مثايل العرب

13

مثايل : هووودددددد هوود هل البيت وينكممممممم
صفيه : نتريااج ي بعدي تعالي اكلي
مثايل : شسمه صفيه ..
صفيه : ها ؟
مثايل : ما اكل لحم
صفيه : اعرف اعررف وسويتلج طبق خااص ابوج يقول تموتين بالسمج صح
مثايل : هييه
صفيه : يعني مابجذب عليج طلبت من طباخه فريجكم جنعد
مثايل : وايد زين بعد ..
محمد : علومج مثايل كيف الاختبار ؟
مثايل : الحمدالله وايد حلو كان وسهل
محمد : هيه جي اباج شدي حيلج
مثايل : يوم الاربعاء امتحاني الياي و عقب ماخلص منه بي اشل اغراضي و برد بوظبي
صفيه : منو بيردج ؟!
مثايل : بجوف عبدالله ولا عيسى ولا علوه خلفان اي حد عادي
محمد : كيف يعني تركبين وياهم بروحج !!
مثايل : اوهو ابويه خلاص
محمد : والله العظيم ان ركبتي بروحج وياهم لازعلج ي مثايل
مثايل : كيف يعني انت بتردني!!
محمد : برمس ولد عمج زايد وأخته شما اييونج ويردونج
مثايل : عاد ابويه هم مب ملزومين فيني وانا وحده مني مادانيهم يغثوني ماقدر اركب وياهم ساعه وشي
محمد : عيل تبين وي السبلا**ن
صفيه : خلاص محمد عن الغلط
محمد : مايخصج انتي
مثايل : اكل انا ما باكل برايكم انتو !!
( سارت )
صفيه : خلاص محمد شو فيك ع البنيه !!
محمد : غلطه عمري اني يبتج هنيه
صفيه : ..
محمد : اسلوبها وياي تغير وقبل ماتقدر تقول اق
صفيه : بالعافيه عليك

مثايل : السلام عليكم ، موافقه
احمد : قبل اقل من ساعتين قلتي بعدج !
مثايل : موافقه و رقم ابوي عندك يلا الله يحفظك

After 5 days
عوشه : هلا حبيبتي
مثايل باست راسها : هلا يدوه علومج
عوشه : الحمدالله بخير
مثايل : إلا وين امي وهاييل ؟!
عوشه : والله كلهم طالعين بس مابيطولون الحين يايين
مثايل : اها
عوشه : شو انتي ماخبرتي حد بتيين ..
مثايل : هيه والله ماخبرت حد بس عيسى يابني
عوشه : وينه الحين
مثايل : ينزل اغراضي
عوشه : زيين تبين شربت ؟
مثايل : لا
عوشه : تبين بلاليط باكستاني مسوينه الصبح
مثايل : لا امايه مابا شي
عيسى دش والشنط بأيده : عنبو مثايل شو حاطه ف شنطتج انتي طابووق!!
مثايل : ههههههه قلتلك بساعدك قلت ماعليج دشي
عيسى : توووبه ، ليش البيت فاضي
مثايل : كلهم طالعين
عيسى : يدوه شحاللج ( حب راسها )
عوشه : حبيت الكعبه
مثايل : ساعدني اودي اغراضي فوق
عيسى : لا لا مايخصني خلي الخد....
قاطعته عوشه : عيسو بتساعدها ولا كيف !
عيسى : بساعدها
مثايل بضحك و سخريه : مثلللل الجلب
عيسى : لا تمونين وايد ماعرفج انا ماقدر احط شي
مثايل : اراويك الفيديوهات الي صورتها فالسياره ؟ قطعتنني
عيسى : صورتي !!
مثايل : لا تسوي عمرك غبي يالله ساعدني
آمنه دشت و بيدها اكياس : هااايييييييي تيتا ، اووه مثايل
عوشه : شو تيتا بعد عيب عليج
امنه : بالغلط يدوه شحالج مثايل متى ييتي
مثايل : بخير الحمدالله ووالله توني ييت
آمنه : ايوااا واقولج فتشي الأكياس في اشياء حقج
مثايل : حقي ؟
امنه : هيه حق حجرتج وبجايم ماتشي وجي
مثايل : الله
عيسى : احم الحمدالله بخير انتي شحالج ؟
امنه : محد سال
مثايل : عيسى اييب الاغراض فوق أنا ببدل و بنزل اسلم
من صعدت مثايل دشو عبدالله و نوره وخلفان وراهم
عيسى : ييتو ويابكم الله دخلو اغراض مثايل فوق عندها
نوره : مثايل موجوده !!
عيسى : هيه
عبدالله : انا الصراحه تعبان برقد انتو ودولها الاغراض
امنه : عطوني اخف شنطه بوديها مره وحده وانا سايره حجرتي
عيسى : للاسف ماشي شنطه خفيفه
خلفان شل وحده من الشنط : خييييبه ( نزلها ) عبدالله ساعدني
عبدالله : هاي شو حاطه فالشنط !!
خلفان : شكلها مرت ابوها ماطاعت تشل رشود فهربته فالشنطه
عبدالله يضحك : شكله
عوشه : خلاص انتو !!
نوره : زين سيرو وخلصو بسرعه عندي موضوع وياها
فوق
عيسى : مثاااييلللللللللللللللل
مثايل بطلت الباب بسرعه : خيبه ليش كلكم يايين !!
عبدالله : شليي شنطج وسويلنا انبوكسنق شو فيهم
مثايل : دخلوهم
خلفان : ماشاءالله الحجره تلمع من النظافه ليتني مثايل
عيسى : حتى لو كنت مثايل الوصخ وصخ
مثايل ضحكت ع سوالفهم : زين اقولك عيسى ابوك مابيي ؟!
عيسى : اليوم بيي
امنه : ييت ، مثايل فرقت الاغراض وهاي اغراضج
مثايل : ها كله حقي !!
امنه : هيه
مثايل : يزاج الله خير
امنه : اقولج سر ؟
مثايل : شو
امنه : ترا بفلوس امج بس عادي انا و امج واحد
عيسى : وين عمو فاطمه
امنه : مادريبها
مثايل : يلا حبايبي بدون مطرود اقضبو الباب عندي طقوسي الخاصه
خلفان : اكيد اكيد بتطلع رشود من الشنطه
عبدالله بضحكك : هههههههه شكله اختنق
مثايل : ها ؟
عيسى : زين مثايل والله حجرتج حلوه ( يلس ع شبريتها ) عادي ارقد هني اليوم ؟
امنه : كيف يعني !؟
عيسى : انتي ي المتخلفه اقصد نبدل حجر
مثايل : خوز
عيسى : ان شاء الله عمتي
مثايل : عبدالله
عبدالله : لبيه
خلفان : صدق كيف يعني
عبدالله : اقصد ها شو
مثايل تنهدت : عبدالله خلفان عيسى لو سمحتو برع
عبدالله : و اموون !!
عيسى : لا هاي دفرنت اطلع اطلع
امنه : يلا انا وياكم
مثايل : حمدالله ( قفلت الباب ) اخيرا بقدر استجم
ماكملت كلامها إلا و امها تدق الباب ، نوره : مثايل ماما بطلي
مثايل بطلت الباب و حضنت امها بسرعه
نوره : قلبي ، شو سويتي عند ابوج ؟
مثايل : تضاربت ويا ابويه وماكلمه
نوره : بعد !!
مثايل : هيه
نوره : مثايل امي مهما صار ترا هذا ابوج مايستوي جي تسوين و تزعلين منه
مثايل : بس ماما
نوره : تخيلي انه رمسني بس عشانج !! ابوج ابوج رمسني
مثايل : رمسج ؟ عشاني ؟ كيف يعني
نوره : حبيبتي شي واحد خاطبنج و ابوج حب يشاورج ..
مثايل عدلت يسلتها : انا ؟ خاطبني ؟ كيف يعني
نوره : يعني لو تعرفين منو ها الولد بتنصدمين
مثايل : منو ؟
نوره : اخو نوف الي يلستو وياها آخر مره
مثايل ابتسمت بخفه : اونه
نوره : والله ، أنا أشوف ان الولد ماشاءالله محترم و من عايله راقيه و ماعليهم كلام بس فالنهايه انتي صغيره وانا قلت حق هالكلام حق ابوج
مثايل : انا صغيره ؟ لا لا منو قال اني صغيره
نوره : مستعده حق زواج ؟!
مثايل : يعني بس خطبه ..
نوره : مثايل ؟! انتي تعرفين هالولد ؟!
مثايل : امييي يعني ليش الشك ها كله انا اقصد بس بستخير وجي يعني
نوره : زين أنا بخليج وانتي خذي وقتج بالتفكير
مثايل : تمام ..

