هلاو كندولاتي شخبارجن يروحي انتو ؟
اشتاقيتولي ، ترا اشتاقيت انا 🥹🫂
لافيو هواي الكم وصل القصه 3k مشاهده جدد شكرا وايدد 😔🤏♥️
نبدي بالبارت ونكول بسم الله الرحمن الرحيم
{ بقلمي:- چَــمرايــه ✨ }
~~~~~~~~~~~~~~~~~~~~~~~
" انا بعمر الورد بس ورده ذبلانه انا بـ روحي غصن ذبلان وتكلي الناس حليانه " .
~~~~~~~~~~~~~~~~~~~~~~~
مارسلين :- اول ما طلع ايان من يمي كبل رحت تمددت ردت انام لان ما اريد اتناقش وياه ابد ولا احجي ويا احس صاير بيه تناقض شي اريد احجي ويا شي ما اريد ما فاهمه روحي بالضبط شريد بديت احس بهل شي ع جديد حسيت علي من رجع للغرفه بس طبگ الباب وراح همين تمددت ع ظهري صافنه بالسگف اتذكر حياتي السابقه قبل لا يتوفى ابويه اتذكر ضحكاتنه وكلامنه سويه اتذكر كلشي يخصه اختنكت هواي والغصه صارت ابلعومي مثل الموس اذا ابلعها انجرح هواي واذا اطلعها نفس الحاله انجرح استسلمت للضعف وبجيت بدون صوت البجي بسكوت بحد ذاته يتعب الإنسان أكثر ردت اروح يم ايان ردت احجي افضفض ؟ من قلة حيلتي ومن تعبي ردت التجىء اله بس بلحظه صحيت ع نفسي مارسلين يم منو تروحين ! يم شخص حاله حال اهلج من عذبوج من شخص سلب روحج منج وأنتِ مفرفحه جوه ايده بدون ما يرفله جفن ؟ بعديش تغير وصار زين وياج بعديش بعد ما رجعج لاهلج وعيشج بالجحيم بعد ما تعود جسمي على ضرب وبيوم الما انضرب بي جسمي يحتاج للضرب ! وليش هو مهتم اصلا بيج ؟ لو جان مهتم صدك مجان رجعج لاهلج بس رجعج علمود سما مرته وحبيبته سما مو لغير شي زدت بالبجي بجيت هواي هواي لساعات احس عيوني خلصن بعد ميشوفن من الوجع كوه فاتحتهن وأشوف غواش بهل أثناء دخل ايان للغرفه
ايان :- شبيج مارسلين جنتي تبجين ليش ياروحي منو وياج ؟
مارسلين :- لا ما ابجي بس مدري شنو دخل بعيوني
ايان :- مبينه مارسلين ليش تضمين عليه ؟ مبينه باعي عيونج شكد منتفخه ومحمره احجيلي شنو مضوجج مختنكه ؟ احجي اسمعج اني
مارسلين :- مابيه شي ايان ليش متصدك!
ايان :- بس الجاي اشوفه عكس كلامج ؟
مارسلين :- ماكو شي والله بس تذكرت سالفه وتأثرت بيها
ايان :- شاركيها وياي
مارسلين :- مابيها شي رايحه اسبح بدون ما اسمع كلامه اخذت ملابس وطبيت للحمام احس روحي دايخه وجع عيوني صارت براسي وإضعاف الوجع كلش يتأذى راسي وعيوني من ابجي والوجع يضل يومين ثلاثه يلا يتحسن سبحت وكملت شفته منتظرني على جربايه
مارسلين :- بعدك أهنا ؟
ايان :- يي شو عجبني جربايتج مريحه وناعمه وماخذه من ريحتج البيها ترد روحي
أنت تقرأ
ضحيه ال ايان
Ficção Geralلايُوِجِد وِصَفَِ يُصَفَِ الذي حِدثِ لـَ هولاء الاشَِخِاصَ . دعوِنِى نِبُحِر فَِي روِايُتهم .
