دربٍ ما يعز ممشاك إقصر خطاك عنّه

الثامن عشر

-(استغفر الله العظيم واتوب اليه )-
—
( في فرنسا في الفندق عند سلطان ونجلاء)
———-
سلطان ناظر لنجلاء بتعب : امشي نومي فيك حيل يالله !
نجلاء هزت راسها بـ لا: من ينوم خلاص
سلطان فتح جواله يشوف الرسايل انصدم من شاف ريم راسله له
<< المحادثه >>
ريم : سلطان فاضي ؟
سلطان : اي ليش ؟
ريم : بقولك شي
سلطان : وش هو قولي
ريم : انا انخطبت
سلطان : الله يوفقك اذا تبينه انتي وافقي
ريم : بس تدري ليش جيتك !!
سلطان : ليش ؟
ريم : لاني ابيك انت موب هو
——< انتهت >——
سلطان قفل جواله ودخل الحمام يغسل وجهه يبي يستوعب : لا سلطان خلاص انتهى
نجلاء طقت عليه الباب : سلطان شفيك صارلك شي فيك شي !
سلطان بصوت مسموع : لا لا يلا الحين طالع
نجلاء ناظرته بستغراب يوم طلع : صاير شي
سلطان بتمثيل : الشخص اذا دخل الحمام فيه شي صاير بدنيا ! عجيبه انتي الصراحه
نجلاء تسندت على الجدار : سلطان ابي جوالك ابي اكلم امي جوالي مافيه رصيد
سلطان فتح جواله وطلع من المحادثه وعطاها :هاك خذي انا انتظرك هناك تمام ؟
نجلاء هزت راسها دخلت تكتب رقم امها جت راسله من ريم ومكتوب ( الو ليش ماترد ) تصنمت بمكاني بستغراب دخلت على المحادثه بصدمه : شسوي معهم ذولييي !!!
سلطان رفع صوته : تعالي يلا نجلاء شتبين
نجلاء جته وعطته الجوال وهمست : انا بنام خلاص
سلطان ناظر بستغراب : امانك تقولين جيعانه !
نجلاء: لا خلاص
سلطان فتح جواله بستغراب ودخل المحادثه ووضح انه شافت الرسايل شات الجوال على السرير ووقف وهمس : نجلاء قومي
نجلاء: سلطان قلت لك بنام
سلطان بحده : قومي اخلصي قدامي
-
( في فرنسا في الفندق عند نجلاء وسلطان )
————
نجلاء وقفت وتنفست بضيقه : خير ؟
سلطان ناظرها بهدوء : اكره ماعندي الي يطلب مني شي ويروح يسوي شي ثاني ! طيب كان قلتي لي ابي افتش جوالك !
نجلاء ناظرت له بغيض : لا تقلب المواضيع انا فعلاً ناويه اتصل على امي بس جتك رساله من ريم وانا شفتها
سلطان تكتف بتماسك : وش الي مزعلك الحين ؟
نجلاء ناظرت له وعقدت حواجبها : طبيعي انت تكلمها وترسل لها وتقول وش الي مزعلك ؟؟ احنا بشهر عسل استوعب
سلطان اقترب منها بهدوء : نجلاء جالسه تغلطين كثيررر
نجلاء بغضب : الحين انا الغلطانه ابي افهم انت تحبها عشان  كذا زعلت ورحت الحمام تركض عشانك غرتتت ؟ ولا فوق كل هاذا تقول مافيه شي خير
سلطان دفها على الجدار واقترب منها بعصبيه : كم مره اقولك الي جالسه تسوينه موب من صالحك انا سلطان بن سالم حمد****محد يتجرى يتهمني زي كذا
نجلاء باستفزاز: لاتنسى ان ابوك عمي وابوي عمك يعني انا نفس اسمك تبي اذكرك انا نجلاء بنت ضيدان بن حمد ال**** استوعبت
سلطان ابتسم ابتسامه جانبيه ببرود: ونعم يابنت ضيدان ونعم والله
نجلاء دفته ووخرت عنه : اي اي
سلطان ابتعد وطلع لـ البلكونه ولع دخانه بتعب تنفس بقوه وفتح جواله من شاف اتصال من اخته : الوه
<< المكالمه >>
شماء بتسال : فاضي ؟
سلطان بتعب : اي  شفيك ؟
شماء بستغراب: شصاير ليش امي طلعت من رساله منك ياخي فيه شي ؟
سلطان : مافيه شي
شماء بتاكد : شفت تاكدت ان فيه شي ولا كان سالت وشفيها امي بسرعه قول
سلطان بتعب : شماء ماني فاضي والله وتعبان
شماء: طيب اختصر على نفسك وقل
سلطان بتعب : خلاص يـ شماء انا متزوج وطلقت  بخطوبة نجلاء انتهى ارتحتي ونجلاء الحين تدري
شماء شهقت بصدمه : كنت حاسه بس سلطان مستحيل ليششش
( في ارض السعوديه بعد مرور شهر تقريبًا الساعه 2:00 ظهرًا بتوقيت السعوديه )
——————
نجلاء نزلت بتعب من السياره شالت شنطتها والتفت لجهة السايق : سلطان !
سلطان التفت لها : شفيك ؟
نجلاء نزلت راسها بتعب : خلاص خن نروح بيتنا نريح بعدين نجي هنا
سلطان التفت لها بتعب : تمام الي يريحك
نجلاء رجعت تركب السياره وقفلت الباب التفت له وهو يسوق بهدوء : سلطان خلاص قلت اسفه مليون مره لحد الان زعلان ؟
سلطان تكلم ببرود : طيب
نجلاء نزلت راسها وبدت تنزل دموعها : سلطان خلاص ليش كل هاذا الصد
سلطان التفت عليها ببرود : انا قايل لك قبل الي يضن فيني ضن سوء بكون اكثر ظلم منه وبختار نفسي وعزتها
نجلاء ناظرت لدريشه بتعب : الا متى طيب !
—— نرجع للماضي شوي ———
سلطان ابتسم : انا عازمك بمطعم تغيرين جو
نجلاء بغيض : ولاشي يخفي الي سويته
سلطان تكلم بحده : عالفكره انا مرح اعتذر ابدا لاني موب غلطان يوم ريم ترسلي عن خطوبتها وانا قايل لها الله يوفقك بالعكس ماعطيتها اي اهتمام اصحييي !!
نجلاء صدت نظرها عنه بتعب شافت بنت تطالع سلطان باعجاب ناظرتها بانتقاد وماوخرت عينها عنها عقدت حاجبها بكره
سلطان بمقاطعه نظرها : عيب استحي لاتناظرين الناس كذا ، انا بقوم الحمام
نجلاء وخرت نظرها وهزت راسها : اوكي ، الا اشوف البنت توقف وتروح الحمام بعد وقفت بغيره بس رجعت تجلس لانها تثق بـ سلطان بس تنصدم من تمر مده ويطلع سلطان وتطلع هي بعدين تحط يدها على كتفه وتروح
سلطان ناظر بستغراب : الحمدالله وشكر شتبي ذي
نجلاء ناظرت بصدمه وضيقه : وشو هاذا !!! انت كنت مع البنتتتت !!
سلطان ناظرها بعصبيه : خير ؟سلامات
نجلاء وخرت عنه وطلعت بضيقه : الله ياخذك روح عني !
سلطان مسك يدها بقوه : وش الي ببالك !!! انا رحت الحمام زي الناس وطلعت بعد زي الناس
نجلاء : بس شفتها وهي تحط يدها عليك وطلعتو بنفس الوقت
سلطان بعصبيه : يابنت الناس موب مضطر ابررر لك غلط انا ماسويته

