ضحيه ال ايان

بارت 16

هلاو كندولاتي شلونجن شخبارجن ؟ ♥️
اشتاقيتولي اشتاقيتلكم اني !! 🥺💗
اليوم البارت نار وشراررره يلا بدون ما اطول عليكم نبدي بالبارت ونكول بسم الله الرحمن الرحيم
{ بقلمي : ضحى ال سعد }
~~~~~~~~~~~~~~~~~~~~~~~
" على المَيت چوادِر تنصُب النَاس وانا المَيت
عَليك شرَاح تنصُبلي ؟ " 
~~~~~~~~~~~~~~~~~~~~~~~

ايان :- باجر نروح نخطبها ؟؟

ام ايان :- شني هيه هيته ابني صار شهر مطلكها وهسه تريد ارجع تتزوجها

ايان :- وشكو بيها رايدها بالحلال يمه لا تردينيي الله يخليج

ام ايان :- هاي هيه نروح نروح شكو بيها

ايان :- تمام شويه حجينا وترخصت منها وطلعت لغرفتي يعني باجر ح شوفها من بعد شهر مشتاق لشوفتها هواييي لدرجهه من الليل طلعت ملابسي وجهزتهن لباجر صحيت على نفسي ايان شهل حركات المراهقه ما مصدك ولك عيب مو كد عمرك ابتسمت ورحت طبيت سبحت وطلعت نمت كبل باجر ورايه كعده من الصبح اشوف " چتالة روحي " نمت والراحه مو طبيعيه ............

مارسلين :- فتحت عيوني بثگل ما اعرف ساعه بشكد ولا شي راسي يوجعني هوايي دورت جهازي شفته مكسور وبصفي مخليه بجيت من قله حيله هو بس موبايلي جان عندي وهذا هم راح كمت كوه وكفت على رجلي كل جسمي متكسر فتحت الشباك علمود الهوى تدخل بريتيي يا ترا لشوكت يضل حياتي هيج ؟ باجر شحيصير زين من يزوجوني لهل شخص شلون ح يطلع ؟ مارسلين احجي شي منطقي شنو شلون ح يطلع يعني انسان سكيرر وأبو ملهى منتظرته يكون زينن !!! بالي راح يم لارين وعمتي ساره وعمو امير اشتاقيتلهم هواي احس صارلي سنه مفاركتهم وهو صار شهر
مارسلين :- هسه يمكن سما حامل همين يعني ايان ح يصير اب

اشتاقيت لايان وبنفس الوكت كارهته ما اطيقه لان هو جابني بايده وخلاني بهل جحيم كارهته بس اشتاقله يعني مبين التناقض الي صارت بشخصيتييي

" اشتاگيتلك وَكت الفَجر
لا هّو ، ليل وينسهر ولا بيه ، اكمل نومتّي . "

مارسلين :- بقيت واكفه اباوع من الشباك مثل المسجون اتحسرت ورحت ادور على المرايه ويه مكياجي شلته اباوع لوجهي ملامحي مبين عليها التعب ايد احمد طابكه بركبتي وخدي وجرح راسي بعده ما متحسن جوه عيوني احمر من البجي ذبيت المرايه وتمددت بالكاع كالعادة ههههه اهناكك ظهري ما جان يلوح الكاع بس هسه الكاع صار فراشي ما ادري اضحك لو ابجي على حالتي استسلمت لأمر الواقع ونمت بس براسي اسئله ما الهم جواب .....

ايان :- كعدت الصبح على صوت المنبه الساعه 6 الصبح باوعت للسقف ابتسمت توكلت على الله نشاااط فول بهل يوم نزلت جوه شفت امي هستوها صاحيه