السلام عليكم
" الـــــعـــــساف "
اللهم صلي عـلى محمد وآل محمد .
''''''''''''''''''''''
تصويت لطفاً .
'''''''''
اسراء ::- القهر اكلني اكل حيلي راح صرت جسد بلا روح خايفه اني بوسط ناس بس الله يعلم بحالهم شمروني من دون مايسئلون عليه .
اصيح اريد امي اريد عسَاف اخوتي ليش ماسئلوو عليه معقوله لهل لدرجه صلة رحم ماكوو عبالك مو اختهم يجيبلولي اكل وماي وابرة السكر دموعي نشفت اريد ابجي ماكو اي دموع حسيت هاهيه راح اموت جرح گـلبي طغه وصرت ماحس طول الوكت اعاتب عسَاف معقوله هو هم بعد مايريدني وصدك مرته مخبله .
كالت الممرضه لازم تطلعين برا شويه تتنفسين اني ماخانكني الهوى الخانكني ناسي واحبابي ليش هيج عافوني بوكت لازم هما وياي .
حقدت عليهم كلهم يعني اني ماتخبل بس لمن اجي يمكم وهنانه بين المخابيل كلشي مابيه اكيد بيه شيء طلعت برا الجوو جان حلو بي نسمة هوى هادئه ضليت صافنه بلسما ودموعي تجري عـلى خذلاني منهم وخيبتي حطموني گـسروني بوكتها نخيت الزهراء (عليه السلام)اذا اني صدك مخبله كون اطيب دخيلج يـ ام الحسين عندي جهال وبعازتي واذا مابيه شيء كون اطلع منا جان بوكتها مغرب دعيت من گل گـلبي عـلى مصيبتي الخلتني اهنانه مامصدكه نفسي مخبله .
جانت اكو حجيه هناك يكولون عقلها مو شيء بس والله اشوفها احسن من عدنه يوميا تكعد تحجيلي عـن اهل البيت(عليهم السلام) وشلون من تنخاهم مايقصرون وبيوم سئلتها انتِ ليش اهنانه اذا كلشي مابيج
الحجيه - ياجده انا لا اليوم ولا البارحه هنا صارلي 7 سنين الحبيبات طكني بسحر وخلني اتخبل ماعرف اليمنى من اليسرى الله لايوفقهن صحيح اول مرة مثلج ماصدك بنفسي انا مخبله بس جانو يراوني بنفسي اتخبل عندي اثنين ولد واحد منهم راد يموت بين ايدي مخبله شمدريني بنفسي اول سنتين صدك مخبله بس بعدين الله واهل بيته اتحسبي عليهم يـ جده هذني اليحبنج مسوياتلج مكسورة ومخلياتج هيج انتِ لاخبله ولاهم يحزنون بنيه مثل الورد بس محد راح يصدكج لو تحلفين ميت امام ولو تذبحين نفسج ضلي صلي وادعي ربنا اذا حب عبد ابتلاه ومبينه انتِ هواي راح تعجنج الدنياا .
الـنار بگـلبي تسعر ليش محد سئل عليه ولا وصل انتَ يـ عسَاف شجاك هم مثلهم ، معقوله اني مسويلي شيء اني طول عمري مالي شغل بأحد ، هاي طيحتي ذكرتني من طبيت السجن وشلون تبهذلت افكر اكول شكد راح اضل هنانه ؟ بس اذا طلعت شلون راح اواجهه الناس كلها واولهم جهالي والله گلمه فهد لسه ترن بأذني "يمه لا تآذينا " والناس الي بعد عرفوني واخوتي الي محد سئل عليه ولا واحد بيهم اشتاكيت لامي انا هيه الوحيدة الي رغم اغلاطي وكفت وياي وساندتني وينج يمه عني تجين تشوفين حالي شصار بي يمه الدنيا مارحمتني يايمه تعاي شوفي حالي شصار بي .
أنت تقرأ
العقرب الأسود
Aventuraقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
