السلام عليكم
نبدي روياتنا بـ ياعلي ... صلوو على محمد وأل محمد
لاتنسون التصويت + التعليق بين الفقرات + متابعه الحساب وشكراً
"الـــعـــــــــــــساف"
"""""""""""""""""""""""""""""""""
كلعاده لازم اخذ الحبايه توسلت بيها يله قبلت تنطيني الله لايوفقه علمتني عليها اجت امي من الشغل انطيتها ميَ ونامت صرت ابجي واني اشوف ابني مريض وموبيدي شيء شغل امي يادوب لكمه النه حضنته .
السلام عليكم اسمي اسراء اني مطلقه وعندي ولد تزوجت حب طفولتي بسبب خياتنه طلكت منه ابوي ميت الله يرحمه احنى 4 بنات اثنين مزوجات واثنين لا
و 5 ولد 3 مزوجين وثنين لا .
اخوتي المزوجين كلمن وحاير بمريته وماله شغل بينه واخواتي كذالك مزواجات مايجن بس بلاعياد النه واذا يجن شكو شيء زين بلبيت لازم يأخذونه وامي تشتغل في سبيل نعيش اني واختي اما اخواني فـ واحد يشتغل بغير محافضه وكل شهر يدزنه الايجار مال البيت والثاني مايطلع يشتغل يأخذ من امي ..
والف الحمدلله والشكر عايشين ...
كعدت وعاين ع ابني يكح منشول كلش لبست حذائي ورحت ع جيرانه دكيت الباب طلع عمي طارق هذا جيرانا خوش ناس .
كتله ::- عمو ماعدك دواء مال كحه ابني فرد نوب صار من الكحه
عمو طارق ::- صار هسه اجيبلج يبوي غير اديرين بالج علي
اسراء ::- البرد عمو البرد يكتل
طب جوى وطلع بيده عبله الدواء اخذتها
::- شكراً عمو
عمو طارق ::- لا بنيتي عليمن اذا ماصار زين علي كليلي اودي للطبيب
::- تسلم عمو ماتقصر
رجعت للبيت انطيته الدواء ونام سوده بوجهي صارله يومين منشول . سويت غدا منا وهيج ترجع امي طبعاً امي تشتغل بلبيوت تساعدهن بلتنضيف وتطبخ مرات نسوان منطقتناا تروح يمهن واكو غير مناطق علمود العيشه ومرات اروح اني وياهاا نشتغل ولمن ارجع ضهري منكسر بيوتهم كبار وماينضفن واكو ناس لا زينه ..
للعصر صرت ارجف لازم اخذ حبايه صرت مدمنه بعد ماكدر اتركهاا صارت دموعي تنزل علمتني ع الادمان بس محد يدري بلختلات رحت للبيت دكيت الباب فتحته
اسراء ::- اريد حبايه ماكدر اوكف جسمي يرعش فدوة
::- ههههههااي تعاي فوتي سوسو
أنت تقرأ
العقرب الأسود
Aventuraقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
