السموحه ع التأخير واذا في اخطاء املائيه حاولوا تفهمون و طنشوها
تقدمت اسما حضنت مثايل وقالت : عظم الله اجركم
بادلتها مثايل الحضن وهي تصيح وقالت : الدوام لله
اسما وهي تطبطب على ظهر مثايل وتقول : سامحيني مثايل ماقدرت ايي اول يوم امس
ابتعدت مثايل وقالت : عادي
بعد دقايق اتصل احمد حق امه وقالت وسط نقاشها مع نوره : مثايل احمد يباج برع
طلعت له مثايل وحضنته وقال : عظم الله اجرج
مثايل بصوت واضح عليه الصياح : الدوام لله
احمد : اشوف ويهج
طالعته مثايل وقال احمد : كلتي انتي
هزت راسها بمعنى هيه وقال : شو كلتي ؟
سكتت مثايل لثواني وقالت : بلاليط
احمد : ماتعرفين تجذبين عطي امج خبر وركبي السياره
مثايل : شو اركب السياره ثاني يوم عزا
احمد : وشوفي شو ناقصنهم فالبيت من صحون بلاستك خواشيق اي شي بنيبه
مثايل لفت بتسير وقالت : لا لا بسير داخل احمد
سحبها احمد وقال : خلاص أنا برمس امج
مثايل : احمد مايستوي شي اوادم داخل
زخ احمد فونه ومثايل تطالعه وقال : امج وافقت ركبي السياره
مثايل : متى كيف !!
اف احمد الفون وشافت الشاشه و قالت : بس أنا ابا اتم داخل
مسك ايدها و تقدم و بطل باب السياره وقال : بعيد الحركه إذا ماركبتي
مثايل : خلاص بركب
دش محمد البيت عقب غياب كم يوم وقال : تزهبي بنسير عزا ام نوره
صفيه : ماتكلمني لك يومين و السبب مجهول و يوم تدش تقول جي ؟
محمد : بسرعه
يا بيطلع بس قال : وموضوع الزواج أنا جاد فيه
وقفت صفيه ونطقت : ممكن اعرف السبب ؟
محمد : لا
صفيه : شو الي غيرك فجاة !! ماشاءالله قبل ينضرب فيك المثل و كنت من احسن الرياييل الي عرفتهم .. ماتغير شي بس فجاة ييت تقول بتزوج عليج و بالأسلوب ها شو ياك محمد
محمد : كيفي أنا ريال وابا اتزوج على سنه الله ورسوله فيها شي ؟
صفيه علت صوتها : تزوج كيفك بس ماترمسني جي مب ياهل عندك
محمد : اقول بسرعه تزهبي بنسير العزا
ضحكت بخفه وقالت : حتى اليهال محد يرمسهم جي .. عبده عبده أنا
محمد : خلصيني
اشرت عليه بصبعها وقالت : محمد أنا حرمه جدامك ام عيال
قاطعتها محمد وقال : مابا كلام زايد خلصي بسرعه ولا والله
يلست صفيه و قالت : مب سايره
محمد : بسرعه قومي
صفيه : مابسير كيفي مب انت الي تجبرني اسير
محمد : قومي و مابعيد كلمتي ولا والله
قامت صفيه و سارت وقال محمد بصوت عالي عشان تسمعه : بنمر ميثه وريم خلصي ولا تفشليني وياهم
احمد : ها شو تبين تاكلين ؟!
مثايل : أنا مابا اكل شي بس ركبت عشانك انت خلاص احمد مب غصب
احمد : مثايل مابنزلج من السياره إلا و انتي ماكله شي
حطت مثايل ايدها ع ويها وبدت دموعها تنزل وقال احمد : شوفيج بلاج !!
مثايل : أنا مابا اكل
وقف احمد السياره وقال : خلاص ع راحتج لا تاكلين بس لا تصيحين مثايل
مثايل : احمد أنا ماشبعت من يدوه راحت بسرعه
تنهد احمد وقال : ها اليوم الي مكتوب لها مثايل محد يقدر يغير ها الشي
مثايل : كان المفروض أنا اكون وياها .. بس رديت البيت وخالو تمت
احمد : سبحان الله عشان ماتشوفينها بالحاله هاي
مثايل : يدوه شي وايد عزيز وغالي علي لييتني أنا الميته ولا هي اوول
قاطعها احمد و زخ ايدها وقال : مثايل لا تقولين جي
مثايل : اول مره اعيش هالشعوور احمد ماقدر اتحمل أنا يدوه وايد احبها اشووف امي و الباقين يصيحون عليها قلبيي يتقطع بس ماقدر ماقدر شي وايد
احمد : بسم الله على قلبج و ادعيلها مثايل تراها تسمعج فالقبر ويوم تصيحين تتعذب ي مثايل
مثايل : احااول ماصييح والله العظيم احاول
احمد : بوديج مكان تاخذين راحتج فيه
مثايل : الدنيا ظلمت ردني
احمد : نسيتي الي قلته ؟ مابردج وانتي مب ماكله بس اول شي بخليج تقولين كل الي فخااطرج
مثايل : احمد
احمد : عيونه وقلبه
مثايل : ليش انت وايد زين ؟
ابتسم احمد وقال : ماتبين اكون زين ؟
مثايل : لا ابا .. بس ماحس اني استاهلك
احمد حرك السياره وقال : مابا اسمعج تقولين جي
مثايل : ردني البيت متضايقه وايد ومابا اضايقك وياي و ترا الرياييل اكيد يدورونك
احمد : ماعلي منهم اليوم بسمع كل شي منج
مثايل : بس احمد
احمد : تعرفين اماكن هاديه فبوظبي ؟ لو كنا فدبي بوديج بس ادركت نحن فبوظبي احين
مثايل : ولأ أنا اعرف
احمد : عيل مالنا إلا البحر بس اول بنطلب شي تأكلينه
مثايل : عزا يدوه احمد لازم اكون هناك
احمد : ماعليه مثايل انتي ويا ريلج شوي و تردين هناك و امج تعرف بتقولهم مثايل ويا ريلها تمام ؟
مثايل : تمام
بعد ثواني اتصلت أمنه وردت مثايل وقالت امنه : عواش يت تبا تعزينا و تعتذرلج
مثايل : أنا محد
امنه : وينج ؟
طالعت مثايل احمد وقالت : ويا ريلي
ابتسم احمد وقالت امنه : تمام
مثايل : قوليلها بالحرف مثايل ويا ريلها
امنه : تمام تمام
بندت مثايل وقال احمد : حلوه ع لسانج
ابتسمت مثايل بحزن وطالعت الدرب و قال احمد : ماتحمل اشوفج جي مثايل
مثايل : وكيف تبا تشوفني وانا امس توفت يدتي
احمد : الله يرحمها
مثايل : امين
طالعها احمد وقال : اخ يا كل كلي وياهلي انتي
ابتسمت مثايل وزخت فونها و قالت : في اغراض ناقصتنهم فالبيت مر الجمعيه باخذهم عقب ردني
احمد : لا مثايل أنا قلت ..
مثايل : وعد برد البيت باكل و إذا تبا بدقلك وانا اكل بعد
احمد : بس بكون عند الرياييل
مثايل : وعدتك أنا والله باكل
احمد : بس تمام
مثايل : الجمعيه ؟
احمد : عيوني
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
