مثايل العرب

8

مثايل : يالله صباح خير
قامت مثايل .. وهي مرتااحه بس تحس بضيقه شوي .. شعور انها بعيده عن ابوها .. يعور
تحت فالمطبخ
عوشه : اميه راشد تبا بلاليط ؟
راشد هز راسه بمعنى هيه
عوشه : اغرفيله امنه
امنه : ان شاء الله
عبدالله دش : السلام عليكم ..
الكل : وعليكم السلام
عبدالله : شو اليوم ريوقكم فالمطبخ ؟! مب فالميلس
عيسى : هيه الميلس تحت التعقيم ماعرف شو يقولون
عبدالله : ايواا ليش
عيسى : عزيمه مثايل ..
عبدالله ابتسم : توني اتذكر انها موجوده .. والله شي غريب
امنه : مافي شي غريب ..
عبدالله : شو تبين انتي ؟! إلا عيسى وين اخوك ؟!
عيسى : رد البيت
عبدالله : هييه ووين سلاموه و غايوه ويموع ؟!
عوشه : كلهم ردو بيتهم امس يالله قوم كل ، امنه وعيتي مثايل ؟
امنه : خلها ترقد اكيد تعبانه بتنش بروحها
عوشه : زين
فاطمه دشت معصببه : الخدمم هاييل بذبحهمم يعني بذبحهمم !!
عوشه : شو
فاطمه : أنا قايلتلهم بخروا ببخور فاطمه و قامو بخرووا ببخور لطيفه ؟!
ههههههههههههههههههههههههههههههههههههههههههههههههههههههههههههههههههههههههههههههه
عبدالله : يالله الله يخليج خالو لا تضحكيني زياده ههه
فاطمه : شووو !!
عبدالله : جوفي خالو لو بخورج نفس ريحتج لا تحطينه
فاطمه : عبود!!!
عبدالله : استهبل استهبل تعالي اشمج
فاطمه : اخ لاه عبود خلاص عن المصاخهه
عيسى : معصبه عشان بخور لطيفه مب فاطمه ههه
فاطمه : شو يضحك !! ووين هاي مثايل
راشد : نايمه
فاطمه : يوم الكبار يرمسون الصغار يسكتون فاهم !
عوشه : بلاج ع الولد خليه ماقال شي

طرف مثايل
نوره : ها امي خلصتي ؟؟
مثايل : هيه الحين بنزل
نوره باست خدها : فديتج وفدييت كشختج حبيبي
مثايل ابتسمت : افداج امي
نوره : عيل طلعتي تعرفين عن العزيمه وانا يايه اخبرج
مثايل : عزيمه ؟!
نوره : هيه يدتج ماقصرت زقرت الكل عشانج
مثايل : عزيمه .. أنا ؟!
نوره : هيه
مثايل : حقي ؟!
نوره : ليش مصدومه ماكنتي تعرفين شو
مثايل : لا
نوره : عيل ها الكشخه كلها ليش
مثايل : ممادري
رن تلفون مثايل .. ويوم قرت الاسم الصدمه كانت
زنجبيل .. ابتسمت ولاردت
نوره : يلا بترياج تحت ..
مثايل : ان شاء الله
مثايل ف قلبها : ارد ادق .. ولا فشله .. ولا ليش ادق أصلا هو الموضوع خلص .. يمكن يبا فلوسه ؟! بجرب بجرب ادق

📞
مثايل : الو .. منو وياي
احمد : زنجبيل
مثايل ابتسمت وهي اصلا تعرف انه هو ..
: بغيت شي ؟!
احمد : لا
مثايل : عيل ليش داق اخوي ..
احمد : ماعرف كيف افاتحج فالموضوع ..
مثايل : طرشلي لنك وبردلك البيزات عادي
احمد : لا لا لا مايخصها البيزات تفداج والله
مثايل : عيل ؟!
احمد : أختي أنا ابا أتقدم ..
مثايل بصدمه : تتقدم ؟! منو ؟! وشو
احمد : شو اسمج اول شي
مثايل : مثايل
احمد : اختي مثايل أنا ابا أتقدم لج على سنه الله ورسوله
مثايل : تعرف كم عمري ؟؟
احمد : كم
مثايل 17 .. مافي مجال .. الله يحفظك
احمد : لا لا صبري تراني مب عود
مثايل : ...
احمد : على سنه الله ورسوله و صدقيني مابحرمج من دراستج ولا الدوام ولا السواقه ولا اي شي و البيت باخذلج ياه فالمنطقه الي تبينها و إذا تبين عند اهلي بعد راضي .. وصدقيني أنا مقتدر يعني و دوامي زين و ادرس بعد ومابقصر وياج فشي
مثايل : ليش ها الإصرار ؟!
احمد : أنا ييت اسالج عن رقم ابوج اخوج اي حد ..
مثايل : أنا مب موافقه ..
احمد : .. مب موافقه ؟!
مثايل : اسمح لي
📞
ابتسمت مثايل .. وحست بأحساس غرييب .. حطت فونها ع الجرج ونزلت لهم تحت