بارت١٢
(نجمه تقديرآ لتعبي )
.
.
------
يوم جديد بالمزرعه وبداية صباح
كان شرار صاحي من النوم ويغسل وجهه بالمغاسل الخارجيه متجه للحلال والأبل
نياف:قابل شرار وبيده صحن الفطور تعال تعال افطر
شرار:مالي فيه افطرو انتو
نياف:علي الحرام ماتروح الين تفطر
شرار:انا اقول مالي فيه تفهم ماابغاه سكرو عليه الين اجي
نياف:عندي سالفه تعال بعلمك ونفطر
شرار:خل سالفتك بعدين عندي شغل بالمزرعه
ونزل وهو يعصب راسه وصل المزرعه وشاف العمال بدو في شغلهم
شرار:يعيطكم العافيه وقالهم على كل التفاصيل المطلوب منهم يسونها وطلع لحلال يخلص الشغل عنده وشاف سلطان الي مقابله وهو بيده الحليب مخلص الشغل عند الأبل والحلال كله
سلطان:اعطى شرار الدلو حق الحليب يالله شله وعلى البيت
شرار:والحلال
سلطان:قد خلصنا كل شي
شرار: الي يغطي على عيونه من الشمس بأيده وهو يعض على شفايفه ليه ماصحيتني
سلطان:ابغاك ترتاح مارقدت زين امس انت
شرار:اههههههه ياسلطان الله يخليك لي
سلطان:الا فكني شرك
شرار:هههههههههههههههههههههههههه أحبك ياكلب أحبك
سلطان:كل هاذا عشان خلصت الشغل ترى نياف معي هو خلص الحلال وانا خلصت الأبل لوماعلمك بيذبحني
شرار:هههههههههههههههههههههه ياجعلني ماخلى منكم وانا اقول وش مصحي ذا بدري
سلطان:اي الحمدالله مارقد من بعد الفجرولاكان باقي الين الحين أسحبه
شرار:بيض الله وجيهكم علي الحرام اني طحت معاد احس بأي شي ياولد تعبان تعبان
سلطان:والله يصحلك انت تتعب نفسك تشيل هم على غير سنع
شرار:الي تنهد وش تبغاني أسوي عجزت أشوف الأمور ببساطه وداريها كل ماقلت أفتكينا رجعنا على مشكله جديده وضنك أنه بتكون دايم كذا
سلطان:لا أنت مشكلتك تعصب ويجن جنونك لويصير الوضع ببساطه ومعاد تصعد وتكبر المواضيع بترتاح وتريح نفسك
شرار:شلون ياسلطان انا عجزت أنحرق وأعصب من أتفه الأسباب
سلطان:تبي نصيحتي واوعدك يابعدها تشوف الاامور بسيطه وتطير منك هالعصبيه
شرار:وش انا ابغا من يدلني
سلطان:ندلك ياشرار من زمان بس ماسمعت النصيحه اترك الدخان وطعني والله ان تعيش براحه شف نياف شفني انا اكبر دليل قدامك
مانعصب وماتفرق معنا بس انت على طول تثور
شرار:سلطان علي الحرام اني معاد ابغاه واني كاره بس والله اني عاجز أتركه الملعون دهورني ولعب فيني وعجزت أبتعد عنه والله اني احاول
سلطان:دامك تعرف أضراره وتبي تتركه بنساعدك أحنا بس أنك ماتخلي لنا مجال المساعده
شرار:مااقدر كل شي الأزقارتي ماأبغى احد يلمسها مااقدر
سلطان:شف لو بتعطينا فرصه والله ان تتركه
شرار:لا والله لوماني خايف عليكم بعطيكم الفرصه لكن انا مقدر اذا احد سحبها من أيدي علي الحرام يمكن أذبحه انا بحاول بنفسي أخفف الين أتركه مره وحده
سلطان:حاول حاول والله ان ترتاح مادمت عليه العصبيه هاذي مابتروح
نياف:مشالله تسولف انت وياه وانا ساعه أنتظركم بالفطور
شرار:ضحك ها جينا خلاص
نياف:لاانت انقلع تقول مالك فيه
شرار:مقدر اخليك تفطر من دوني ادري انك ماتقدر
نياف:نياف ضحك بأستهزاء ليه ليكون حبيبتي على غفله
شرار:تعقب يالحيوان
سلطان:محشوم محشوم ياابو محمد بس تعالو للفطور ياحبك للمشاكل انت وهو يجلد نياف
