دربٍ ما يعز ممشاك إقصر خطاك عنّه

السادس

( في بيت الجد حمد الساعه ٢ عصراً )
——————
ايلار مسكت المكنسه بتعب ناظرت لكمية التراب الموجوده : كل هاذا حرام عليك ياجده
الجده بتمثيل الغضب : يلا نظفي واتركي عنك الدلع حفيداتي لازم كلهم يصيرون اجاويد
تركتها الجده ،وراحت ايلار بهروب لخلف البيت جلست فوق حافت الدرج بتعب : يارب ماتجي ورا وبعدين ليش احنا خادمات نسوي كذا !
،عبدالاله الي كان طالع من المطبخ الخلفي عشان يدخن عشان نادر احد يجي طلع والتفت وشاف ايلار وهي جالسه ومعها المكنسه ضحك عليها وولع الدخان وتنسد على الجدار جلس يناظرها ويستلطف حركاتها ابتسم وهمس :منزمان عنها والله
ايلار الي حست فيه ريحه دخان التفت وراحت تدور بستغراب لمحت ظل شخص يراقبها صرخت بخوف بس للحظه قدر انه يسكتها
عبدالاله وخر يده باحراج وصد وجهه: اسف بس خفت تعلمين احد
ايلار بصدمه : تدخن ؟ !
عبدالاله ابتسم ابتسامه جانبيه : لا لا مادخن بخور كان الي يطلع
ايلار ضحكت : ماني بزر ترا اعرف اميز
عبدالاله بغضب : ليش شعرفك انتي ؟!
ايلار مسكت ضحكتها بتمثيل : اي اي ادخن انا
عبدالاله: خير  صادقه انتي ؟!
ايلار ضحكت وراحت وخلته بحيرته : الحمدالله والشكر بس( لتوضيح هي كانت حاطه جلال فوقها )
-
عبدالاله ابتسم من ضحكتها وناظر لسماء ورجع يصحى على نفسه : هي سلامات شسوي انا
الجده ابتسمت يوم شافته : هلا ياولدي تعال ابيك منزمان عنك
عبدالاله ابتسم بتصريف : اي ياجده ابوي يبيني
الجده سحبته وودته للمجلس الخارجي : يلا هاذا عليك نظفه
عبدالاله ابتسم بورطه : ياجده الخدم كلهم عندك ولو موب مكفين اجيب لك ليش احنا ننظف بدالهم ياجده
الجده : لا لا انا احب تنظيفكم انتم بس

( في بيت سالم الساعه 7:20 ليلاً )
—————
سلطان مسك الابتوب حقه يكمل شغل استغرب من جاه اتصال من خويه فارس عطاه مشغول بسبب شغله المتراكم عليه رجع واتصل عليه فارس رد وهو منزعج : هلا شفيك ؟
فارس بغضب : ادق عليك ليش ماترد
سلطان : مشغول ؟ شفيك
فارس الان تجي بالموقع الي برسله لك
سلطان : ماني فاضي مشغول شفيكم !؟
فارس بغضب : الحين اقولك ياسلطان.
سلطان قفل الخط وخذ مفتاحها بتعب قفل الابتوب حقه ولبس ثوبه وطلع باستعجال وغضب
الجوهره بستغراب : تعال اشرب قهوه
سلطان باستعجال: مستعجل مقدر بعدين
الجوهره : شفيه ذا بعد
شماء بضحك : ذولي عيالك عاد شنسوي
-
سلطان وقف عند شقه شبه مشبوهه نزل بستغراب وقف عند سياره فارس طق الدريشه
فارس فتح الباب ونزل : شف الورطه الي احنا فيها الحين
سلطان مسك راسه بتعب : شفيه بعد
فارس بغضب: البزر يوسف جايب بنت فوق بشقه وطلع السالفه انه ماخذها غصب
سلطان تكتف وتسند على السياره بزهق : ببلغ عليه
فارس بغضب : لا تستعبط انت تعرف ليش ساكتين على مصايبه
سلطان بضحكه زهق : وحنا لمتى نسكت ونمسك مصايبه ونحملها فوق روسنا عشان مايروح فيها ها ؟
فارس : تدري وش المشكله طلع مقفل عليها اسبوع والبنت حامل تدري
سلطان : وش المطلوب مني ؟
فارس بجديه : تزوجها
سلطان بغضب : منجدك انت تعرف اني توني خاطب ؟
فارس بغضب: وانا متزوج وعندي بنات وذا خويك خوي الطفوله لاتنسى
يوسف طلع لهم وهو يبكي زي الطفل ارتمى بحضن سلطان بترجي: انا بموت تكفى مابي اموت وانا مسجون تفكى ساعدني