ضحيه ال ايان

بارت 15

هلاو كندولاتي شخبارچن يحلوات ؟ 🫀
ما اتأخرت هواي هل مره ثلاث ايام هنه 🥲

ونبدي بالبارت ونكول بسم الله الرحمن الرحيم
{ بقلمي :- ضحى ال سعد }
~~~~~~~~~~~~~~~~~~~~~~~
" اريد انشد العشاگ وأهل الدواوين ،

العشگ هم بي عيب بعد الثلاثين . " 
~~~~~~~~~~~~~~~~~~~~~~~

لارين :- البيت كلش صار فارغ من بعد مارسلين تحس البيت طعمها راح وايان من يوم الي راحت بيها مارسلين متغير هواي ما يتحاجى مبتعد كل البعد عنه وسما الحيه مخلصتها مشاكل ويه ايان تريد تطلع بيت وحدها وايان ما راضي ميريد يبتعد عنا اني ومارسلين بالاسبوع مره وحتى توصل بالاسبوعين مره يلا نحجي على كد مجالها وبيوم خلصت كل شغلي صار الظهر كلت اصعد فوك ارتاح بغرفتي وايان جان بالدوام وسما فوك كلشي ما تسوي بس تاكل وتصعد و بوكت الاكل تنزل تاكل اذا عجبها الاكل واذا ما عجبها كبل تصعد هيج مخلصتها صعدت فوك بعدني بأخر بايه سمعت صوت سما وهيه تتوسل بشخص ليش ومنو هل شخص اجاني فضول تقربت من الباب وجان مفتوح شويه اسمعها زين يعني

سما :- ايمن الله يخليك لا تسوي هيج

ايمن :- لعد دزيلي فلوس اذا تريدين هل شي يضل بيناتنا

سما :- صدك تحجي ايمن من وين اجيبلك فلوس وبعدين انت ابن خالتي

ايمن :- ما عليه من وين رجلج نايم على فلوس بوكي منه ولا تنسين اياج و اياج يا سما تنسين جان اتفاق بيني وبين علمود نسوي هيج بمارسلين

لارين :- شهكت بأخر كلام سمعته وكتمت انفاسي همين شنو اتفاق ؟!!! يعني الي صار جان اتفاق يعني مو مارسلين الي متحارشه بي حسيت عقلي وكف وصار عندي ايرور ليش هيج تسوي شنو تستفاد دخلت للغرفه واني بصدمتي شسوي احجي لامي لو لايان شكول اصلا شسوي حرت كلش هواي هديت روحي شوي وطبيت سبحت وطلعت وبعدني افكر شلون كدرت تسوي هيج مارسلين هواي تعذبت من وره اتفاقها ليش هل كره الها شو حتى أذيه ما مأذيتها مارسلين نفضت الأفكار من راسي كوه حاولت انام شويه واشوف شيصير بعدين

ايان :- احس حياتي صارت بدون معنى بدون روح بدون طعم هيج شخص عايش على باب الله شلون مجان بعد مارسلين هواي اثر بحياتي الشخصيه والنفسيه مبتعد عن كلشي احس صرت ولهان بيها رغم بعدها بس صورتها ما رايحه من راسي ابد باقي ويه سما هيج بس علمود الأهل لا اقل ولا اكثر ما حابها ابد رغم جانت اعز من روحي عليه بس فجاءه كل حياتي وموازيني تغيرت جنت صافن وافكر بمارسلين فززني صوت حسام

حسام :- ولك الوووووو وين صافن يا مطي

ايان :- خاب شبيك حسام

حسام :- انت الي شبيك والله بعد مجاي افتهم عليك أو بالأحرى مجاي افهم شخصيتك ؟