هلاووو مگاميع گلبي ولجن شلونجن جميلاتي؟؟؟؟؟
نبدي بالبارت ونكول بسم الله الرحمن الرحيم
{ بقلمي :- ضحى ال سعد }
~~~~~~~~~~~~~~~~~~~~~~~~
" عندي كسرة حاجبك هيه الهلال انتَ من تضحك يبين عيدي "
~~~~~~~~~~~~~~~~~~~~~~~~
مارسلين :- بروده ع راسي بس احس جسمي بركان محتره هواي رغم الدنيا جاي تبرد لان الشتى على الابواب اون بوجع احس كل جسمي متكسر جسمي مثل الخدران لا اكدر أشيل ايد ولا رجل
لزمت راسي الي من الصداع راح ينفجر ويستشهد انيت بوجع
ايان :- ششش وليدي تأخذين روحي من تونين جاي اسويلج كمادات جسمج نار
مارسلين :- عيوني رافضات ينفتحن حركت ايدي الترجف وحجيت بصوت ناعس كوه ينسمع
مارسلين :- انطيني ايدك
ايان :- قربت ايدي لايدها لزمت اصبعي الصغير طبكت اصابيعها الاربعه ولزمت صبعي الصغير
مارسلين :- ما ادري ليش سويت هيج بس حسيت راح اكون بأمان لو لزمت ايده بمجرد ما لزمته وتاكدت ما راح يعوفني رحت بعالم النوم .......
ايان :- بقيت اسويلها كمادات وهيه نامت صفنت اعاينلها ... شلون ارجعج القديمه ضحكتج روحج نفستج كلامج شيرجعهن الج ؟
عاينت لايدها وابتسمت ع فرق الحجم بين أيدي وايدها اصبعي الصغير مكفي اربع اصابع منها صغار اصابعها وايدها طبعت بوسه خفيفه ع أيدها خاف تفز لو تنزعج وهيه نايمه شفت حرارتها خفت احسن من قبل ما تحركت من مكاني خليت المي والمنشفه ع الميز وتمددت اخذتها بحضني
رغم فرحتي انو لكيتها بس فرحتي مكسوره بكسرتها رغم قربها إلي بس احس روحي تلوب عليها وبعدني مشتاك الها
اريد اضمها بروحي لا بروحي شني ! بين ضلوعي اريد يصير مكانها ضميتها حيل ونمت ....
مارسلين :- مكان دافىء بعد فتره يلا نمت بهل اريحيه صباح مشرق صوت العصافير وزقزقتهن بأذني فتحت عيوني واني شابعه نوم بس اكو ثكل ع صدري شفته ايان نايم بحضني ما نطقت بشي حاولت اتحرك وابتعد بس ما كدرت لازمني بأحكام بحيث بأثنين أيديه لازم خصري وكأنو ح اركض منه صفنت ع سگف ودموعي نزلت الدموع صارت نص حياتي احس صارت صديقي وشريك روحي وأيامي
صرت ضعيفه لدرجه ابجي ع حبوب !! غصه صارت ابلعومي من وجعها ردت املخ نفسي اريد حبوب اموت بدونهن دغيت بجتف ايان بشكل متكرر لحد ما فتح عيونه بثكل رفع رأسه باوعلي ونرسمت ابتسامه حلوه ع ثغره ونطق بصوته النعسان
ايان :- يهنياله الفتح عيونه ويلاكي عينه بعينج صباح الخير يا احلى صباح بحياتي
أنت تقرأ
ضحيه ال ايان
General Fictionلايُوِجِد وِصَفَِ يُصَفَِ الذي حِدثِ لـَ هولاء الاشَِخِاصَ . دعوِنِى نِبُحِر فَِي روِايُتهم .
