مثايل العرب

21

عبدالله وهو حاط المخده على راسه : شووو سلط عليي هالقطوووه
كانت القطوه تراكض بأنحاء الحجره و تنقز عليه وترد تشرد صارخ عبدالله بصوت عالي : خلاااص !! وفر المخده ع الطاوله يلس الشبريه وهو يدور ع القطوه بعيونه شافها واقفه تطالعه بخوف ونطق : تخافين مني ابتسم لها وسوا لها حركه بأيده ويته تركض وتغرغر قام وشلها و تم يلعبها لين تعبت و رقدت جاف الساعه كانت 10:45 قام سوا روتينه المعتاد و نزل عند اهله
دش عبدالله وطاحت عينه ع مثايل الي يالسه تلعب قطوه امنه شتت أنظاره عنها وقال : السلام عليكم
الكل : وعليكم السلام
مثايل : ههههه عيسوووو من وين يبت هالقطوهه!!
عيسى : مابقولج
عبدالله : شي بعد وحده فوق
مثايل : احلف !! مال منو
عبدالله : مالي
مثايل : كل الي فالبيييتتتت عندهم قطاااووووه
عبدالله : بتعرسين وفبيتج ايبي حمار بعد مب قطوه
مثايل : ما افهم ليش وايد تفتح طاري عرسي شو متحمس اكثر عني ؟
سالم وهو يغير السالفه لان حس بكهرباء فالبيت : ها مثايل خلصتي امورج
هزت راسها بالنفي وقالت : باقيلي الكعب و ماجفت ميكب ارتست
بشاير : مثايل الملجه ها الاحد كيف ماحصلتي ميكب ارتست
مثايل : ميثه بنت عمتي رمست وحده و بنشوف
امنه : انا باقيلي الفستان تخيلوو !!
غايه : باقييلي الكعب بعد
سلامه : أنا الشنطه و الككعب
عبدالله : تبون أوديكم تخلصون اموركم ؟
امنه : هييه دخيلك عبود
نوره : مب لازم وايد تبالغون و اوفر كشخه بين الاهل الحفله نحن وهم
مثايل : وايد متوتره الصراحه احس مب مستعده اتزوج
عبدالله : لا تتزوجين حد غاصبنج
مثايل ابتسمت غصب له وقالت : مايعينك الشي
امنه : مثايل لا ترمسينه جي
عبدالله : امون مايخصج
نوره : خلاص بسكم يهال انتو يهال
عبدالله ضحك بخفه وقال : خالو نوره
نوره : ها خالو نوره
عبدالله : احبج
نوره : ههه عبود أنا بعد احبك
عبدالله : جفتي كيف خليتج تبتسمين
نوره : فديت روحك
منيره : محلا هاليمعه والله مشتاقتلها
عوشه : الحمدالله انتي بينا الحين و عيالج موجودين ( طالعت آيلا ) و اختهم بعد وزاد عددنا
مثايل : احم
عوشه : ههههه وردتلنا احلى وحده مثايل
منيره : ناقصني شي واحد
سلامه : شو هو ؟
منيره : عيالي يرضون علي
قام يمعه ويلس عدال امه و قال : ومنو نحن عشان مانرضى عليج
ابتسمت منيره بخفه و حطت ايدها ورا جتفه وحبت راسه وقالت : حبيبي ( ووجهت نظرها لغايه وسلامه ) وانتو بناتي
سلامه : من ييتي وانا راضيه مايبالها سوال وغايه اكتفت بالسكوت
عبدالله وقف و قال بصوت عالي : على ها الأجواء الحلوه كلكم يالبنات تتغدون تلبسون عبيكم علطول عسبه نسير ( اشر على علي وخلفان وعيسى ويمعه) لا تقولون عندكم اشغال شي انتو بعد بتوون وبنتفرق عن البنات يخلصون ونتمشى نحن
علي : بس تم
عبدالله : تمت افراحك والباقيين ؟
خلفان : الأشغال تتأجل انا وياكم
عيسى : أنا بعد وياكم
عبدالله : بس خلاص يمعه انت مراهق ماعندك شي بتيي
يمعه : اول واحد انا
وفعلا تغدوا البنات و بدوا يتزهبون وتقسمو سيارتين لان سياره وحده مابتكفيهم
فالسياره الاولى كانو ( عبدالله ، امنه ، مثايل ، عيسى ، خلفان )
السياره الثانيه ( علي ، غايه ، آيلا ، سلامه ، يمعه )