نياف:ضحك علي الحرام سلطان كأنه الأبو الي يداري خاطر ولده اذا زعل أهينك أنت وحركاتك
شرار:هههههههههههههههههه هاذا التعامل الي أحتاجه تعلم
نياف:والله تعقب مايعاملك كذا الاألسلطلي ابوك الثاني
شرار:والله مامنك سنع
نياف:اجحدها ها مخلص شغل الحلال كله ومخليك ترقد اي شي اطلبه منك قول تم وابشر بس
شرار:والله البلشه ليتك ياسلطان خليته يرقد ويفكنا شره
سلطان:حلف الذيب انه مايرقد وان يخلص الشغل اليوم
نياف:كذاب اي والله انك كذاب ماحلفت الاانت الي سحبتني غصب معك
سلطان:هههههههههههههههههههههههه انت حمار انا امدحك
نياف:فعلي يمدحني ماني محتاج كلامه
شرار:رفع حواجبه أقعد فعلك يمدحك ههههههههههههههههههههههه
سلطان:اخخ يالغبنه حتى الكلام مايعرف يهرج زي الناس
لفو كلهم على ضرب الباب بقوه
شرار:يالله صباح الخير الحين الشيبه يبي اليس له الغرفه
نياف:بالله اذا قال كذا قل قد خلصتها
فتح شرار الباب وشاف الجد محسن واقف وش انت راقد له الى ذا الوقت ولاتنتظرني اجي اقومك
شراز:الله يصبحك بالنور عسى ماشر
الجد محسن:والله شر مقابل وجهك في الصباح اطلع خلص كل الشغل الي في المزرعه ولاارجع المغرب وباقي مابيحصل خير
شرار:خير ان شالله
ورجع وسكر الباب وشاف سلطان ونياف فاطسين ضحك اخخخ احس عنده مرض الصراخ
سلطان:هههههههههههههههههههه والله يا سدد لك وحده
نياف:اخخخخخ يابطني اول مره يضحكني
شرار:وش الي مضحكم
نياف:يوم قال الشر والله مقابلك مع هاذا الصباح
شرار:ضحك تجيه فصلات والغريب انه راح ولا طلعني قدامه شكله قامط
سلطان:تعال تعال تك وارتاح
شرار:لاوالله خلاص قد الساع١١بروح أشوف وش قد سوو العمال
واخذ شماغه ونزل المزرعه وهو يشوف العمال يرممون الغرفه
وجلس يراقب الشغل واخذ المركى وتكى تحت النخله وبيده زقارته
ومن بين الأشجر ضي تمشي بهدوء كانت تبغا تتطمن عليه وماشافته لاعند الحلال ولا الأبل وقفت وهي تتأمله من بعيد وهو معقد حواجبه وينفث الدخان وقفت خلف النخله وهي تتأمله لدقايق طويله وفزت يوم سمعت صوت أبوها الي جلس بجنب شرار يراقبون شغل العمال ويسولفون جلست خلف النخله وهي تسمع سوالفهم ونصايح ابوها له عرفت الى اي درجه ابوها يحب شرار ويقدره وانصدمة يوم قام ابوها يبكي وهو يشكي لشرار ان ابوه مايحب ضي كانت بتروح لأبوها وتهديه بس أستوقفها شرار الي تقدم وهو يحضن أبوها ويهديه ويشرح له حاله الي أردى من حال ضي
وأخذتهم السوالف لبعيد وقام العم علي يصور بسنابه ويسولف ويقولهم على كل شي بالمزرعه
ولف الكميره الشرار عطنا بيتين ياابو محمد طلعنا من هاذا الجو
ضحك شرار وهو يلف ويمسك شنبه يستحي من الكميره ومستحيل يناظر فيها وهو يتكلم زفر براحه أبشر بي
يقول (رسمت وجه المليحه في خيال الكفيف
وأبحرت به بالوصوف الين شاف وعرف
فيها طهور النزيه اللي مقامه شريف
ودك تطهر بدمع عينها لاذرف
مضارب رموشها الي حدها حد السيف
مكانها الصدر والي غيرها الطرف
في مثل هاذي العيون الي هدبها كثيف
تسلم الروح ويموت الشجاع بشرف)
العم علي :الله الله صح لسانك ياابو محمد
شرار:أبتسم صح بدنك
العم علي :منهي المحظوظه
ضحك شرار:اشواى ان القلب مغطاه ومحد يشوفه
العم علي:ضحك قد حبيت ياشرار
