هلاو كندولاتي شلونجن شخبارجن ؟ 🙂🫂
هو يصير اسلم عليجن لو تصير بالتفك !
اعتذر وربي بس تعب فوك راسي ما عندي مجال حتى اغسل شعري تخيلن 🙂✨
اليوم ح يكون البارت وباجر لعيونكم بارت ثاني ويمكن استمر بنشر يومي بعد شتكولن؟
يلا حبيباتي نحنا حبايب ماكو بيناتنا اعذرني 🥺😂
نبدي بالبارت ونكول بسم الله الرحمن الرحيم
{ بقلمي : ضحى ال سعد }
~~~~~~~~~~~~~~~~~~~~~~~
" اضَمك بيه مِثل النَخل لَمن يَضم جَماره "
~~~~~~~~~~~~~~~~~~~~~~~
ايان :- الليل حسبته سنه رغم اليوم لازم افرح خطفت الاحبه بس خطف ما اخذتها من أهلها برضاتهم تفكيري لاعب بيه طوبه وضع مارسلين كلش قالقني
ايان :- معقوله جانت تحب ذاك ؟ لالالا لتفكر هيج ايان شبيك شتحب ...... لا متحب ...... زين شبيها ذبلانه هلكد وياي ! قررت اروح يمها احاول احجي وياها اطمنها فتحت الباب على كيف لكيتها نايمه ابتسمت تلقائياً ما سديت الباب كله بقيته شويه مفتوح ورحت گربت صوبها كعدت بطرف الجربايه اعاين عليها واني اتذكر شكلها شلون جان اول ما أجت لبيتي چانت چنها ورده مفتحه من جمالها بس هسه وين هل ورده ذبلانه نحلانه التعب مبين من عيونها
ايان :- بهمس اتمنى اشيل تعبج واخلي بيه ما احب اشوفج بهل ضياع والمتاهه رغم يمي جنتي ضايعه وتايهه بس ما جنتي عبده مأموره شسوي وتبريني الذمه ؟ شسوي حتى أجبر بخاطرج وبروحج ؟ شسوي حتى اطلعج من الي أنتِ بي ! جاي تحركني روحي من اشوفج هيج تقربت ابوس خدها
ايان :- بعز تعبج بس خدودج بعدهن ترفات " حرام يمسهن نسمة هوا " تحسرت وكمت رحت للغرفه الثانيه تمددت افكر
ايان :- هم ح ترضى بيه زوج الها بعد الي سويته والي وصلتها الها ! شسويت أنه بروحي شسويت منو صدكت ومنو جذبت چا هسه حلوه من هيج عاشگها وهيه تكرهني ! نمت بعد تفكير عميق كلشش عميق ......
مارسلين :- كعدت الصبح واني شبعانه نوم شفت الساعه 8 ونص كمت غسلت وجهي وطلعت ما لكيت ايان رحت فتحت باب الغرفه لكيته نايم رجعت سديته ورحت للمطبخ اسوي ريوك جوعانه فتحت الثلاجه بيها كلشي حتى خضروات بيها طلعت بيضتين واجبان وروبه البيت الي كاعدين بي حاليا كامل مكمل كلشي بيها صرت ادور بالكنتور على طاوه وملح وهل امور لكيتهن طكيت الببضات وخدرت الجاي ونصيت صوت الطباخ خاف ايان يتأخر بالنوم
ايان :- تقريبا جنت صاحي من اجت مارسلين وراحت ابتسمت يعني من زين جاي ادور عليه من ما تلكاني كمت غسلت وطلعت شفتها مسويه ريوك بأبتسامه صباح الخير
مارسلين :- لا رد
ايان :- مارسلين الي سويته لمصلحتج ؟
أنت تقرأ
ضحيه ال ايان
General Fictionلايُوِجِد وِصَفَِ يُصَفَِ الذي حِدثِ لـَ هولاء الاشَِخِاصَ . دعوِنِى نِبُحِر فَِي روِايُتهم .
