ضحيه ال ايان

بارت 2

هلاو جميلاتي شلونجن 🦋♥️
عمري انتو ادعموني بالقصه حتى استمر بيها ✨🤍
{ بقلمي : ضحى ال سعد }
~~~~~~~~~~~~~
" وبعد ما بيه حيل ابجي أحاجي الصوره من اشتاگ بس الصوره ما تحجي !.

مارسلين :- جاوبت عبالي وصل يم بابا وديخابر علمود يطمنه بس نصدمت من الي سمعته اسمع صوت بجي والدكاتره يهدون بي بس اسمع صوت دكتور يكول على كيفك ابني هسه كمت بس شويه ويه روحك نطقت ولو وجهي ميتفسر وبصوت كوه يطلع الو احمد شكو

احمد :- ماما خيرنه ماما جاي تسمعيني لو بس اني جاي اسمع صياحي

مارسلين :- احمد الله يخليك شكو شبيك بابا شلونه شبي احمد لتسكت احجي

احمد :- كومو اكتلو روحكم خسرنه صرنه ايتام راح عافنه وخرو عوفوني اروح يمه وخرو بابا كوم بابا لا تسويها

مارسلين :- من حجى هيج حسيت الدنيا صارت سوده بعيني ما احس بشي وكع الموبايل من ايدي بدون ما تحس وماما حجت ويه احمد فزيت على صياح امي ومصطفى نايم واني اكول جذب ماما باعي وعيونج جذب مابي شي والله لا تبجين فدوه لعمرج احمد ديتشاقه ما عرفت شسوي ركضت لغرفه مصطفى

مارسلين :- مصطفى كوم اوكف كوم مصطفى لتضل نايم جاي احاجيك كوم

كعد مفزوع

مصطفى :- شكو شبيج ماما شبيها شصاير

مارسلين :- بابا اتوفى الله يخليك الحك على احمد والله راح يسوي شي بنفسه باوع عليه بدون ميفهم شي مثل المصدوم طلع يركض من البيت ما اعرف وين راح بس اني وماما بثينه بالبيت واني دمعه ما نزلت من عيوني ابد بس اصرخ بصوت واكول

مارسلين :- ما صرت يتيمه اني مو يتيمه جذب ميعوفني مرت خالي تجي تهديني عياطي يزيد بالفوائد بقيت وحدي بالغرفه وبس اردد نفس الجمله وكل هاي ماشفت امي ابد ما راحت اشوفها الجوارين اجوي وكرايبي اجت وفاء يمي اول ما دخلت الغرفه وباوعت عليه وصرخت بصوت مثل الايقنت من صدك ابويه مات

مارسلين :- صرت يتيمه اجت ركض حضنتني وطكيت بجي

وفاء :- كافي مارو لتسوين هيج بروحج يا كلبي كلنه مصدومين ومحتركين بس انتي لازم تسوين لخاطر اخوانج وامج لتضعفين كدامهم هيج

مارسلين :- ابجي واشهكك حجيت بصوت رايح ما اكدر اباوع بعيون ماما بعد اني خسرت

وفاء :- لا تكدرين لتحجين هيج هذا اختبار من ربح علمود يختبر صبرج

مارسلين :- ابجي وصار غواش كدام عيوني وراسي أحسه راح ينفجر من الوجع ونفسي ديقل كوه اتنفس مثل الغركان بالمي وميعرف يسبح وفاء عافتني وراحت غاصخ بالبجي وسمعت يكولون فلانه تجي من سمعت اسمها دمي فار بمكانه هيه الجانت تدعي على ابويه يموت وماكو بيناتنا تواصل منحجي هسه تجي تتشمت بيه طلعت واكفتلها بالطرمه اريد اطلع كل قهري بيها دخلت للحوش استغربت شلون گلب عدها عبالك طالعه من الصالون وجايه يمي مكياج فول ولابسه احمر والعلج بحلكها عبالك جايه لعرس مو فاتحه صرت نار عليها
مارسلين :- شدورين أهنا مو جنتي تنتظرين هذا اليوم جنتي تدعين علي ليش جايه لبيتنه منو سمحلج يلا برا رجلج ميدخل لهل بيت