شرار:تدري انا من احب احب واحد بالعالم ذا كله وراح وخلاني وحيد حتى في الحب ماتوفقت وهو يضحك بغصه
العم علي:وهو يصور شرار ومبسوط على أجاباته الي الكل يحبها ويسمتع فيها طيب تؤمن بأن أنسان ينسيك أنسان
شرار:لا :كيف؟ولاودي
العم علي:طيب هل الأعتذار ينسيك الجرح
شرار:تنهد بضيق لا انا فيني جرح له ٢٠سنه عجزت أنساه
العم علي:طيب قد جربت الخذلان
شرار:ضحك شكلك بتفتح جروح دفينه
العم علي:لاوالله بس الناس تسأل
شرار:أي نعم جربت الخذلان واجد
العم علي:هل تتوقع الحب يوضح من الوجه
شرار:(الحب ساس العباده ولعباده بالجهر
ان ماقدرت تقولهاوجه الصحيح يقولها)اي بالله يوضح
العم علي:صح لسانك ياابو محمد من امتع السنابات الي اصورها اي والله معك
شرار:الله يجعلني فداك وتحت تأمرك لبى والله كبدك
لوهله حست ضي على نفسها وهربت بسرعه للبيت خوفآ من شرار لايشوفها نازله المزرعه لحالها دخلت وهي تفكر هل هو يحب ماجاوب بالأكيد ومن الي يحبها وعجز ينساها حست قلبها ينغزها
وقفت عند المرايا تناظر بدوموعها الي تنزل على خدها ماتدري وش السبب هي تحسه أخوها بس ماتدري ليش اشتعلت النار بداخله بعد كلامه فتحت امها الباب وشافت ضي وهي تبكي من دون صوت
ام ضي :ياويلي وراتس يابنتي وش يبكيتس
ضي :ركضت وانرمت بحضن امها وهي تشاهق وتبكي من حرق قلبها ومن الشعور الي ملى صدرها واوجعها
ام ضي :بسم الله عليك وهي تقراء عليها خايفه عليها من يوم جاو لديره وهي تشوفها تبكي اكثر من انها تضحك نزلت دموعها حسره على بنتها الي هاذي الديره قتلتها كانت الضحكه مرسومه على وجهها وماتشوف دموعها الا نادر ومن شي يوجعها والحين كل مادخلت عليها تشوفها تبكي ومن دون صوت حزنت مره على وضع ضي حضنتها بقوه وهي تقول لاتتعبيني فيتس ياضي وانا من يوم جيت هنا ماشفت السعاده معاد شفتس تضحكين يابنتي من الي سوى فيتس كذا
ضي:وهي تسمع كلام امها حزنت على امها وهي فعلآ تحس انها قاعده تبالغ وكل شي تبكي عليه مسحت دموعها وجلست وهي تفكر ليش ابكي وش الي خلاني ابكي ماادري ياامي ماادري بس كذا فيني ضيقه
ام ضي:بسم الله عليتس من الضيقه يابنتي ترى والله ماني بخير دامني اشوفتس على هاذا الحال
ضي:أبتسمت اوعدتس ياامي لااصير احسن ومعاد ابكي يمكن صايره حساسه بزياده لااني كنت متعوده على الدلع وكل شي زي ماابغا
ام ضي:وهنا ماتغير شي وكل طلاباتك اوامر ياضي اهم شي ماتضايقين
ضي:من عيوني يااامي وهي تبتسم وتبوس راس امها سامحيني يابعد الدنيا
ام ضي :وش اسامحتس عليه وانتي ماعمرتس غلطتي يالجوهره النادره
ضي :ضحكة وهي تبوس امها الله لايحرمني منتس ومن كلامتس الي يقطر عسل ياعسل
ام ضي:اي ياجعلها ضحكةً ماتزول يابنتي
ضي :خليتس معي وجنبي دايم وانا بكون مبسوطه بس انتس صرتي تسحبين علي يوم جينا لديره
ام ضي:يووههه انا الحين صرت اسحب عليتس وانا كل شوي اجي ماصحلتس
ضي:هههههههههههههههههه امزح معتس ياقلب قلبي ورحي انتي
دخل ابو ضي :الله الله وش الحب والحنان ان شاللله لي نصيب منه
ضحكة ضي وهي تقوم وتركض تبوسه في خدوده الين تطفشه كالعاده
العم علي :شالها وانتي تبغين تطفشيني
ضي وهي تضحك احبك احبك وهو يرميها على الكنب وهي تضحك وهو يهجم عليها وكان يدقها بجنبها وهي تموت ماتبي احد يلمسها بجنبها تموت من الضحك
