السلام عليكم
" الــــعــــــــــــساف "
اللهم صلى على محمد وال محمد .
"""""""""""""""""""""""""""""""""""""""""
سند ::- اجت شيوخهم وكلهم اربعينين وزني الشيطان وعلي جا انا شمالني ماصرت شيخ مثلهم صارت الكعده بـ مضيف العسَاف احسن جا اذا رحنا يمهم يجوز يغدرونا وبصراحه انا بضفري مأمن مو نوب ناس كاتلين ابنهم ، المهم اجو وضيفناهم وبدأ الحجي معلك منهم طبعاً خو اكو واحد حرام لو تخلوني ويا بغرفه وحدنا اكله بسنوني كد مانذل وطبعاً سجاد بعده مسجون ماقبلو يطلعونه ..
(صار حجي مال شيوخ كبار ومعاتب ماقبلو نكتبه) حجو حجو لحد ماكال ابوهم
الشيخ ::- كسرتونا يابويه وعلي لوتدرون امه ماتنام الليل كله تبجي ع ابنها انا زلمه شكبرني انكسر ضهري بموته حسبالكم جاي وامشي وعلي ع ساعه اطيح، ادري الولد موش متقصد وهذا امر ربنا بعد بس مو هينا ابني بيوم وليله احطه جوى التراب ابنكم يمشي ع طوله وابني اخذه الكبر ، هاي انا احجي من حركه گلبي واكدر اكتل ابنكم هسه وجدامكم علمود تحسون بيه،
ابو غايب ::- دموعك غاليه شيخ، بس ماتوصل لكتل ابد ابنا هم عندى ام واخت تبجي علي وشتريد انا حاااضرر من الالف للمليار .
مسح دموعه وحجى بكل ثقه
الشيخ ::- فصليه، وغير الفصليه ماتنحل مشكلتنا .
والخايفين منا صار جانت لحضه صمت كام العسَاف يصيح
عسَاف ::- ماعدنه فصللليهه كنالك شتريد حااضر بس فصليه لا والف لا ماعدنه فصلليه ، ابو غايب عليش ساكت يررررييييدددد فصصصصللللييههه
كام الشيخ وكفت كبال عسَاف
الشيخ ::- جا خوش منا وهيج حضوو جوادركم .
طلع وزلامه ورا راحله ابو غايب وعسَاف وانا ركضنا ورا
ابو غايب ::- كتلك شتريد حاااااضرررينن فصللليههه شنني وحك فاطمه ساكت احترامً لكونك شيخ عشيرة
الشيخ ::- والله مادري بيكم هيج فوك شينكم كوات عينكم عيب ع الزلم كتلتو ابني وهسه جايين تشرطون علينه
ابو غايب ::- سبعين الف مرة كنالك مامتعمد كووة هيه خوما كوووة شيوخنااا ماتحجووون يرضيكم هل الحجي
لاحترم احد ولاابد اخذ ربعه وراح وكفت بصف عسَاف وحجيت
::- اكلك خاف يرحون للمركز ياخذون سجاد ويكتلونه
عسَاف ::- حسبت حسابها وخليت جم واحد يراقبون خاف يصير شيء هما يدخلون
::- شفته هذا الفرخ الوياهم شايفه هذا وعلي
أنت تقرأ
العقرب الأسود
Aventuraقـصتي تتحدث عن :- فتاه ذوقتها الحياة مرارت الايام الحـزينه عانت من فقدان والدها ومن ثما والدتها واخاها واختها لكي تكتشف ان الاقدار تختلف عن تفكير عقلها واحلامها البسيطه ، وفي وسط عالمها هناك رجلً اعتاد عـلى الحرص عليها وحبها شُجاع وحنـون عليها ولكن...
