
سلطان ناظر للارض وابتعد بتطنيش
نجلاء بصوت عالي وبكاء: ليش تخليني مجنونه !! تكلم لاتتركنا تايهين
سلطان التفت بعصبيه : انا خايف على فهد بس موب عشانك واذا على ريم فهي صحت وركبتها السياره والحين رايحين للمستشفى
نجلاء بخوف وقفت : بتقول شي لشرطه ؟
سلطان بتخويف :  ماندري عنها انا استاذن
-
ركب السياره وكب على وجهه مويه بخفيف :انتي بخير الحين
ريم بتعب : راسي يوجعني ياسلطان
سلطان بخوف شغل السياره وبدا يسرع فيها :يلا دقايق تحملي ونوصل المستشفى
- ( عند نجلاء وغمور ) -
نجلاء ببكاء وانهيار مسكت بطنها وتسندت على الجدار : انا تعبت ياغمور ماهي شخصيتي كيف ضربتها وكيف ببلغ عن نفسي !
غمور مسكتها بتعب وخوف وصوت خوف:ماعليه بسبب  الحمل وهرموناته
نجلاء وقفت بتعب : يلا نروح انا تعبانه
غمور ببكاء وخوف : نجلاء ماقدر اسوق رجلي تنتفض بعد الي صار
نجلاء بتعب وانهيار : ولا انا شنسوي ؟
غمور بتفكير : عندي الحل اتصل على ايهم يجي
نجلاء ناظرتها باستغراب : وش عرفك فيه ووش دخله بسالفه
غمور بتوتر : بعدين اقولك بس ماعليك هو اكثر شخص بيتفهم
نجلاء باستسلام: مظطره اقول اي
غمور ابتعدت واتصلت عليه
( عند ايهم الساعه 5:40 الفجر)
————————
ايهم نزل من السياره بخوف : اساعدك ؟
غمور هزت راسها : موب انا نجلاء تعال ساعدنا انا رجلي معد تتحمل
ايهم اقترب ومسك وقرب كتفه لنجلاء: ارقي فوق كتفي
نجلاء هزت راسها بتماسك وتعب  : لا مايصير
ايهم باصرار : يابنت الناس انتي حسبت اختي لاتخافين تمسكي بكتفي طيب وبكتف غمور
غمور تقدمت ووقفت جنب نجلاء تساعدها : يلا تمسكي زين
ايهم ركبها السياره وركب وحرك : بوقف عند بقاله الحين اشتري لكم مويه
غمور ابتسمت بتعب : ماتقصر يعطيك العافيه
ايهم تسند بتسأل: نجلاء سلطان وين الان ؟
نجلا بتعب وتذكر : مادري عنه حريقه تحرقه
ايهم بجمود : الله يعين ، غمور انتي بخير ؟
غمور هزت راسها باحراج : اي بخير
ايهم ابتسم ووقف عند البقاله : خلاص انا بنزل وجاي مرح اتاخر
نجلاء التفت بعد مانزل لـ غمور : مرح اسالك عن الي قاعد اشوفه الحين لان مالي خلق ابدا وتعبانه بس حسابي معك بعدين
غمور بتوتر : طيب ساعدنا تراه ولا حتى وقف ضدنا بالعكس هاذي شجاعه منه ونعم والله
نجلاء بتعب ناظرت للجهه الثانيه : اي يعطيه العافيه ماقصر
غمور التفت تناظر البقاله وشافته يحاسب ويناظرها ابتسمت بتعب 
ايهم ركب السياره ومد لهم المويات : امسكي المويات ، ضبط مراية السياره ونظار لغمور بتفكير وهواجيس
نجلاء ناظرتهم بانتقاد بس طنشت لانها تعبانه
_
-<<( في المستشفى)>>-
سلطان بتطمن : زين الحمدلله
ريم بتعب مسكت يد سلطان : سلطان وش بنسوي انا ماقدر استمر اعيش هنا عند هالمجنونه انا ببلغ عليها
سلطان بتماسك ابتسم لها : يابنت الناس لاتبلغين بندخل بمشاكل ومحاكم احنا في غنى عنها
ريم هزت راسها : الي يريحك
سلطان بحب : حتى وانتي مبقسه حلوه
ريم ضحكت بتعب : يالله ياسلطان

-
( صباح جديد على الأبطال الساعه 11:30 في بيت عِنان بعد زواجه من دانه بإحداث السنه الي راحت )
————-
عِنان تعطر وتوضى وطلع وابتسم من شاف دانه صاحيه : صح النوم
دانه ابتسمت وتركت جوالها : متى صحيت
عِنان بتذكر لبس ساعته والتفت : 11 تمامآ تقريبًا
دانه وقفت ومسكت خصله من شعرها بتفكير :عِنان طالعني !
عِنان التفت لها : لبيه عيونه ؟
دانه بغيره : كل ذا عطر !
عِنان ابتسم: شفيه عطري عاجبك ؟
دانه تاففت: انت رايح لشغل ليش كل هالعطر تدري ان شغلك مختلط
عِنان التفت وحط غترته على كتفه والتفت عليها وحاوطها لين صار قريب منها مره وابتسم وهمس : تغارين علي
دانه تسارعت نبضات قلبها بتوتر : لا ماغار
عِنان ابتعد عنها وضحك : يالله وجهك احمر قلب من التوتر ترا انا زوجك استوعبي
دانه تنفست بارتياح وراحت تفتح الدولاب بتصريف : لا من قال !
عِنان ضحك وطلع : يلا تبين شي ؟
دانه ابتسمت : سلامتك انتبه لنفسك
عِنان هز راسه وابتسم : بشتاق لك يلا باي
دانه ضحكت ورجعت تدور على ملابس
-
-( في بيت ضيدان ) -
وصايف بستغراب : غريب الساعه كم جت ؟
غمور : جت الصبح تقول رحت افطرت وقلت له ودني بيت اهلي شافتني صاحيه عشان كذا جت
ضيدان ابتسم : زين اصلاً منزمان عن فهودي
فهد ابتسم : جدي ابي اروح معك اصلي
ضيدان ابتسم : اكيد بتجي معي ونعم رجال
ميثاء ناظرت لغمور بعدم تصديق اشرت بيدها بـ ايش فيه
غمور بادلتها النظارات وهزت راسها
-
غمور دخلت غرفتها وحطت عند الطاوله مويه وحاولت تقوم نجلاء الي كانت نايمه عندها
نجلاء تعدلت وجلست : صاحيه
غمور ابتسمت: انتي بخير ؟
نجلاء هزت راسها بتعب : بخير
غمور مدت لها الفطور : افطري تراني قلت لاهلي انها جتني الصبح حطها زوجها وراح
نجلاء ابتسمت : يعطيك العافيه ماقصرتي
غمور ابتسمت : بالعكس انتي اختي
نجلاء بتذكر :الا صدق شسالفه ايهم!
غمور بتوتر : نجلاء الحب موب حرام فطره بقلب الانسان وانا وياه نحب بعض وناوين بالحلال
نجلاء اقتربت بهدوء : انا متفهمتك بس اكيد بخاف عليك ،كيف عرفتيه ؟
غمور بتذكر : بصدفه شفته مرتين بالبيت هنا يوم خطوبتك وبعرسك
نجلاء بستغراب : مشاءالله مرتين وكيف ضفتيه ؟
غمور ابتسمت: لاتساليني اساليه هو طلع رقمي مدري من وين وارسل لي