ضحيه ال ايان

بارت 9

هلاو حبيباتي شلونجن 🦋♥️
نبدي بالبارت ونكول بسم الله الرحمن الرحيم
{ بقلمي :- ضحى ال سعد }
~~~~~~~~~~~~~~~~~~~~~~~
"معلم على الصدعات گلبي "
~

~~~~~~~~~~~~~~~~~~~~~~

مارسلين:- كعدت الصبح بنشاط شفت الساعه 7 ونص كمت بساع غسلت ونزلت اسويلهم ريوك وكل هل فتره اني وايان حجي ماكو بيناتنا بس مدري ليش كل تفكيري بي اجذب نفسي واكول ما احبه بس كلبي يكول غير شي من اشوفه دكات كلبي تصير براسي فرحانه ح سويلهم ريوك واشوفه من يطلع حتلو منحجي بس اهم شي اشوفه كالعاده نزل راح لدوامه بدون ميسلم استغربت ليش صح ما اجاوبه ولا أحاجي بس كل هل فتره جان يسلم على أقل باوعت علي من وره وابتسمت رجعت كملت الريوك وكعدو الأهل

ابو ايان :- صباح الخير بنتي

مارسلين :- بأبتسامه صباح النور عمو اتفضل اكعد الريوك جاهز

ابو ايان :- عاشت ايدج

مارسلين :- انت العايش وعمتي همين اجت صبحت وكعدت واني صعدت اكعد لارين

مارسلين :- صباحو ياحلو اصحى اصحى عيني

لارين :- ولج شبيج عوفيني اناااام

مارسلين :- نو نو نو كومي حبيبي كومي لا تفرحين هواي انتي هسه بعطله بس باجر عكبه دوامج يبدي لازم من هسه تتعودين تكعدين الصبح يلا يحياتي

لارين :- دكافي كمت شمالج

مارسلين :- مابيه شي يحلوه يلا حبيبي منتظريج جوه بيباي ونزلت خليت كلشي على ميز وجهزته ولارين نزلت

لارين :- صباح الخير ياقووم

الكل صباح النور

مارسلين :- كعدنه تريكنه وكملنه وكمنه نغسل مواعين اني ولارين وهيج يخلص روتينا اليومي

ايان :- كعدت الصبح غسلت وبدلت نزلت اروح للدوام لكيت مارسلين كالعاده تسوي ريوك واصلا منحجي حتى ما سلمت عليها وطلعت دايخ مسطور ما اعرف شسوي رحت للدوام

حسام :- صباح الخير عينيي

ايان :- صباح النور ضلعي

حسام :- حيو والله اليوم اجوائك حلوه

ايان :- والله مسطور سطر ودايخ ما ادري شسوي

حسام :- ليش خيرك صاير شي

ايان :- يعني تدري اني خاطب وصارلي تقريبا 8 اشهر من خاطب وبعد اخويه اتوفى وتأجل العرس وكلشي فـ هسه صار 6 اشهر على وفاة مهيمن وأكثر اريد اعرس بس عرس بدون حفله يعني ما نسوي حفله وهل امور احس هل شي احسن الي والمارسلين لان كلت لسما اتزوجج وره فتره اطلك مارسلين وارجعها لأهلها