مثايل العرب

17

كانت الساعه 3:05 الفجر و مثايل للحين مانامت كانت تفكر فمستقبلها وحياتها بعدين و هل هي فعلا اتخذت ها الخطوه من وقت ؟ لبست هودي سماوي ع بنطلونها الوسيع و حطت قحفيه الهودي ع راسها ورصت عليه عشان إذا حد من الشباب كان موجود و نزلت المطبخ تسوي لها شي يسد يوع آخر الليل
مثايل : علي انت هني ؟
علي : لا جني
مثايل : لا تستهبل
غايه : أنا بعددد موجوده
مثايل : اشوفج ترا مب عمييه
علي : يوعانين شو بتسوين انتي ؟
مثايل : ماعرف ...
علي : ولا تدرين قومو
مثايل و غايه مره وحده  : وين ؟
علي : ماك بعد وين دامنا كلنا يوعانين و الباقين رقود ولا خطيبج مايرضى ؟
مثايل : مايخصه هو بس صدق مالي خلق
علي : انتي الثانيه ماعندج خطيب بتيين ؟
غايه : يلا زين أنا بييب عباتي
علي : متفييج اترياج تعالي جي ترا مابننزل
غايه : تماام
علي : مثايل صدق آخر كلام مابتيين ترا والله بنستانس وبنشبع
مثايل ابتسمت : استانسو أنا أصلا شوي و ارقد
شلت مثايل غرشه ماي و صعدت فوق حجرتها وصلت و يلست ع الشبريه مسكت فونها وتمت تتجلب لين رقدت

علي : شو تبين اطلبلج ؟
غايه : اسكريم فلوري
علي طالعها : خير شو فلوري أنا قابض درب من البيت لين هني وتقولين فلوري
غايه : كيف يعني غصب اككل
علي : هيه هيه شو تبين تاكلين ؟
غايه : اممم دامك مصر بس فرايز
علي قالها بسخريه : فراايز حياااتي ماتبين بطاط
غايه : علوه لا تستوي غلس خلاص مابا شي
علي : أسوولف وياج زين بطلب لج فرايز وفلوري
غايه : غصبا عنك
علي : خير شو غصبا عنك ( وقف السياره فنص الشارع ) مابتحرك لين تعتذرين
غايه : كيف يعني اعتذر شو قلت أنا
علي : مايخصني اعتذري
غايه : مابا اعتذر
علي : عادي لا تعتذرين مابتحرك حتى لو اذن الظهر
غايه : قصدك الفجر
علي : لا العصصر
غايه : اووووهووو زين يلا اسفه حرك
علي : قوليها من خاطر
غايه : لا تستهبل
علي : لو سمحتي يلا
غايه وهي تتأفف : اسفه
علي : بكل احساس و مشاعر
غايه : اوووهووو علوه قلت ااسسسفه !!
علي يضحك : جي زين
بعد عده دقايق
غايه : تبا تجرب اقوى مكس فالعالم ؟
علي : لا مابا
غايه : مب على كيفك خذ من حبه فزايز وغمسها فالاسكريم
علي : لا لا مب ناقص عوار بطن و تسمم
غايه : ع ضماانتي لذيذ و مابيستوي لك شي
علي : لا شكرا

9:45
امنه : خالو
نوره : هلا
امنه : امي ردت ويا ابوي ؟!
نوره : منو قالج حبيبتي ؟! هيه ردت ..
امنه ابتسمت بحزن : ليش ماخبرتوني
نوره : مثايل قالت لج
امنه : حتى مثايل تعرف .. ونحن عيالها
خلفان : امي ردت ويا ابوي !! تستهبلون
امنه : هي طرشتلي صورتهم ويا بعض ..
نوره : يالله فطوم ماتفكر
خلفان : خالو دامكم تعرفون ليش ساكتين ؟! ترا عادي لو عرفنا
عوشه دشت وبيدها صينيه الريوق و قامت امنه فزت تساعدها
نوره : حبايبي ها قرار امكم ماعليكم من شي وانتو عيالنا و صدقوني نحن ماقلنا لكم عشان ماتزعلون او شي
امنه : بس كيف هنت عليها
عوشه : عرفوا عن امهم
نوره هزت راسها بمعنى هيه
يلست عوشه و بطلت ايدها و نطقت : تعالي ايلسي عدالي
سمعت كلامها امنه ويسلت عدال عوشه ، باست عوشه راس امنه و قالت : أنا امج حبيبتي
دش عبدالله حب راس عوشه و نوره ويلس وعقبها بشوي دشت مثايل ويلست
عوشه : إلا وين الباقين ؟ يموع و عيسى و علي وينهم و البنات
امنه : كلهم رقود
عوشه : الله يهديهم
عبدالله : شو الله يهديهم يدوه الله يهدينا نحن الدياي الي ناشين من صباح الله خير
عوشه : احسن عشان صحتك
خلفان : شو يخصها الصحه
عوشه : مايخصك
خلفان وهو يضحك : مشكوره
نوره : تخيلي مثايل اول ماطلعو كلمتني ام احمد موافقين وانتي شو رايج
ابتسمت مثايل بخفه : موافقه
سمع عبدالله كلمتها و طلع علطول وهو مقهووور و فييه الغصصه لاحظته امنه بس ماعطته اي اهتمام
عوشه : كلولولولولوشششششش الف الصلاه و السلام عليك ياحبيب الله محمممددد
كانت امنه مبتسمه و مستانسه حق مثاايل وايد بس يا عبالها عبدالله و استوعبت انه يحب مثايل وقدرت تربط المواضيع وعرفت انه متضايق عشانها ونطقت : بروح وبيي
مثايل : وعيي البنات بعد
امنه : تمام