ضي :يبه يبه تكفى تكفى خلاص خلاص ماما قولي له يوقف معاد اقدر
ام ضي:وهي مبسوطه من كل قلبها يوم شافت ضي تضحك كذا من يوم جو لديره ماشافتها تضحك كذا وقامت تسحب ابوها وتبعده عنها
العم علي:ها ياويلتس باقي تعيدينها
ضي :وهي ماسكه بطنها اخخخ يابابا تكفى بطني بموت
ضحك العم علي وهو يقرب منها ويحب راسها عطينا القهوه يابوتس
ضي :قامت من عيوني انا يااحلى أثنين بالدنيا
دخلت المطبخ وهي تجهز القهوه وطلعت لاامها وابوها الي متكين في الصاله وتصب لهم من القهوه وهي مبسوطه وتسمع سوالفهم وضحكهم ومواقفهم من يوم جاو لديره
ضي :اوفففف في افلام وسوالف كثيره فايتتني
العم علي:لاان وقتس معاد يسمح لتس تجلسين معنا
ضي :اوفففف والله العظيم ماادري كيف يروح اليوم مافيه بركه
واليوم احلى يوم من يوم جيت لديره
ام ضي:اجل كل يوم نتقهوى معا بعض وكل واحد يعيطنا علومه
العم علي:تم ماعندي مشكله بس بعض الناس مدري عنهم
ضي:ههههههههههههههههههههه تم واذا مو هاذا الوقت في اليل
العم علي :انتي ماتدخلين الاعين متفوحه وعين مسكره في اليل
ضي :ابشر والله من عيوني كل يوم هاذا الوقت ماعندنا شي
------
عند العيال
في قسم شرار سلطان الي كان واقف عند الغسال وحس بتنمول في الجهه اليمين من جسمه وهو يحس بدوخه تمسك بشرار وجسمه يميل
شرار:سلطان سلطان وهو يسحبه ويوقفه وهو يشوف عيونه تتسكر شوي شوي
شرار قام يصيح وينادي عليه وسلطان مايرد نياف الي قام ركض من النوم وهو يشوف سلطان طايح بين ايدين شرار فزو الأثنين وشالوه ركض على المستشفى
وصلو المستشفى بقسم الطوارئ واخذو سلطان من بين ايديه ولااحد يرد عليهم دخلوه للغرفه وشرار ونياف يركضون يمين ويسار يبون اي معلومه عن سلطان
الدكتور طلع ومعه الممرضه نط شرار قدامه سلطان وينه وش فيه ليه محد يرد علينا
الدكتور:انت مع سلطان سلطان جته جلط والحمدالله مرة بسلام
شرار:وش تقول طيب كيفه الحين
الدكتور:تحت المراقبه اعطيناه الأدويه الازمه بس لزم يجلس شوي الين تروح الأعراض وكويس الي جبتوه على طول
شرار:اقدر أشوفه الحين
الدكتور:اي تقدر تفضلو
دخل شرار وقف عند الباب وهو يشوف نفس الغرفه ونفس الموقف يتكرر قدامه بعد٢٠سنه موقف وفاة أبوه وهو يشوف سلطان بين الأجهز وقف وجسمه كله يرجف عجز يتقدم خاف الموقف يتكرر عليه مره ثانيه رجع وهو يتمسك بالجدار الين طلع عند باب الغرفه وهو يسند نفسه على الجدار وينزل بهدوء وهويبكي بحرقه يبكي ويرجف جسمه كله ولوهله رجع فيه الزمن للمكان الي كان جده يضربه ويقوله لاتبكي بكى من حر قلبه بكى وهو يحس ابوه مات اليوم الناس أجتمعو كلهم على شرار ونياف الي عنده ويحاول يهديه عجز يعرف وش فيه شرار مو قاعد يسمع أحد حواله ويحس المكان فاضي حس بنياف الي يهزه بكتوفه ويصرخ بوجهه شرار شرار
ايش فيك
شرار:رفع عيونه لنياف ودموعه ماليه خده سلطان يانياف سلطان
نياف:وجع وجع سلطان مافيه الا العافيه وش جاك مهبول انت
شرار:الي رجع للواقع وهو يشوف يديه الي من الرجفه عجز يسيطر عليها حس بفتور في جسمه تنهد بحزن وحاول يوقف لكن عجز وقفه نياف والممرض ورجوله ترجف عجزة تشيله من مكانه سند نفسه على صدر نياف وهو يجهش بالبكاء
