دربٍ ما يعز ممشاك إقصر خطاك عنّه

الخامس عشر

-(استغفرالله العضيم واتوب اليه)-
-
( في السياره عند نجلاء وسلطان )
—————
سلطان التفت لها بضيقه تنفس بقوه : متاكده من قرارك ؟
نجلاء مسحت دموعها ونطقت بقهر : متاكده كثير متاكده فوق ماتتصور
سلطان صقع الدركسون بضيقه : عادي اوديك مكان قبل لاتروحين وتتركيني !
نجلاء هزت راسها بـ رفض لاول مره : لا مابي
سلطان ابتسم بضيقه : بس هالمره ؟
نجلاء التفت عليه وبتسال وبصوت مبحوح : مثل وش يعني ؟
سلطان تعدل وبدا يسوق : بتشوفين
- بعد مده وصول -
نجلاء التفت باستغراب : وشو هاذا ؟
سلطان نزل من السياره وفتح لها الباب ومد يده وهمس : بتعرفين
نجلاء نزلت وبعدت يده ودخلت بستغراب ركبو المصعد وعم الصمت بينهم حط سلطان لدور الثالث ، مابين نجلاء الي تعاملت بثبات رغم الي صارلها الا انها مقويه نفسها لابعد حد ممكن
سلطان اقترب من باب الشقه ورن الجرس لدقايق
-
ريم اقتربت وناظرت للباب استغربت من الوقت متاخر تسالت : مين ؟
سلطان همس بصعوبه : انا سلطان
ريم فتحت الباب وابتسمت وحضنته ناظرت وراه بستغراب وبعدت : من هاذي ؟
نجلاء التفت لسلطان بغضب : منجدك ؟! موديني لها !
سلطان التفت لنجلاء ومسك يدها بقوه : عادي تدخلين امشي معي ثقي فيني هالمره
ريم دخلتهم وجلسو داخل : سلطان وشو هاذا !
سلطان ناظرها : عادي تجلسين
ريم جلست جنب سلطان وهمست : جايب زوجتك عندي منجدك ؟
نجلاء تسندت بجمود : اي وبعدين ؟
سلطان ابتعد من ريم : نجلاء انا صادق معك انا حابك ويشهد علي ربي بكل كلمه ومابي اخسرك
ريم التفت له بعصبيه : سلطان انتبه لكلامك !
سلطان التفت عليها بغضب : ريم انتي تعرفين ليش تزوجتك صح ولا موب صح ؟
ريم وقفت ومسكت نفسها عن البكاء: وشو يعني !
نجلاء ضحكت ضحكه جانبيه بقهر : اللهم الثبات ثم الثبات ثم الثبات
سلطان وقف واقترب من ريم : ريم انتي.....طالق
ريم شهقت بصدمه وابتعدت بعدم تصديق :سلطان تمزح صح !
نجلاء وقف وبصدمه :وش يعني ؟

-
( في الشقه عند سلطان ونجلاء وريم )
——————
سلطان بحده : موب هاذا الي تبينه ياريم ! كل مره تعصبين تقولين لي طلق طلق ورح عش حياتك هاذاني طلقتك ليش مستغربه وانا قايل لك قبل طلباتك اوامر ياريم وانا قد الوعد
ريم دفته ببكاء: شكثر انت اناني ومريض،انبسطي فيه يلا خلاص فرحتي شكرا كثيررر لك
نجلاء تكتفت تناظر سلطان وريم وهمست بهدوء : العفو
سلطان نزل راسه للارض وهمس : الشقه بتكون لك ومصروف يوصلك كل شهر لاتنسين انتي وصية يوسف ياريم لاتعاندين
،نجلاء شالت شنطتها وطلعت لبرا الشقه بكل هدوء
ريم جلست على الكرسي بخذلان : بس انا حبيتك
سلطان : انتي ماحبيتيني ترا انتي حسيتي بنقص حبيتي اول شخص ظهر قدامك تراه لصالحك ياريم بدال ماتكونين مجرد بديل كوني انتي الاساس عيشي حياتك
ريم همست بحزن وبكاء : سلطان لاتحننن علي لا تصير طيبببب معي مابي احبك ابي اكرهك ماقدررر ليششش مادري
سلطان همس بهدوء ووقف عشان يطلع : انا اسف مره ثانيه
ريم وقفت عشان تحضنه بس استغربت من بعدها عنه : ليش محتاجته والله
سلطان ابتسم بضيقه : ياريم مايصلح انا طلقتك خلاص انا اسف مره ثانيه ، بحفظ الرحمان إنشاء الله مع السلامه
ريم مسحت دموعها وابتسمت بغصه: بتوفيق
-
سلطان طلع من الشقه وناظر لنجلاء الي كانت تنتظره قدام السياره اقترب منها : حسبتك رحتي
نجلاء ابتسمت : واضح تحبك بالحيل
سلطان ابتسم وهز راسه بـ لا : هاذا المفروض يصير منزمان بس غلطت وانا اعتذر منك انتي بعد اني ضيعتك معي
نجلاء طبطبت عليه بخفيف : ماعليه انا مسامحتك لانك عدلت خطأك بالطريقه الصح بس بشرط تودينا الفندق لاني دايخه مره
سلطان ابتسم وشالها :يلا بتصيرين اميره حتى الشارع ماتلمسينه
نجلاء ضحكت بخوف : بطيح ياسلطان نزلني خلاص
سلطان ركبها السياره وضحك بطقطقه: يوه ثقيله مره كسرتي كتفي
نجلاء ابتسمت بضحك : مع نفسك انت الثقيل

-
( في بيت الجد حمد صباح جديد على الابطال الساعه 1:22 الظهر )
—————
اميره بخوف : للحين راسك ؟
ايلار هزت راسها : اي والله للحين مدري شفيه
اميره : اشوف اخوك او ابوك يودونك المستشفى
ايلار هزت راسها : لا يايمه اكل فيفادول ويخف
اميره ابتسمت : الي تشوفينه
-
افنان بصوت عالي : بنات تعالو ساعدوني بالغداء يلا اشوف
غمور ابتسمت: اوف رأسي فجاه صار يوجعني مقدر اساعدكم
ميثاء سحبتها بقوه : اقول بس قومي يلا بلا دلع
غمور بتمثيل الاغماء: يوه بيغمى علي
ميثاء وخرت عنها : بسرعه يلا اشوفك بالمطبخ
جمان وقف وراحت : يلا الحقك انا للمطبخ
روفان ركضت للمطبخ : مرح تشيلين السفره انا بشيلها
جمان بركض : لا روفانننن انا بشيله
افنان بضحك : صدق انكم رفلات كل هاذا عشان تشيلون السهل
جمان بضحك : لا شدعوه عمتي
-
ام ضيدان : بيجون نجلاء وسلطان اليوم ؟
الجوهره هزت راسها : اي بيجون إنشاء الله عشان طيارتهم اليوم الليل بيجون يسلمون ويروحون
ام ضيدان : زين الله يوفقهم
تاليا بصوت عالي : يلا تعالو على الغداء
اميره : يلا قومي الغداء
ايلار وقفت وراحت : ابشري
- عند الرجال -
قاسم بابتسامه: والله لو كلنا نسكن بديره بالحالنا بيكون فله
عبدالله بضحك : ياخي عليك افكار
الجد حمد: كنا عايشين كذا قبل بس سكنا بمدينه
نواف : بسالك جدي الحين احنا قبيله قبيله ؟
الجد حمد : اي اكيد قبيله وعندنا ربع كثار بعد
عبدالله : يا ان عليكم اسائله مدري وشذي