دربٍ ما يعز ممشاك إقصر خطاك عنّه

العاشر

( بعد مرور مده قصيره عند سلطان الساعه 12:30 الليل في المزرعه )
————-
ريم تقدمت منهم وحطت المويه والقهوه جلست بعيد عنهم شوي
، سلطان تقدم ومسك المويه وعطها امه : يمه اشربيها تكفين عشاني
الجوهره مسحت دموعها بتعب : ياولدي وش الي وصلك لهالحاله اشرحلي مبرر
سلطان نزل راسه وبدا يشرح لها السالفه كلها من البدايه لين النهايه : وشوفيني هاذي حالتي
الجوهره التفت عليه بصدمه : بس بوجهت نظرك هاذا الحل انك تخطب وتروح تتزوج ؟
سلطان ناظرها وعقد حاجبه : وش الحل !
الجوهره ناظرته بجديه : دام الامور توها محد عرف طلقها وماعليك بزوجها اخوك يستر عليها وانت رح كمل حياتك
ريم وقفت بضيقه من تحكمهم وراحت وتركتهم ، سلطان ناظر لريم وهي تروح رجع التفت لامه : يمه مستحيل ادخل اخواني بمشاكلي انا هاذي المشاكل تخصني محد له علاقه يتحملها خلاص انا اتحملها
الجوهره هزت راسها بنفي : لا مافيه حرام عليك البنت حبتك خلاص اصحى على نفسك
سلطان وقف بحزن بصوت عالي : يمه انا احبها مقدر اتخيلها مع شخص غيري يمه انا كل ليله اتذكرها كل يوم وكل ثانيه هي براسي يمه انا وقفت ضدكم عشانها حبيتها ويشهد الله اني صادق بكل كلمه قلتها ومن كثر حبي لها مابيها تنحاس معي تدهور وتضيع معي ابيها بخير بس
الجوهره صفقت ولدها ورجعت وحضنته : الكف عشان تصحى يمكن تستوعب الي جالس يصير
،الا زواجكم كيف ؟
سلطان : على الورق مافي شي رسمي

( في بيت الجد حمد )
————-
بدر ناظر لعبدالاله وجلس بجنبه اما عند عبدالله فا جلس بجنب الجد حمد
دخلت ايلار بستغراب جلست جنب ابوها بخوف التفت لابوها تساله ؛ يبه ليش مخليني اطلع عنده لا يكون تبون تفتكون مني
عبدالله تلثم عشان ماتشوف دموعه حط يده على راس ايلار وابتسم
عند عبدالاله الي مصدوم ومستغرب : تكلمو ؟
الجد حمد بجديه : ياعيالي هاذا خطائي قبل عشرين 18 سنه كنتم صغار ماتدرون وين الله حاطكم ايلار تعلقت بدانه مره بس عبدالله كان بيسافر لشغل وبيطول كثير فا انا خليت ايلار ترووح معهم
ايلار بخوف مسكت يد ابوها عبدالله : بس شفيها انا سافرت مع ابوي !؟
بدر بحزن: يبه وضح اكثر
الجد حمد : يايبه انتي بنت بدر اخت عبدالاله
ايلار ناظرت بصدمه لابوها وانكار الحقيقه بخوف : يبه مقلب صح يبه خلاص انا تعبانه خن نروح البيت عند امي تعبت انا
عبدالله مسك راس بنته بحب وحزن : يابابا انتي بنتي محد يقدر يغير هالشي بس ماننكر الحقيقه
عبدالاله بصدمه وقف : يعني ايلار اختيييي !؟
الجد حمد : جدتك جتني منهاره تقول انك تحب ايلار قررنا نعلمكم قبل لايصير شي
بدر ناظر لـ ايلار : ايلار حبيبتي امك متقطع قلبها كل لليله تبكي وتقول ابي بنتي لاتتعبين قلبها اكثر
ايلار صرخت ببكاء وهربت لبرا جلست على حافت الدرج بعدم تصديق حست بيد تحتويها من ورا التفت والصدمه كانت اميره
اميره بحب حطت الشاب على كتفها وجلست بجنبها : يايمه أنتظر هالحظه سنين لاتجفين وتصدين طلبتكك
ايلار ببكاء: والله صعب علي صعب
جلست جنبها اصيل بصوت مهزوز : يابنتي ياقلب قلبي يابعدي بتضلين بنتنا بيتنا مفتوح لك طول وقتك وعمرك
ايلار حضنت اصيل ببكاء: بس انتي امي ليش تقولين كذا ؟!!
اصيل حضنتها ومسكت يدها بقوه : يايمه انتي لا تتعبين نفسك تقبلي الحقيقه لو كانت بالحيل ثقيله وكبيره حاولي بتتقبلين صدقيني

( عند ريم بالمزرعه الساعه 2:11 )
—————
مسكت عينها بتعب بعد ماكنت تسمع كلامهم مسكت المخده وحضنتها بوحده بدت تنزل دموعها بغصه حست بشخص يتحرك التفت بخوف استوعبت من الموجود: سلطان !؟!
سلطان جلس بجنبها بسرير وناظرها : شفيك ؟
ريم قامت وجلست عطته ظهرها : سلطان رح واسمع كلام امك هي الصح دايم ترا
سلطان بتغير جو : انتِ كنتي كاشخه عشاني ؟
ريم بتذكر مسحت وجها بخجل : لا من قال
سلطان ابتسم : بتفهميني يعني ان الكشخه موب عشاني ؟
ريم هزت راسها بـ ايه : موب لك لنفسي
سلطان ناظرها بهدوء : ريم انتِ تحبيني ؟
ريم ناظرته بستغراب ومكابرة : لا مرح يصير بينا حب اصلا احنا مجرد متزوجين على الورق بس تذكر كلامك ولا اذكرك
سلطان وقف من السرير بحده : طيب خلاص مايحتاج قولي لا وانتهى ليش تطلعين مواضيع كثيره سكرتها وبنساها
ريم ببكاء : سلطان انت تحبها لاتنكر هالشي انا مجرد بديل بالموضوع
سلطان قرب منها : تغارين ؟
ريم راحت بهروب لبرا بقهر مسكت دلة القهوه بتصريف انها تضبط القهوه
سلطان بتافف: ليش كل مره تهربين من كل نقاش ! واجهي ليش تصدين وتعبيني معك
ريم التفت له بغضب ومسكت بطنها بوجع :لاني تعبانه انا حامل استوعب هاذا الشي مقدر استحمل غثى كثير مقدر انا تعبت مره
سلطان عقد حواجبه ومسكها : شفيك !
ريم صرخت بوجع من بطنها وناظرت للارض بصراخ : سلطان دمممم !!!
سلطان مسكها بخوف وشالها وطلع من البنت بخوف
- بعد مده وصلو المستشفى -
سلطان بخوف : بشر شفيها ؟!
الدكتور بتسال : انت زوجها ؟
سلطان بخوف : اي شفيها فيها شي ؟ تكلم
الدكتور بحزن ؛ الله يصبرك انشاءالله
سلطان بصدمه : ريم ماتتت ؟!
الدكتور : لا لا ريم بخير وصحتها مستقره بس الطفل فقدناه مع الاسف وفيه شي ثاني بعد
سلطان ناظر لدكتور بستغراب : ايش هو ؟
الدكتور بحزن ؛ انا اسف على الخبر ذا بس زوجتك احتمال 70% معد تحمل مره ثانيه
سلطان بخوف : ليش شفيها ؟
الدكتور : فيها بالرحم مشكله من قبل بس ماكانت تراجع اي دكتور قبل فا بعد الاجهاض اثر عليها بشكل كبير