ضحيه ال ايان

بارت 5

هلاو جميلاتي شلونجن 🦋♥️
بارت اليوممم يجننن حرفيا ولجن 😂🩶
{ بقلمي : ضحى ال سعد }
~~~~~~~~~~~

" صدفه شفناك ونسينه شلون چنه "

مارسلين :- نزلت للمطبخ وشغلت الضوه والكهرباء طفت يهو على حظي تنطفئ الكهرباء عجيبه ظلمه وما اشوف شي ردت الزم الحيط ورجلي ضربت بالباب

مارسلين :- يبو رجلي راحت اخ انكسرت

ايان :- جاي انزل من الدرج وشفت شخص بالمطبخ بس كأنو لازم شي بأيده بس ما اشوف وجهه لان ما وجهت الفلاش علي حتى ليركض واني كل ضني حرامي كبل سديت فلاش الموبايل وصرت انزل على كيفي حتى ميحس ويركض امشي على كيفي ولازم الحيط ولأن اعرفه يم الباب رحتله من وره خليت ايدي على حلكه وانداريت خليت ايدي على خصره الزمه حيل حتى ميركض و وكعته بالكاع وصرت فوكاه ولزمته حيل من حلكه علمود ليطلع صوت واهلي يكعدون

مارسلين :- لزمت رجلي لان من صدك حسيت انكسرت وفجاءه اتخلت ايد على حلكي وانسحبت من خصري اريد اعيط ماكو مخلي ايده حيل قوي و وكعني وصار فوكي كل ضني ح انخطف وفجأه اجت الكهرباء صارت عيني بعينه عمو إيان هذا

ايان :- اجت الكهرباء وشفت هاي الفصيله صفنت شويه استوعب شصار كبل ابتعدت وكمت

ايان :- انتي شدورين أهنا بهل ليل شعندج

مارسلين :- كمت وكفت على حيلي اسفه والله مجان اكو مي فوك نزلت اشرب مي والكهرباء انطفت

ايان :- اخذت الصراحيه ومليتها هاج هذا زقنبوت يلا ولي لا تشوفيني خلقتج

مارسلين :- هزيت راسي ومشيت ورجلي توجعني صعدت فوك تمددت بفراشي بقيت صافنه على سقف اتذكرت الموقف ردت الكاع تنشك وتبلعني على هل فشله بس اول مره هيج اشوف عيونه عن قريب حلوات ونظرتهن حلوه يهو طاح حضج مارسلين شهل تفكير انخمدي ولج ونمت

ايان :- راحت كون روحت بلا رده خربت مودي ومزاجي هسه شورطني ونزلت استغفرت ربي ورحت صعدت فوك لغرفتي راسلت سما ما جاوبتني عرفتها نايمه شفت الساعه 1 ونص صرت اكلب بالتيك توك لحد ما نعست ورجعت نمت

مارسلين :- حلم لو حقيقه شفت ابويه وفتحلي حضنه بالبدايه جنت متردده اروح لحضنه بس بعدين رحت حضنتنه وفزيت صرت مثل المهبليه أتلفت منا ومناك ما لكيت ابويه ولج اصحي مارسلين الميت ميرجع شفت الساعه 7 الصبح ولارين نايمه تعوذت من الشيطان وكنت غسلت وطلعت بره اشتم هوى طبعا عدهم حديقه وبيها مجروحه جبيره و وحده بس لنفر واحد  رحت كعدت على مجروحه ام نفر واحد وذبيت الشال كعدت وصرت ادفع بالمرجوحه حيل عسا وعلى أنه نار كلبي يطفى بهل شي وغمضت عيني لا إراديا لكيت روحي ابجي بقيت ادفع بالمرجوحه شي نص ساعه

ايان :- كعدت الصبح بأزعاج على دكة المنبه شفت الساعه 7 كمت غسلت ولبست بدلتي العسكريه ومتعود كل يوم الصبح افتح البردات بغرفتي علمود الشمس تصير بغرفتي احس حتى إذا اكو ريحه تروح ويه ضوه الشمس ويعقم الغرفه