ضحيه ال ايان

بارت 22

هلاو ياروحي انتُ شخباركم؟
ترا اشتاقيت انا 🥹💕
شدو الهمه ما بقى شي يوصل البارت 4k فدوه ونبي فد فرحانه احس مشويه انجاز عظيم طبعا بفضل الله وبفضلكم انتو big love كبيرررررر الكم احبكم نفر نفر 🥹🤍
نبدي بالبارت ونكول بسم الله الرحمن الرحيم
{ بقلمي :- ضحى ال سعد }
~~~~~~~~~~~~~~~~~~~~~~~
" سوده عيونه والله وكلش وساع
وأحبه هواي ابو عيون الوسيعه
ماصدك تره من طين مخلوق
جمالك هذا فائق للطبيعة "
~~~~~~~~~~~~~~~~~~~~~~~

ايان:- شعندج بهل ليل أهنا

مارسلين :- خنكه البيت وضجت وحدي

ايان :- حتى تعرفين قيمتي بهل بيت

مارسلين :- مو قصه قيمتك بس السالفه ومابيها بوجودك هم زين اكو روح بهل بيت

ايان :- يي ييي صدكتج

مارسلين :- خوش بكيفك عاد

ايان :- يلا كومي جوه الدنيا بارده

مارسلين :- كمت بدون ما احجي وخلصت الايام هيج وعدت فتره احنا أهنا لا هو جاب أهله ولا أخذني الهم وكلما اكول ليش يكلي خلي الأوضاع تهدء وباقيه كل الاوقات وحدي تقريبا يطلع للدوام للعصر وايام لليل يلا يرجع وبيوم نفس العاده جنت وحدي وصار صوت بالطارمه كل ضني ايان رجع للبيت ما اهتميت وما طلعت اشوف شكو رحت للغرفه اطلع ملابس ردت اسبح وانفتح الباب

مارسلين :- انتَ منو شتريد مني

- عاجبتني واجيت استمتع وياج

مارسلين :- اطلع بره تبسمرت بمكاني شسوي ما اعرف بس كلما يتقرب خطوه ارجع خطوتين وره نظراته المقرفه جاي تنتقل لكل انحاء جسمي خله الشاش ع حلكي بس قاومت بالبدايه

- يلا يحلوه أخذي نفس ما تريدين ترتاحين اريحج من وحدتج أخذي نفس لا تخليني اتعامل وياج غير معامله

مارسلين :- خنكني بايده من ركبتي وتنفست شويه شويه ايدي بدت تنرخي عن ايده ينسد عيوني و كوه ارجع افتحهن بس بعدها ما حسيت بشي ابد

ايان :- رجعت للبيت تعبان بس كل تعبي يروح بشوفة عيونها هل فتره بعدها ما متقبله حبي الها حتى ما متقبله تضل وياي بنفس البيت كل الطريق افكر شسوي حتى تتقبلني شلون انسيها الماضي بس ابد مجاي تتناسى وصلت للبيت بس الباب مجان مقفول مفتوح رغم اني اقفل الباب دخلت للبيت اركض ادور على مارسلين ماكو اتخبلت من ما لكيتها كل الي اجه أبالي بلحظتها اخابر غير اهلي كبل خابرت امي

ايان :- يمه مارسلين يمكم ؟

ام ايان :- يمه وليدي مارسلين شجابها يمنه ليش هيه يمك؟؟؟