هلاوو جميلاتي شلونجن اشتاقيتلكم اشتاقيتولي ؟ 🦋♥️
طبعا اسفه على انقطاع صارلي ثلاث ايام ما ناشره بارت بس نفسيتي جانت تعبانه ورغم مريضه كلت اليوم لازم انشر ♥️
{ بقلمي: ضحى ال سعد }
~~~~~~~~~~~~~~~~~~~~~~~
" فقدت السيطره وبالكوه جاي اصبر
واول مره احس بنفسي ضگت المر
صفنت لنفسي هذا التعب يخلص وين ؟
شوكت اتعب واحس هذا التعب مميز !
الوجع هدني هد
الجسم من كل مكان يصيح
خلصت طاقتي وتعبان وما أنكر
يوميه بحياتي أنصدم بالاحداث
انهدم حيي وبعد مابيه حيل أحرز !
مچنت ادري الظروف تغير الانسان
مصدوم شكثر اني متغير ! "
~~~~~~~~~~~~~~~~~~~~~~~
ايان :- شربت جاي وترخصت من امي لان تعبان وصعدت فوك اريد انام سمعت صوت مي يجي من غرفة لارين كل ظني مارسلين جاي تسبح طبيت شفت مارسلين نايمه ولارين الي جاي تسبح انتجيت على الباب اباوع عليها ملامحها سبحان الخالق وشكلها طفولي ما اعرف شنو الدفعني اروح يمها
ايان :- رحت كعدت بالكاع بطرف الجربايه اباوع على ملامحها حسيت شي كال بيه شم شعرها ما اعرف ليش وشنو السبب لزمت خصله من شعرها لكيت بيها رطوبه قربته من خشمي اوف ريحتها حلوه لحظات هيه
وصحيت على نفسي ... انت شدتسوي ايان شهل حركات انت مو مراهق استعوذت من الشيطان وكمت طلعت رحت لغرفتي تمددت بفراشي وتفكيري كله شنو هل احساس شنو هل شعور من اتقربت الها ميصير احبها اني خاطب وما لازم انسى هيه بالنهايه مجرد فصيله ضليت اتكلب بالفراش من التفكير وين يلا كدرت انام
لارين :- طلعت من الحمام لكيت مارسلين نايمه خطيه اليوم هواي تعبت نشفت شعري ونزلت يم امي
لارين :- مساء الخير يا أماه
إم ايان :- هلا بنيتي مساء النور چا يمه وينها مارسلين
لارين :- طبت سبحت وطلعت لكيتها نايمه خطيه اليوم تعبت هواي
ام ايان :- يي والله عوفيها يمه ترتاح وره العشى كعديها عوفيها تنام شويه
لارين :- حاضر ماما صار المغرب تقريبا ماما سوت فنكر وبيذنجان وكله واني حضرت السفره وسويت سلاطه وخليت فوك ميز الاكل واذن صليت
ام ايان :- يمه روحي كعدي ايان خلي يصلي وينزل يتعشى
لارين :- صار يمه صعدت فوك وكعدت ايان طبيت لغرفتي توضيت وصليت ونزلت كلنه كعدنه على السفره ومنتظرين ايان يجي وره شويه اجه
أنت تقرأ
ضحيه ال ايان
General Fictionلايُوِجِد وِصَفَِ يُصَفَِ الذي حِدثِ لـَ هولاء الاشَِخِاصَ . دعوِنِى نِبُحِر فَِي روِايُتهم .