( عند سلطان ونجلاء بالماضي )
—————
نجلاء ببكاء: وش الغلط الي ماسويته لا بتبررر
سلطان التفت عليها بعصبيه : شوفي الناس يطالعون اهجدي
نجلاء دفته بضيقه : كذاب تكذب علي ليش طيب تسويها فيني ليش شسويت منك انا !!
سلطان ابتعد عنها بعصبيه : انا عندي مبادىء ومبادئي ماتسمح لي اسوي شي زي كذا انا البنت ماعرفها واصلاً مستغرب يوم حطت يدها زي كذا ويشهد علي الله اني صادق بكل كلمه اقولها !
نجلاء اقتربت من البحر بتعب : اجل ليش ذي الحركات وش الي خلاني اظن كذا !
سلطان ضحك باستهزاء وعصبيه : لانك بكل شفافيه ماعندك ثقه فيني هاذي كل السالفه
نجلاء التفت له وهزت راسها : لا سلطان عندي ثقه فيك من قال ماعندي بس اي بنت بمكاني بتسوي كذا واكثر يمكن
سلطان التفت وعطها ظهره : لا لا ابدا ماعندك ولا ذرة ثقه لدرجة كم مره صارت هالحركه وسويتي كذا
—— نرجع للحاضر ——
سلطان التفت عليها بتعب : الا متى ؟ يابنت الناس انا موب مضطر اعيش مع شخص بكون معه عايلة وبخليه ملجأ بنسبه لي مايثق فيني
نجلاء بتعب وحزن : سلطان انا اثق فيك خلاص
سلطان ابتسم باستهزاء: اي جدا ثقه عمياء يابنت الناس الله يوفقك خلاص انا وصلت حدي انتي الي خليتيني كذا من شخص يساهم بحبك الا شخص يساهم بثقه منك بس
-
-( في بيت سالم ) -
شماء ابتسمت بحزن : يمه البيت كل ماله ينقص كلهم بيروحون
الجوهره ابتسمت : شنسوي يابنتي كلهم بيعيشون حياتهم حتى انتي بتروحين
شماء هزت : لا لا بقعد على قلبك مرح افارقك
عِنان بمقاطعه: يمه سمعتي سلطانوه رجع
الجوهره بفرح : صدق والله !
عِنان ابتسم: اي شوفي وش منزل ستوري