السلام عليكم
" الــــعــــساف "
اللهم صلي عـلى محمد وآل محمد .
''''''''''''''''''''''
اسفه عـلى الانقطاع، بس صارت شغله غير متوقعه انشالله احجيها لمن تخلص .
تصويت لفطاً .
''''''''''
اسراء ::- راحت ايام اجت ايام اقبال حبلت والثانيه هم حبلت اثنينهن بنفس الوكت وسجاد مبتلي كلساع ومشتهيات شيء .
طلعت نتائج الامتحانات ونجحت بمعدل يرضيني الحمدلله دائماً وابداً شكد فرح عسَاف بوكتها اصلاً ماجنت متوقعه راح انجح عبالي ارسب بس الحمدلله الله قادر عـلى كلشي قدملي عسَاف بالجامعه والحمدلله طلع قبولي بيهاا رحت اشتريت ملابس وتحضيرات الجامعه تعرفوها واهم شيء العبايه ماذبها ولاتنزل عن راسي وهذا جان شرط عسَاف الاساسي جابلي تلفون هديه اي جا شعبالك زوجي رومانسي شويه يجيب هدايه وكذا .
اليوم اول يوم كعدت من وكت سويت ريوك الي ولابني وصيت حنين على الجهال وطلعنا جنت حيل متوترة راح ادخل عالم جديد يختلف بي كلشي صعدنا السيارة ورحنا وصلت الجامعه
عساف - يله يل حبيبه ديري بالج على نفسج انتِ كدهاا وراح توصلين مراحل مو مرحله وحده و اي شيء يصير وياج بساع تدكين عليه .
ابتسمت وهزيت راسي طبيت لجامعه وشلون طبيت لازم اطلع اني ماجايه اتونس لو اسوي صداقات جايه اتخرج واكسر خشوم الكالو مابيها خير وخليها كاعده بلبيت تطبخ وتنظف وارفع روس الحبوني وكالو تكدرين وثاقين بيج تنجحين وكدها انتِ وفعلاً اني كدها واكدر كلشي اسوي " لاشيء مستحيل " .
اول اسبوع جان سهل عليه بديت اتعود واتاقلم وي الوضع الجديد .
كـعدت العصر امشط وعسَاف كاعد عـلى السرير صافن عليه آشرتله شكوو اجه وكف كام يفحص بشعري
- شكوو؟
عسَاف - شعرج بي كمل .
كمت مخترعه اقرف شيء
- عليك الحسن منين اجه كل يومين اغسله
عسَاف - اي والمحسن بي كمل هااج شوفي .
قرف قرف قمه القرف كام يحجي ويرزل بيه ويامن كاعده وهيج صار بيج وجم مرة اكلج لاتختلطين باحد راح ابطلج من الجامعه هاي تالي المايسمع حجي خرب شعرج وراح واني ساكته واريد ابجي شعري بي كمل قرفت من نفسي تالي شويه سكت
- باجر اجيب دواء من الصيدليه ويروح لاتضل تصيح عبالك هيه بايدي جبته وحطيته بـ شعري .
أنت تقرأ
العقرب الأسود
Pertualanganقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
