مثايل العرب

10

ثاني يوم
مثايل باست راس يدتها و امها ..
نوره : بنشتاقلج
مثايل : وألله أنا بعد بشتاق لكم .. و الصراحه مابا اجوف ابوي .. بس شو اسوي بعد ..
نوره : ماعليه حبيبتي ها ابوج ومب وايد يعني أسبوعين و بتردين
مثايل : ان شاء الله ، يلا امايه
عوشه : يلا حبيبتي .. راشد حبيبي كلمنا هناك زين
راشد : اوكي
صفيه تدق هرن ..
مثايل : يالله يالنشبه مانقدر نسلم ع راحتنا
نوره : لا تقولين جي ماما والله انها طيبه وانا ارتحتلها وايد
مثايل : ان شاء الله .. سلمي ع عيال خالو وخالي ..
نوره : يوصل .. وبعدين دخلوج القروبات وها كله سلمي عليهم
مثايل : ان شاء الله ..  يلا مع السلامه
Car
صفيه : هلاا حبيبي هلا اميييييي
راشد : مامااا
صفيه : اشتقت حق ماماتك؟!
راشد : هي
صفيه : عمممري أنا عمرري .. شحالج مثايل
مثايل : بخير الحمدالله
صفيه : عسى استانستي
مثايل : وايد
صفيه ابتسمت : اشوف ييتي بأغراض اكثر من الي طلعتي فيهم
مثايل : هيه والله ماقصروا هني
صفيه : البس حزامك راشد
صمت
صمت
صمت
بعد ربع ساعه تقريبا
صفيه : .. بتشبكين ؟!
مثايل : عادي نرمس شوي ؟!
صفيه : اكيد عادي
مثايل : كيف خذتي ابوي ..
صفيه : الله يسلمج .. ابوج كان مديري وانا ابوي متشدد شوي الصراحه .. و فيوم ابوج طلبني برع الدوام وماتذكر السالفه بالضبط يعني بس كان شي جي اجتماع
مثايل : هيه ..
صفيه : وانا ماخبرت حد غير ربيعتي العزيزه ع قلبي وايد والي ماخش عنها شي و توكلت على الله وسرت
طالعت مثايل
: فالنهايه هاي وظيفتي صح
مثايل : صح
صفيه : كنا نتناقش عن امور الشغل وها كله وشوي يدشون ابوي و اخوي وولد عمي الي وقتها كان خطيبي ..
مثايل : مالجين كنتو ؟!
صفيه : لا وقتها كانت فتره الكلام بين الرياييل و المهر وها كله ، المهم انمسكت تهزيئ مب طبيعي و صراخ .. وحصلت كفين وضرب وشتايم كله جدام عين ابوج .. السكيورتي حاول يتدخل بس ابوي الله يرحمه إذا عصب مايشوف جدامه .. و بعد ابوج حصل كلام يعني وولد عمي سحب عمره
مثايل : وكيف ابوج عرف
صفيه : تجوفين ربيعتي الي قلتلج عنها ؟!
مثايل : هيه
صفيه : الله يهديها هي خبرته و طلعت البنيه رامسه عني و عن شرفي قبل .. المهم ان ابوي مجرد ما ولد عمي سحب عمره .. زوجني أنا و ابوج
مثايل : ابوي كان راضي ؟!
صفيه : لا بس عقب ماكتشف معاناتي ماتردد ثانيه وحده ووافق
مثايل : ..
صفيه : اول سنتين زواج كانو جحيم بالنسبه لي .. ابوج كان وايد جاف .. فالشهر ايي مرتين .. وكنت اسمع منه كلام بعد مثل أنا تزوجتج عشان استر عليج وهو كان اكثر واحد يعرف اني بريئه ..
مثايل : هيه ..
صفيه : مثايل أنا بنت كنت صغيره ماستاهل كل الي عانيته .. وكنت وحده متزوجه ماتشوف ريلها إلا مرتين فالشهر
مثايل : ماكنت ادري انج عشتي ها كله ..
صفيه : عشت أشياء اكثر ياقلبي انتي .. بس الحمدالله فالنهايه سكرنا ع السالفه و ابوج حبني و حبيته ويبنا ثمره حبنا الي يالس ع فوني وراج
مثايل طالعت راشد و ابتسمت : حبيته وايد ..
صفيه : صدقيني هو بعد حبج .. كرك ؟!
مثايل : وبراتا جبن بعد
صفيه : عيوني لج ..
وقفت صفيه جدام الكفتيريا
صفيه : اثنين كرك واحد ملكو منقا و ثلاثه براتا جبن .. بطاقه ها ..
ا ماتوقعت مثايل بتتقبلهم بهالسرعه .. وقررت انها تكون اخت حق مثايل مب مرت ابو ، ابتسمت وطالعت مثايل الي فجت فونها
📲
Mafia gang group
مثايل : السلام عليكم شحالكم .. أنا الحين راده الشارجه و اسمحولي ماقدرت اسلم ع حد فيكم قلت مابوعيكم .. والله انكم ونستوني وايد ها اليومين و بأذن الله بردلكم عقب اسبوعين .
عيسى : درب السلامه ❤️
سلامه : حبيبتي مثايل طمنينا عنج عقب
امنه : بأذن الله .. صح رمسينا يوم بتوصلين
عبدالله : راشد وين ..
مثايل : ورا
عبدالله : صوريه ..
Methyl send a snap
امنه : قلبي فديته
عبدالله save in chat
: حبيبي
الباقين Seen ..

