ضحيه ال ايان

بارت 11

هلاو حبيباتي شلونجن 🦋♥️
نكول بسم الله ونبدي بالبارت
{ بقلمي :- ضحى ال سعد }
~~~~~~~~~~~~~~~~~~~~~~~
" تبارينه الذمم والحُب طويناه !.
~

~~~~~~~~~~~~~~~~~~~~~~

مارسلين :- فزيت الصبح شفت الساعه 9 يبووو الريوك بساع كمت غسلت وردت اطلع تذكرت ايان بالبيت رجعت لملمت الغرفه وكعدت صارت الساعه 10 وبعدها لارين ما جايه وره شويه انفتح الباب وشفته عمو

ابو ايان :- صباح الخير بنتي

مارسلين :- صباح النور عمو اتفضل

ابو ايان :- شخبارج بويه

مارسلين :- الحمدالله وانت

ابو ايان :- بخير اني ...... ليش متنزلين جوه

مارسلين :- سكتت نزلت راسي بدون ما احجي شي

ابو ايان :- متريدين تشوفين ايان لو متريدين تشوفين سما ؟

مارسلين :- الاثنين

ابو ايان :- ليش

مارسلين :- لا رد

ابو ايان :- باوعي اذا علمود ايان وسما لان متزوجين ما نكدر نعارض هل شي لان جان خاطبها قبل لا يتوفى مهيمن

مارسلين :- لا معليه بيهم اصلا الله يوفقهم

ابو ايان :- چا عليمن يا بنتي ما تنزلين والله جاي احس البيت خالي بدونج تعودنا عليج مو تعودينا عليج وانتي تنسحبين ميصير يا عيني زين لخاطري اني وعمتج نزلي

مارسلين :- صار تدلل عمو

ابو ايان :- عفيه هيج اريدج يلا تعاي ننزل سوه

مارسلين :- تمام مشى كدامي ونزلت شفت ايان والكل كاعدين كلهم نظراتهم اتوجهت الي

ام ايان :- يمه هلا بنيتي هلا حبيبه ميصير هيج عازله نفسج بس بوحدج يمه احنه هم اشتاگينه لملگاج

مارسلين :- ابتسمت ما عرفت شرد خجلتني بكلامها

لارين :- بعد بعد انسوني فد مره اني ولكم اني بنتكمممم

ابو ايان :- بنتي حبيبتي ماكو فرق بينج وبين مارسلين انتي بنتي الصغيره وهاي الجبيره

لارين :- لا بويه لا نخرب هيج شني تحبها اكثر مني

ابو ايان :- وج بويه انتي منو يجي بمعزتج

لارين :- هو هذا الكلام الحلو لك فديتك بويه

مارسلين :- بقيت مبتسمه على غيرة لارين حقها واتذكرت موقف بيني وبين بابا