منيره : شو فيه ها مايرد ؟!
سهيل : بطلي الباب خيستيني برع !!
منيره فزت و بطلت الباب بسرعه : ليش تأخرت ( شافت ويهه و شهقت ) سهيل انت متضاارب ؟!!!!
سهيل : مايخصج خوزي عني
منيره : اجوف ويهك بسرعه
سهيل : خووزي مابمد ايدي علييج
منيره : ليش جي تمشي سهيل ؟! انت رديت حق ها المنكر !!
سهيل : خووزي عن ويهي .. ( كان بيبعدها بس ضربها بالغلط وبسرعه طلع من البيت )
منيره وهي تتنفس وايد بسرعه وتحس عمرها بتنهار بأي لحظه : يارب .. ياربيي
وبدت دموعها تنزل من شوي شوي لاربع اربع ...

سلامه : غايه خلصتيي يدوه حرقت فوني تقول وايد تاخرنا
غايه : خلصت خلصت ركبو السياره ..
يمعه : كندورتي توصخت !!
غايه : عندي وايبس فالسياره
يمعه : مابيخوز الوصخ
غايه طالعته وشهقت : انت ياهل تخييس عمرك بالنوتيلا !! وليش تاكل أصلا !! ( شهقت مره ثانيه ) الكندووره يديده
يمعه : اوهو زين بغيرها وخلاص
غايه : لا لا تغيرها
يمعه : شو ؟!
غايه : بتسير لهم جي بوصاختك
يمعه : انتي ايه عن المصخره
غايه : قلت بتسير لهم جي ومابعيد رمستي انا اترياكم فالسياره
سلامه : بس غايه يدوه بتعصب ..
غايه : احسن خ تعصب ها الي اباه يمكن ترمس امج وتخليها تستوعب ان نحن بعدنا صغار عشان تخلينا وتسافر !!
سلامه : ترا امنا محد من سبع سنين الحين استوينا يهال بالعكس نقدر نتصرف
غايه : اوهو بترياكم فالسياره انا و يمعه ياويلك ياسواد ويهك تغير الكندورة اباهم يضحكون عليك
( طلعت )
يمعه : هاي اخت الحين اخت !!
سلامه : ماعليك منها شل كندوره ثانيه وغير هناك .. تراها مضغوطه شوي