Ahmed family
احمد : نووووففف نشي !!
نوف : هاا خلني ارقد
احمد : دخييلج بقولج امس ماقدرت بسبب اميي
نوف : قول اسمع
احمد : البنت الي قلتلج عنها !! مثايل !! هي نفسها مال امسس
نوف نشت : تستهبل !!
احمد : لا لا ماستهبل أنا شفتها بعييني وهي تزقر عبدالله
نوف : معقووله !! الي ضفتها سناب مرت اخوي المستقبليه
احمد : ضفتييهاا
نوف : هييه
احمد : اقوى واااسططه
باس راسها
نوف : هههههههه حبيبي ، عشان جييي سألتني انتي يايه ويا منووو
احمد : عرفت انج اختي يعني
نوف : اتوقع
احمد : يسسسسسسسسسسسسسسسسسسسس بيضييي ويهي ها وامدحييني
نوف : زيين
احمد : يالله نشي بعزمج ع الريوق
نوف : احمد عاد مب وقت استهبالك برقد
احمد : والله عيل بعزمج يلا
نوف : امووت عليها هالمثايل
احمد : اهم شي تسوين وياها ستريك صح ؟
نوف : هيه
احمد : طرشيلها انا وااايددددد و بحبج وايد يا اقوى اخت فعالم
نوف : يااخي احمد هه

صفيه تغني بكلل ضمير
:واذا نوويييت تعشق تحب ثاني اماانه لا تنساانيي
علت نبره صوتها و تصارخ بسبب صوت الاغاني
: مثايل حافظه ولا اغير
مثايل بنفس النبره : حافظه
صفيه : يلااا عيل
مثايل ابتسمت : طمني عليك إذا حسيت بأي اذى
صفيه : بتلقااني مع قلبك اذا بككىى
هم الاثنين :
منوووو يحس فيني أنا
اذااا ذقت العنا
منو يدااري قلبيي فيوم إذا شكىىى
مثايل : يعني ماشوفك بعد ولا اسمع صووتك بعد
صفيه : صووتج طلع حلوو
مثايل : صدق ؟؟
صفيه قصرت ع الصوت : على ابوج ..
مثايل ابتسمت : ابوي صوته حلو ؟!
صفيه : تبين تسمعينه ؟!
مثايل : هييه
صفيه : راشد حبيبي عطني فوني ..ومثايل عطيه ايباده تحت ريلج
مثايل : اونه مانتبهت
صفيه : عادي بس عطيه
صفيه بطلت فيديو محمد وهو يغني ..
ضويتي بخاطري شمعة نسيت إني بوسط الناس

عيونك هلت الدمعة دلايل رهفة الإحساس

صمتك حديث عيونك همس الحكي بشفاتك

شفت الحياه من دونك مخلوقه في همساتك

مثايل : صدق !! ها صوت ابوي !! متاكده ..
صفيه : هييه .. شبعتي ولا تبين اشغلج وهو يعني اغنيتنا
مثايل : بسممع بسمع
صفيه : دقيقه اطلع
فالفيديو
صفيه : يالله محمد غني
محمد سرحان فيها
صفيه استحت : محمددد
محمد : يلا زين زين
اختلفنا مين يحب الثاني أكثر وإتفقنا إنِّك أكثر وأنا أكثر

من عدد رملِ الصَّحاري  و من المَطر أكثر وأكثر

كيف نخفي حُبنا والشَّوق فاضح وفي ملامحنا من الَّلهفه ملامح

عاشقين ونبضنا طفلٍ حنون

صفيه : واختلفناا ميينن يحب الثاني اكثر

محمد : و اتفقنا انك اكثر وانا اكثر ... احبج ام راشد
صفيه وقفت الفيديو بسرعه وقالت
: اءء ماعليج من آخر بارت يعني ..
مثايل ابتسمت : أغنيتكم ؟!
صفيه : هيه ..
مثايل : شكلكم تحبون بعض وايد ..
صفيه : شكلنا ؟! صدق احب ابوج وايد وايد ...
مثايل : الله يخليكم لبعض ..
طالعت راشد ..
مثايل : احس راشد بيكون ابو وايد زين..
صفيه : هههههه بعده صغير ماكتشفنا شخصيته
مثايل : بس بعد .. تربى بين اثنين يحبون بعض .. وهو طيب وحنون ..
صفيه : الحمدالله
مثايل : ماتفكرين تيبين له اخو ؟!
صفيه بصدمه : ها ؟!
مثايل : أخوو .. او اخت
صفيه : انتي تكفين ..
مثايل ابتسمت .. وبهالحظه بدون وعي منها طرشت رقم ابوها حق احمد .. تثاوبت ..
صفيه : نامي ياقلبي انتي الدرب طويل انتي تعبانه ..
مثايل : لا مابخليج
لفت ع راشد ولقته راقد