نياف:ابن ابوي شرار وانصدم اول مره يشوف شرار بهاذي الحاله عجز يهديه خلاه يبكي شوي ويطلع الي بخاطره وسحبه وجلسه على الكرسي بغرفة سلطان وهو يحاول يهديه الين هداء وارتاح واتنفس وخفت الرجفه منه ورجع للواقع بعد مر الزمن الي رجع له بذاكرته
ناظر بسلطان وهو ميل بجسمه على الكرسي شاف سلطان الي فتح عيونه وفز من مكانه ركض له سلطان وهو يمسك وجهه وايديه الي ترجف تكفى ياسلطان لا تروح وتخليني
سلطان:بتعب وهو يتحسس ايدين شرار البارده على خده شرار وش فيك ياولد
شرار:لاتروح وتخليني طالبك ياسلطان
سلطان:ياولد انت مريض مافيني الا العافيه
شرار:تنهد متأكد
سلطان:أي والله مافيني الى العافيه
شرار:أبتعد وهو يناظر بسلطان ورجع جلس مكانه وهو يحاول يهدي من ركبته ويهدي نفسه جلس وهو يتكي بأيديه على ركبه ويغطي وجهه بكفوفه
دخل فهد ومعه مويه شرار خذ مويه أشوب
أخذها شرار وايده ترجف وعجز يمسكها وطاح من يده على الأرض بالعاده في مثل هاذي المواقف شرار جامد ولايبدي اي ردة فعل لكن أنصدم نياف من ردة فعله وهو مايعرف وش الي صار مع شرار
وش فيها كذا اول مره يسوي كذا سلطان دايم يتعب ويودنه ولامره شاف شرار كذا أخذ المويه وفتحها ورجعها لشرار وجلس بجنبه وهو يمسح على رجوله أهداء مافيه الاالعافيه
شرار :شرب من المويه ورجع لجموده الي متعودين عليه ساكت ومتكي ومكشر بحواجبه لا خلاص مافيه الى العافيه
نياف :سلطان تطمنا عليه لكن وراك انت
شرار:مافيني شي وقام بلقوه يضغط على نفسه وطلع برى الغرفه وهو يمشي بالأسياب وماسك الحدايد في الأسياب عشان مايطيح لكن معاد تحمل ونزل على ركبه يبغى يهدى مايدري وش صار فيه عاجز يسيطر على نفسه نزل على ركبه وهو يفتح ازرار ثوبه ياخذ نفس بسرعه ورى بعض وقف عنده رجال يساعده حاول يوقفه لكن ماقدر في شرار الي جامد وصدره يرتفع وينزل ودموعه على خده من دون اي صوت سند راسه على الجدار وسكر عيونه ولف شماغه بلثمه على وجهه وهو يأشر بيده لرجال يروح الرجال حاول يساعده بس شرار رافض وانربط لسانه عجز يتكلم لم رجوله وهو يهدي من نفسه وجلس لحاله وعلى خاذا الوضع ساعه كامله الين هداء وأستجمع نفس وقدر يوقف طلع برى المستشفى وركب السياره بعد الغتره واتكى بيدينه على الدركسون وجلس على هاذا الوضع لساعات وعلى أذان المغرب نزل يصلي وراح للمسجد الي قدام المستشفى دخل وجلس يتسنن ويقراء ينتظر وقت الصلاه
دخل نياف المسجد وشافه موجود وصل بجنبه وينك ياحيوان
ادور عليك مالقيتك
شرار:طلعت أغير جو وأشم شويت هوى انكتمت بالمستشفى
نياف:سكت وهو يعرف شرار دايم اذا تضايق يجلس لحاله ولايبغى احد يشوفه اويحس فيه من النوع الي يشوف تعامل الناس كلهم معه انهم يشفقون عليه ويرحمونه وهو مايبغى احد يشوفه بهاذي النظره
طلعو بعد ماانتهو من الصلاه ورجعو بطريقه للمستشفى
نياف:تبي قهوه باخذ من الكافتريا الي هنا
شرار:لا مالي فيها بس الحقني اذا خلصت ودخل وبطريقه لسلطان مسكه حارس الأمن أبو عبدالله ها كيفك ياولدي طمني عليك
شرار:عقد حواجبه من سؤاله الحمدالله
ابو عبدالله:والله ياولدي شفتك من اليوم وانا واحزني وضعك وراك يتولدي حالك مايسر والله اني قد انتهى وقت دوامي لاكن حلفت مااروح الين اشىوفك
