العقرب الأسود

البارت لـ 20

السلام عليكم

" الــــعـــــــسـاف "

اللهم صلي على محمد وال محمد .
"""""""""""""""""""""""""""""""""""""""" 

اسراء ::- تفكير ،قلق ، مشاعر مخربطه،  معقوله اني هسه رجعت اله من بعد ذيج الآذيه گلبي حيل ملجوم منه .

ضليت ع كعدتي صافنه وهما كلمن ملتهي بشغله بس هو طببني بلباب وراح انمدلي كلاص ماي رفعت راسي سند

سند ::- يله اشربي حتى تاكلين .

هزيت راسي اريد الزمه كوة ايدي ترجف اخير شيء طاح مني دنكت الم الكزاز اجه سند اخذهن نزلت دمعتي مسحته جابو الصينه وانتبهت شاهين يطبخ وسند ينظف ومهند يغسل الهدوم حلوو التعاون ..

كعدت يمهم اريد اكل ماكد الزم الكمه ايدي ترجف بصورة مو طبيعيه كمت ماريد اكل كلت

::- اريد انام واين؟

مهند  ::- دقيقه .

كام انطاني حبايه كبل بلعته من دون ماسئل دلاني ع غرفه رحت بوجهي للفراش نمت ..

فزيت احد يكعد بيه شفته عسَاف درت وجهي غطيت نفسي بلبطانيه لفلف

عسَاف ::- هاي شبيج كومي شو

::- روح مالك شغل بيه اريد انام

عسَاف ::- يعني ماتاكلين؟

::- لا روح .

سمعت الباب انسد رفعت الغطه اتنفست براحهه درت وجهي لكيته يعاين عليه يمهههههه صحت بعلو صوتي حطيت ايدي ع گلبي خرعني

::- اعوذ بالله من الشيطان الرجيم، امشي اطلع يله شعدك يمي

عسَاف ::- كومي اكلي .

::- ماريد ماريد يله اطلع .

عسَاف ::- لا تردين وغصباً عليج .

اريد احجي ماحس اله شالني ضليت اضرب بي مايفيد واحجي واصيح وهو ولا مهتم نزلني اريد اشرد منه حاوطني وكعدني بحضنه مجتف ايدي يوكلني بيد وحده كمت اصيح واغلط حتى ع اهلي غلطت وهو نفسه ماتحرك لحد ماشبعت

::- شبعت شبعتتتتت مااااررريييدد

هز راسه سحب الكلينس مسح حلكي بي نطاني حبايه وهلمرة شربت ماي وراها واني بحضنه غفيت لااردياً حاوطت ركبته ونمت

كعدت شفت نفسي بلغرفه سمعت سوالفهم برا طلعت الشريط من صدري بلعت وحده ورجعت ضميته راحه من اشرب بس اني لان ماكدر بدونها احسها راحه ضليت شويه انوب طلعت غسلت وجهي طبيت لكيتهم يتريكون