السلام عليكم
" الــعـــــسـاف "
اللهم صلي على محمد وآل محمد .
''''''''''''''''''''''
التصويت فضلاً .
'''''''''''
اسراء ::- ثاني يوم اجه عسَاف هيج غضب غضب كلشي ماشوف منه اني صح خفت بس ماطلعت ابد طلعو الجهال لابوهم وضل منتظرني اطلع بس ابد قفلت وكلبي يدك حيل عبالك مسويه جريمه وقفلت الباب خاف عنده نيه يجيني ، شويه واندكت الباب مرة مرتين كام يحجي
عسَاف - وجج افتحي مو حرگتي گلبي اسراء بررووحح امج افتحي خل احاجيج اسررراااءء ولجج اسسرااء
خالي - لاتكسر الباب يمعود ، عوفهاا عود غير وكت تعال خاف نايمه
عسَاف - لا مانايمه، اسراء بروح امج حلفتج بس افتحي خل افهمج مو گلبي محترك والنبي بس افتحي خل نحجي والتردي يجرالج .
واني ياجبل ماتهزك ريح دائماً اذا اعاند بعد هاهيه گلبي وعقلي يقفلون تالي خالي كله غير وكت تعال بعدها طببت جهالي يمي ونمت حسيت كدرت انتصر علي بس بعدني عـلى موقفي الاول وماا تغير .
عشت يم خالي احلى عيشه وعسَاف من بعد ذيج اجه مرتين وهم ماطلعت ياخي عنادي يفوز حالتي النفسيه حسيتها صارت احسن شويه الامام كلش قريب علينا وهل شيء يريح كل يومين نروح عمي شني اهل البيت راحه خاصتاً من تطب ضريحهم افيش ريحه الجنه وعلي .
من بعد اسبوعين كاعدين العصر جان تندك الباب عبالي عسَاف مثل كل مرة لمن اشوفه اختل بلغرفه بس هلمرة صوت نسوان اعاين من شباج المطبخ واشوف ديده وباجي وساره وام مهدي وجم وحده من نسوان عمامهم وابو غايب وابو صالح والولد بس لاعسَاف ولامهدي اجوو .
مارحت ولاسلمت عليهم طببهم خالي لديوان اسمعهم يسلمون ويسئلون عليه شويه واحس احد حضني اندريت شفت فهد يابعد امك
فهد - شلونج يمه شلونج اشتاقيتلج كلش اني ليش ماتسئلين عليه؟
- دام شفتك صرت بخير يبعد روحي، كلي شلونك بلدراسه زين لو لا
فهد - دعيلي باجر التنائج ونشالله انجح يارب بجاه علي كون انجح .
- تنجح دام الله واهل بيته وياك تنجح .
كلش متحمس هو بذاك دعيت الله تكمل فرحته اجه خالي وحجه وياي عيب ويضلون عيالج ومن هل الحجي عدلت شالي وطبيت كلت السلام عليكم ردو كلهم ديده فتحتلي ايدهاا عود تعاي بحضني دمعت عيني مو هيه التوسلت بيها علمود ماتخليني بلمستشفى ومع ذلك لكيت رجليه ماخذتني الها ماتصورون شكد اعز ديده حيل احبهاا واعزها مو شلون ماجان اكثر انسان ينبض حنيه هيه ديده حضنتها وابجي بصوت عالي وهيه هم واعاتبها ليش عفتوني هناك ماسئلتوو عليه تكلي لمصلحتج علمود تتعالجين ووو واعتاب ماله اخر .
أنت تقرأ
العقرب الأسود
Adventureقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