شرار:رجع على ورى وعلامات التعجب على وجهه لكن عرف انه شاف وضعه وحزن عليه ياابوي بخير ولافيني الاالعافيه
ابو عبدالله:ابوك موجود
شرار:الي حس بلطافة العم ابو عبدالله وكيف خايف عليه واول مره يحس بأحسس أهتمام الأب لولده قرب وهو يبلع غصته يخفي حزنه ابوي الله يجمعني به بيجنات النعيم
ابو عبدالله:الي قوب وهو يربت على كتف شرار الله يرحمه والله اني داري ان حزنك الي اليوم على واحدً غاليً جدت
شرار:وهو يمسح دموعه بطرف شماغه مايدري حس بصعف قدامه معاد قدر يتحكم بمشاعره اي والله غالي جدا
ابو عبداالله :الي حضن شرار لصدره لاتكتم حزنك بصدرك ياولدي طلع الي بداخلك ولاوعليك من احد لاعاد تكتم مشاعرك وانا ابوك افرج عن نفسك تنفس ارتاح من كل العذاب الي كاتمه بصدرك
العم ابو عبدالله يتكلم وكأنه يلمس جروحه ويشوفها يقول كلام وكأنه عاش معه وشاف القسوه الي عايش فيها
شرار:الي بعد وهو يمسح دموعها كيف كذا تعرف حياتي وكل شي مريت فيه
ابو عبدالله:ياولدي الشقى والقسوه باينه فيك من تعاملك وحركاتك انت حنين وطيب لكن واجهت القساوه الين صرت تتصنعها
شرار:وش اسوي يابوي مجبور محد عايش على كيفه بذا الحياه
ابو عبدالله:بس ياولدي لاعاد تكتم داخلك شي اليوم انهرت انهيار لدرجه ماتعرف من الي معك ورجفتك والله ماانسها انا ياابوك هنا وان بغيتني بتلاقاني ولاقول لااي احد يعطيك رقمي وبتلقاني ان بغيتني في شي عدني مثل ابوك رحمت الله عليه تراني عايش حياه ماهي بعيده عنك
شرار:ابتسم لاهنت ياابوي وان بغيت شي معك ولدك شرار امرني في ااي شي
ابو عبدالله:ابغا سلامتك اي والله ابغا سلامتك
شرار:ودعتك الله ياعم والمعذره كان ضايقتك
ابو عبدالله:لاوالله الاريحتني يوم شفتك هديت وارتحت ولاعاد تشقي نفسك وتقسى عليها وانا ابوك
دخل نياف:ها عمي ماقد رحت
العم ابو عبدالله:الي كان حالس مع نياف طول الوقت واخذ علوم شرار كلها منه لا والله رايح الحين يالله جعلكم ماترون باس
شرار:الله يحفظك وفي امان الله وهو الي يحس بحمل انزاح من عليه يحس بأمن وهو يسولف معه مايدري هل لاانه محتاج احد يحن عليخ ولا ليش كذا طلع كل الي بقلبه دخلو الغرفه عند سلطان وهو كان واقف ويعصب الشماغ على راسه
سلطان:وين طسيتو ياأثنين
شرار:ها كيفك يالأمير
سلطان:بخير مافيني الى العافيه بس طلعوني من ذا المكان الي جاب لي التكاك
نياف:يالله يالله مشينا خذيت علاجاتك
سلطان :ايوه
ونزل وبطريقهم للبيت واجههم المطر والأجواء الحلوه
شرار فتح الشباك واخذ نفس يالبيه هاذي الأجواء الي تفتح النفس تكفون بكره يبي لنا كشته
نيياف:يالبيه خوش راي والله بخاطري
شرار:ابشر والله بسعدك بكره اليوم كله على شرف سلامة السلطي فطور وغداء وعشاء
نياف:عشت ياابو محمد تم
سلطان:ضحك لا والله انا تو طلعت من المستشفى ومحذريني من الدسم حرمت علي
شرار:علي الحرام ان يموت واجبك وان تاكل ومابيجيك الاالعافيه وانا اخو سلطان
سلطان:على القوه اجل والله معاد بردك
نياف:قرب وهو يشغل المسجل ويصفق ويطق أصبع يالبيه هاذا الكلام الي استحق اسمعه كل يوم
شرار:ههههههههههههههههههههههههه اخخخخ مالومك خذ راحتك مخنوقين من رمضان ماطلعنا
-----
part13
