دربٍ ما يعز ممشاك إقصر خطاك عنّه

الجزء الثالث

-(استغفرالله العضيم واتوب اليه)-
-
( عند سلطان الساعه 2:16 الليل )
—————
عِنان فتح الباب ودخل جواله بجيبه وناظر بستغراب : غريبه جالس هنا ؟
سلطان ناظر له بتأفف : ليش متاخر
عِنان باستهزاء: زوجتي ؟ امي ؟ ابوي ؟ اي واحد انت منهم
سلطان ابتسم ابتسامه جانبيه ووقف : بصفتي اخوك الكبير ونفس ابوك بضبط
عِنان ناظره وراح بيدخل للبيت التفت لسلطان يوم سمع اسمه : محاضره ؟ مالي خلق ترا
سلطان مسكه من بلوزته وراح لين الغرفه ودخله وشاته على الكنب : للان مالك خلق؟!!
عِنان وقف بغضب : من انتتتت ؟! عشان تشوتني كذا وتسحبني ها؟!
سلطان بغضب : انا كنت بتكلم معك بطيب بس انت الي وصلت لنفسك لذي المرحله
عِنان ابتسم ابتسامه جانبيه باستهزاء: ووش هي السالفه الي مخليتك تسوي كل هاذا
سلطان اقترب منه وبحده : وش كنت تسوي مع دانه بغرفة شماء بشاليه ؟!
عِنان ناظره بصدمه : وانت وش عرفك ؟
سلطان بحدههه اكثر : تستعبط انتتت هاذا الي همك وش كنت تسوي ؟!
عِنان باستفزاز : ومن انت عشان اقولك ؟
سلطان ابتسم وابتعد : زين اجل الكلام بيوصل لجدي وابوي
عِنان ناظره بخوف : احبها
سلطان التفت له : مسالتك عن مشاعرك اتجاهها اسالككك وش كنت تسوي ؟!
عِنان بغضب : يعني وش كنا نسوي مثلًا ماسويت شي شفتها بغرفة اختي وخذتها فرصه اني اكلمها
سلطان ناظره واقترب منه : وش يضمني ان كلامك صح ؟
عِنان بغضب: عمرك ماصدقت انا تكلمت وقلت الي عندي

-
( في بيت ضيدان الساعه 3:44)
—————
غمور ابتسمت: ياخي شعور حلو انك تكون فارغ
نجلاء ابتسمت باستهزاء: موب طبيعيه
جمان مسكت المنديل ومسحت دموعها بانهيار جلست جنب نجلاء ؛ اليوم العزاء ترحمو عليها
نجلاء بخوف ناظرت لجنان : من مات ؟!!
جمان ببكاء: قطوتييييي
غمور براحه : حيوانه خوفتينا حسبت بني ادم مات اخر شي قطوه ياشيخه روحي نامي
نجلاء بضحك : ولا بعد عزا
غمور ابتسمت: لا وشوفي بعد لابسه اسود باسود عشان العزا عرفتي
فهد بتدخل : ماما ابي بابا سلطان
نجلاء التفت بصدمه : وش من بابا ؟! عيد
فهد بضحكه : سلطان
غمور ناظرت لنجلاء بصدمه : سلطان ؟ من
نجلاء بضحكه صدمه : والله مدري علمي علمك
فهد : بابا سلطان وداني بقاله ابيه يوديني مره ثانيه انا احبه
غمور تعدلت بالجلسة بصدمه وضحك : بعد بقاله لا عشرة سنين مع بابا سلطان اجل
نجلاء بتذكر : اها قصدك سلطان ولد عمي سالم ؟
فهد ابتسم: اي اي
غمور بصدمه : ولا بعد الام عرفته بعد !!!
نجلاء ابتسمت : وشفيك عشرة سنين وعمر بعد
جمان مسحت دموعها : سلطان يحبك ؟
نجلاء : لا لا شدخل ماتوقع يوم يضيع تذكرون صار هو الي موديه البقاله
غمور باعجاب وتأمل: عالفكره مناسبين لبعض
نجلاء باحراج: شقاعده تقولين انتي
( في بيت سالم صباحًا الساعه 9:03)
———
الجوهره شالت الفطور من المطبخ وحطته فوق الطاوله ناظرت لساعه بستغراب : وين اخوانك ماعندهم دوام
شماء وخرت جوالها من وجهه : والله مدري عنهم
الجوهره ناظرتها بانتقاد : وانتي ليش موب مداومه ؟
شماء جلست بتصريف : اول اسبوع يمه من يداوم
سلطان بـ مقاطعه : صباح الخير
الجوهره التفت مبتسمه : صباح النور ياهلا الا غريبه متاخر ؟
سلطان اخذ شاهي وابتسم : ماعليك علاقتي مع المدير جيده فا مرح يصير شي بقوله اي شي ويمشيها
ميثاق دخل بقهررر : يمه وشفيه النتتت
الجوهره بصدمه : حتى انت ماداومت
ميثاق حك راسه بورطه : يمه سهران على السواني مافيه وقت اداوم
الجوهره بعصبيه : اي والله البلاء بسوني
عِنان طلع من البيت بدون مايعطي احد وجه ولا يرد عليهم
الجوهره بستغراب : شفيه ماسلم حتى
شماء ناظرت لسلطان بستغراب
سلطان ابتسم لها : مافيه شي
—-عند عِنان بالجامعه —
فيصل بتسأل: شفيك طول اليوم موب على بعضك فيك شي تراني بالخدمه
عِنان ناظره بتسليك : تسلم يالعشير مافيه شي
ثامر ضحك : شكله طايح وماسمينا عليه
فيصل ابتسم : شكله والله
عِنان ناظرهم وضحك بتمثيل : وش حبه وش خرابيطه
( عند الجامعه عند عِنان )
———
فيصل ناظره بتسال : ياخي مانت طبيعي الحين انا وياك بالحالنا قل شفيك
عِنان فتح باب السياره وركب جنبه فيصل ولف وناظره : مادري الصدق وش اقولك
فيصل : ماعليه قل كل الي بقلبك وانشاء الله بقدر اسوي لك كل شي
عِنان بتضايق : موب مسالة اقولك وخلاص لا السالفه اكبر من كذا ولا ادري من الخطا منه
فيصل ابتسم وغمز له : خلاص يالعشير وصلت السالفه وضحت كلها حب صح ؟
عِنان ضحك عليه : انا اخوي واختي ضدي
فيصل ناظره بستغراب : وليش مايبونك تحب ؟
عِنان :موب مسالة حب لا مسالة انهم شاكين اني مسوي بالبنت شي لانهم شافوني وانا معها
فيصل ناظره وراح تفكيره بعيد : لاتقولها !!!
عِنان بنكد : يارجال لا موب الي ببالك انا كنت رايح غرفة اختي اخذ الشاحن وشفتها وخذتها فرصه وتكلمت معها واختي سمعتنا وراحت تعلم سلطان وسلطان جاني يحسبني مسوي بالبنت شي
فيصل حط يده على كتف عِنان: ماعليه اذا انت ماتلعب وصادق دق الباب واثبت لهم
عِنان ضحك : يارجال توني ماخلصت جامعه حتى
——-( عند سلطان وشماء )——-
شماء بتوتر : قل خوفتني
سلطان ابتسم : خاف تفهميني غلط
شماء ضحكت : بديت تخوفني اكثر قل اخلص ؟
سلطان بتوتر : نجلاء
شماء عقدت حاجبها بستغراب : شفيها ؟
سلطان ناظر لها : كم عمرها الحين ؟
شماء: مافهمت شتبي فيها ؟